என் கிறுக்கல்களில் சில ...

பூர்ணகுரு · பூர்ணகுரு Wed 3 Apr 2013 - 14:47

1. உன் விழிகளில்
என் காட்சிகள்
உயிர் அழியா
சாட்சிகள் ...!
- உன்னால் பார்வை பெற்றவன்
( கண்தானம் செய்வோம் )

2. தோற்பவர்கள்
மத்தியில் ஓர்
வெற்றியாளன்
தோல்வியை ரசிப்பவன் ...!

3. நேற்று
விதைக்கும் விதைகளில்
இன்று
பூக்கும் பூக்களால் தான்
நாளை
நம் எதிர்காலம் - அது
விதைப்போர் மனம் பொறுத்தே அமையும் ...!

4. தோல்வி
வெற்றிக்"கான" ஒரே
ஆயுதம் ...!

தோற்றுக்கொண்டே இரு
வெற்றி உன்னையும்
நேசிக்கும் ஒருநாள் ...!

ஜெயம் உன்னைத் தொட
வாழ்வில் தோற்பதற்கு
அஞ்சாதே...!

5. ஒத்திகை !
மரணத்தின்
ஒத்திகை
தினம் இரவில்
நித்திரை ...!

6. வாழ்க்கை எனும்
அகல் விளக்கில்
தீயும் திரியுமாய்
நாம்
தீராத எண்ணையாய்
காதல்
இதில் ஒன்று குறைந்தாலும்
வாழ்க்கை ஒளிர்வதில்லை ...!

7. போர் புரியும் வீரனும்
வயற்காட்டில் ஏர்
பிடிக்கும் உழவனும்
நம் நாட்டின் கண்கள் ...!

8. ஆசை என்னும்
தீயில் வெந்து
வாழ்வை கறுக்கும்
விட்டில் பூச்சிகள்
மனிதர்கள் ...!

9. செவ்வானத்தில்
ஓர் செவ்வந்திப்பூ
மாலைச்சூரியன் ...!

10. போட்டியின்
உச்சம்
பொறாமை ...!

11. வாழ்க்கை
கற்பிக்கும் பாடம்
அனுபவம் ...!

அனுபவம்
சமர்ப்பிக்கும் படம்
வாழ்க்கை ...!

12. வரவில்லாத செலவும்

செலவில்லாத வரவும்

அன்பு மட்டுமே ...!

13. கேசம் மனிதன்

அழகைக் கூட்டும்

நேசம் மனதின்

அளவைக் காட்டும் ...!

14. இரு விழி

குடைக்குள் மழை

கண்ணீர் ...!

15. ஆயிரமாயிரம்

மெழுகுவர்த்திகள் எறிந்தன

தேசம் ஒளிர்ந்தது

ஒரு கை ஏற்றிய தீபத்தில் !

- குரு !

(என் பெயரல்ல - புரிந்தால் என் கிறுக்கல் கவிதையாகும்)