" அன்பிற்குண்டோர் அடைக்குந்தாழ் "

பூர்ணகுரு · பூர்ணகுரு Fri Apr 05, 2013 4:25 pm

வகுப்பறை !

மாணவர்கள் வரிசை

ஆசிரியர் பாட விரிவுரை

தலைப்பு " அன்பிற்குண்டோர் அடைக்குந்தாழ் "

மாணவனுக்குரிய குறும்பில் விளையாட்டாய்

ஓர் மாணவன்

ஆத்திரத்தில் ஆசிரியர்

தண்டிக்க முயலும்முன்

அன்பிற்குண்டோர் அடைக்குந்தாழ்

அன்பிற்கோர் எடுத்துக்காட்டு கூறு ...

அன்பை எப்படி எடுத்துக்காட்டுவது ...?

அன்பை வெளிக்காட்ட முடியும்

எவ்வாறு எடுத்துக் கூறுவது ...?

நெளிவில் மாணவன்

ஆத்திரத்தின் உச்சத்தில் ஆசிரியர்

பிரம்பை உயர்த்த

அது தன் தேகத்தை தீண்டும் முன்பே

* அம்மா * அலறினான் மாணவன்

சபாஷ் மிகச்சிறந்த எடுத்துக்காட்டு !

ஆசிரியரின் பாராட்டு !!

வகுப்பறை முழுவதும் கைத்தட்டு !!!

raja sekar.v · raja sekar.v Fri Apr 05, 2013 9:38 pm

இந்த பதிவைத் துவங்கியவர் நன்றி கூறியுள்ளார் raja sekar.v

யினியவன் · யினியவன் Fri Apr 05, 2013 9:54 pm

அடிக்க ஆசிரியரின் தடி உயர
அன்பின் உருவத்தை நினைத்து
அம்மாவென அலற அம்மாவென்பதே
அன்பிற்குண்டோர் அடைக்கும்தாழென
அருமையாய் உணர்ந்தாரே மாணவர்கள்

கவிதை நன்று