காரைக்கால் மீனவர்கள் 26 பேர் இலங்கை கடற்படையால் சிறைப்பிடிப்பு

நடுக்கடலில் மீன்பிடிக்கும் தமிழக மீனவர்கள் மீது தாக்குதல், சிறைபிடித்தல் உள்ளிட்ட அட்டகாசங்களில் இலங்கை கடற்படையினர் பலமுறை ஈடுபட்டு வந்தனர். இதனை கண்டித்து தமிழகம், புதுவையில் பல்வேறு போராட்டங்கள் நடைபெற்றன. இதுபற்றி மத்திய அரசு இலங்கை தூதரக அதிகாரிகளிடம் தெரிவித்தும் சிங்கள ராணுவத்தின் அட்டகாசம் முடிவுக்கு வரவில்லை.

நேற்று இரவும் இலங்கை ராணுவத்தினர் மீண்டும் அட்டூழியத்தில் ஈடுபட்டுள்ளனர். இதுகுறித்த விவரம் வருமாறு:-

காரைக்கால் மேடு பகுதியில் இருந்து கடந்த சில நாட்களுக்கு முன்பு 4 மீனவர்கள் ஒரு படகு மூலம் மீன்பிடிக்க கடலுக்கு சென்றனர். அதேபோல் காரைக்காலை அடுத்த பட்டினச்சேரியை சேர்ந்த 22 மீனவர்கள் 4 படகுகளில் மீன்பிடிக்க சென்றனர்.

நேற்று நள்ளிரவில் இவர்கள் நடுக்கடலில் மீன்பிடித்து கொண்டிருந்தனர். அந்த வழியாக ரோந்து படகில் வந்த இலங்கை கடற்படை வீரர்கள், காரைக்கால் மீனவர்கள் மீன் பிடிப்பதை கண்டவுடன் ஆத்திரமடைந்தனர். 5 படகுகளையும் சுற்றி வளைத்து மடக்கி பிடித்தனர். பிறகு அதில் இருந்த 26 மீனவர்களையும் கடுமையாக திட்டி தாக்கினர். பிறகு 26 பேரையும் 5 படகுகளுடன் சிறைபிடித்து இலங்கைக்கு கொண்டு சென்றனர்.

இலங்கை ராணுவத்தின் அட்டகாசத்தை கண்டு தூரத்தில் மீன் பிடித்து கொண்டிருந்த பிற மீனவர்கள் அதிர்ச்சி யடைந்தனர். இதுபற்றி காரைக்காலில் உள்ள கடலோர காவல் படைக்கு தகவல் தெரிவித்தனர்.

இலங்கை கடற்படை வீரர்களால் காரைக்கால் பகுதி மீனவர்கள் சிறை பிடிக்கப்பட்ட சம்பவம் காரைக்கால் மீனவ கிராம மக்களுக்கு தெரிய வந்தது. இதனால் சிறை பிடிக்கப்பட்ட மீனவர்களின் குடும்பத்தினர், உறவினர்கள் கண்ணீர் வடித்த நிலையில் சோகத்தில் மூழ்கியுள்ளனர்.

சிறைபிடிக்கப்பட்ட மீனவர்கள் மற்றும் படகுகளை மீட்க அரசு உயர் அதிகாரிகளுக்கு தகவல் கொடுக்கப்பட்டுள்ளது.

மாலைமலர்

பாதை தவறி சென்ற சிறுமியை பத்திரமாக ஒப்படைத்த பாகிஸ்தான் நமக்கு பகை நாடு ..
திசை தவறிய (வேண்டுமென்றே ) மீனவர்களை கைது செய்த இலங்கை மத்திய அரசுக்கு நட்பு நாடு ..... வாழ்க காங்கிரஸ் அரசின் கொள்கை முடிவுகள்

இந்த செயல்கள் இந்தியாவை எப்படியாவது வம்புக்கு இழுப்போம் என்று சீனா திட்டம் போட்டு இலங்கையை வைத்து நாடகம் போடுகிறதா என்ன என்று தெரியவில்லை.

அப்படி வம்பிழுக்க வேண்டுமென்றால் ஒரு 30 மலையாள மீனவர்களை சிறை பிடித்து செல்லுங்கள் நீங்கள் நினைப்பது நிச்சயம் நடக்கும்.

எங்களை வைத்து செய்து பார்த்தல் ஒன்னும் நடக்காது. நாங்களே இந்தியாவில் டம்மியாக இருக்கிறோம். நாங்கள் இந்தியர்களே இல்லை என்று இந்திய சொல்லும் போது உங்களுக்கு அறிவே இல்லையா.

ராஜு சரவணன் wrote:இந்த செயல்கள் இந்தியாவை எப்படியாவது வம்புக்கு இழுப்போம் என்று சீனா திட்டம் போட்டு இலங்கையை வைத்து நாடகம் போடுகிறதா என்ன என்று தெரியவில்லை.

அப்படி வம்பிழுக்க வேண்டுமென்றால் ஒரு 30 மலையாள மீனவர்களை சிறை பிடித்து செல்லுங்கள் நீங்கள் நினைப்பது நிச்சயம் நடக்கும்.

எங்களை வைத்து செய்து பார்த்தல் ஒன்னும் நடக்காது. நாங்களே இந்தியாவில் டம்மியாக இருக்கிறோம். நாங்கள் இந்தியர்களே இல்லை என்று இந்திய சொல்லும் போது உங்களுக்கு அறிவே இல்லையா.

நாரவாய் நா.சாமி இதுக்கு ஏதாவது ஸ்டேட்மென்ட் விடுவாரே

அசுரன் wrote:நாரவாய் நா.சாமி இதுக்கு ஏதாவது ஸ்டேட்மென்ட் விடுவாரே

ECR OMR ல பாண்டி எல்லையை தாண்டும் தமிழர்களை உள்ள புடிச்சு போடப் போறாராம்