தெற்காசிய டிரையத்லான் போட்டியில் தங்கம் வென்ற இந்தியப் பெண்..

DERAR BABU · DERAR BABU Thu Apr 04, 2013 6:58 pm

குஜராத் மாநிலத்தின் சூரத் நகரைச் சேர்ந்த, 21 வயது பூஜா சவ்ருஷி. இவர் நேபாள நாட்டில் நடந்த டிரையத்லான் போட்டியில் தங்கம் வென்றுள்ளார். 750 மீ நீச்சல் போட்டி, 20 கி.மீ சைக்கிளில் செல்லுதல் மற்றும் 5 கி.மீ ஓட்டப்பந்தயம் இவை அனைத்தையும், ஒரு மணி நாற்பத்தைந்து நிமிடங்களில் முடித்து முதலிடம் பெற்றுள்ளார்.

ஆண்கள் பிரிவில், இந்தியாவின் மதுர்ஜ்யா போரா இரண்டாமிடத்தைப் பெற்று, வெள்ளிப்பதக்கம் வென்றுள்ளார். இந்த அனுபவம் பற்றி பூஜா கூறுகையில், 'சைக்கிளில் மலை மீது செல்லும்போது மிகவும் பயந்ததேன் தவறினால் அதல பாதாளத்தில் தான் விழுந்திருக்க வேண்டும். அதுபோல் பாதைகளாக இல்லாமல் பாறைகளிலும், மண்ணிலும் ஓடவேண்டியிருந்தது ஆனால் இது ஒரு நல்ல அனுபவமாக இருந்தது' என்று தெரிவித்தார்.

2009ஆம் ஆண்டு, முதன் முதலாக இந்தப் போட்டியின் கலந்துகொண்டு வெண்கலப் பதக்கம் பெற்ற பூஜா, அடுத்த ஆண்டு ஒரு வெள்ளிப்பதக்கமும், 2010 ஆம் ஆண்டு தென்கொரியாவில் நடந்த போட்டியில் மற்றொரு வெண்கலப்பதக்கமும் பெற்றிருந்தார். இது அவர் சர்வதேசப் போட்டிகளில் பெறும் நான்காவது பதக்கமாகும். பதக்கம் வென்றவர்களை பாராட்டிய இந்திய டிரையத்லான் சங்கப் பொதுக்காரியதரிசி ராகேஷ் குப்தா, இந்த அனுபவம் அவர்களது திறமைகளை வெளிக்காட்ட உதவியது என்றார்.

மாலைமலர்