தமிழகம் முழுதும் மலிவு விலை 'அம்மா கேண்டீன்கள்'

**சிவா** · **சிவா** Tue Apr 02, 2013 3:58 pm

சென்னை: சென்னையைப் போல் மற்ற மாநகராட்சிகளிலும் மலிவு விலை உணவகங்கள் தொடங்கப்படும் என முதல்வர் ஜெயலலிதா அறிவித்துள்ளார்.

சட்டப்பேரவையில் இன்று விலைவாசி உயர்வு பற்றிய கவன ஈர்ப்பு தீர்மானம் கொண்டுவரப்பட்டது. அதற்கு பதிலளித்து பேசிய முதல்வர் கூறியதாவது:

விலைவாசி உயர்வுக்கு மத்திய அரசின் தவறான கொள்கை தான் காரணம். தமிழக அரசும் விலைவாசி உயர்வை கட்டுப்படுத்த பல்வேறு நடவடிக்கை எடுத்து வருகிறது.

இதில் சென்னை மாநகாரட்சியைப்போல் மற்ற மாநகராட்சிகளிலும் மலிவு விலை உணவகங்கள் திறக்க நடவடிக்கை எடுக்கப்படும்.

மலிவு விலையில் காய்கறிகளை விற்பனை செய்ய, பண்ணை பசுமை நுகர்வோர் கடை திறக்க நடவடிக்கை எடுக்கப்படும்.

விலைவாசியை கட்டுப்படுத்துவதற்கான நிதி ரூபாய் 50 கோடியிலிருந்து ரூபாய் 100 கோடியாக்கப்படும் என தெரிவித்தார்.

ஒரு கிலோ, ரூபாய் 20 என்ற விலையில் 1 லட்சம் மெட்ரிக் டன் அரிசியை விற்க நடவடிக்கை எடுக்கப்படும் எனவும் தெரிவித்துள்ளார்.

127 மலிவு விலை உணவகங்கள்

முன்னதாக இன்று 127 மலிவு விலை உணவகங்களை முதல்வர் ‌‌ஜெயலலிதா வீடியோ கான்பரன்சிங் மூலம் திறந்து வைத்தார்.

சென்னை மாநகராட்சிக்குட்பட்ட வார்டுகளில் திறக்கப்பட்டுள்ள மலிவு விலை உணவகங்களில் ஒரு ரூபாய்க்கு இட்லி, 5 ரூபாய்க்கு சாம்பார் சாதம், 3 ரூபாய்க்கு தயிர் சாதமும் விற்கப்படுகிறது. இத்திட்டத்திற்கு பல தரப்பிலும் ஆதரவு கிடைத்துள்ளது. இதையடுத்து சென்னையில் மாநகராட்சி முழுவதும் மலிவு விலை உணவகங்கள் திறக்கப்பட்டுள்ளன என்பது குறிப்பிடத்தக்கது.

தட்ஸ்தமிழ்

**ஜாஹீதாபானு** · **ஜாஹீதாபானு** Tue Apr 02, 2013 4:24 pm

ஒரு நாளாவது இங்கப் போய் சாப்பிட்டு பார்க்கனும்

யினியவன் · யினியவன் Tue Apr 02, 2013 4:39 pm

ஜாஹீதாபானு wrote:ஒரு நாளாவது இங்கப் போய் சாப்பிட்டு பார்க்கனும்

இலவச வடை வழங்கும் திட்டத்தையும் சேர்க்கலாம்
திட்டுவதை சாப்பிடும் மக்கள் செய்வாங்க பானு

**ஜாஹீதாபானு** · **ஜாஹீதாபானு** Tue Apr 02, 2013 5:22 pm

யினியவன் wrote:
ஜாஹீதாபானு wrote:ஒரு நாளாவது இங்கப் போய் சாப்பிட்டு பார்க்கனும்
இலவச வடை வழங்கும் திட்டத்தையும் சேர்க்கலாம்
திட்டுவதை சாப்பிடும் மக்கள் செய்வாங்க பானு

ராஜு சரவணன் · ராஜு சரவணன் Tue Apr 02, 2013 9:46 pm

இதெல்லாம் சரிதான் அனால் அந்த டாஸ்மாக்கை கொஞ்சம் குறைக்கலாமே.

நான் எனது அலுவலகத்தில் பணிக்கு சேரும் போது எங்கள் அலுவகத்தின் சாலையில் ஒரு டாஸ்மாக் மட்டும் இருந்தது, இரண்டே ஆண்டுகளில் அதே சாலையில் நான்கு டாஸ்மாக் வந்து விட்டன . அந்த நான்கு டாஸ்மாக்களில் எப்போதும் housefull தான்.

உண்மையில் தமிழ் மக்கள் மீது அக்கறை இருந்தால் டாஸ்மாக் கடைகளின் எண்ணிகையை குறைக்கட்டும்.

இன்னும் சில மதங்களில் டாஸ்மாக் இல் தண்ணி அடித்துவிட்டு அம்மா உணவகத்தில் சாப்பிடுவது என்பது குடிமகன்களுக்கு வாடிக்கையாகிவிடும்.

யினியவன் · யினியவன் Tue Apr 02, 2013 9:52 pm

மெயின் டிஷ் மட்டும் இருந்தா எப்படி?

சைட் டிஷ் வேண்டாமா?

அதான் ராஜூ இப்படி

ராஜு சரவணன் · ராஜு சரவணன் Tue Apr 02, 2013 10:15 pm

அடுத்து அம்மாவின் திட்டம் மலிவு விலை விடுதிகள், இது கண்டிப்பாக நீங்கள் நினைப்பது போல் ஏழை எளியோர் தங்குவதற்காக இல்லை.

தண்ணி அடித்து விட்டு தலை சுற்றும் மதுமகன்கள் மட்டை ஆவதற்கு.

யினியவன் · யினியவன் Tue Apr 02, 2013 10:27 pm

நல்ல வேளை விடுதிகள் எதுக்குன்னு சொன்னீங்க. இல்லேன்னா எந்த அரசும் செய்யத் துணியாத விஷயத்துக்குன்னு நெனச்சிருப்பேன். வாழ்க நம் அரசு.

ராஜு சரவணன் · ராஜு சரவணன் Tue Apr 02, 2013 10:54 pm

எதுவும் இப்போதைக்கு சொல்லமுடியாது பாஸ்

**இளமாறன்** · **இளமாறன்** Wed Apr 03, 2013 1:18 am

ராஜு சரவணன் wrote:இதெல்லாம் சரிதான் அனால் அந்த டாஸ்மாக்கை கொஞ்சம் குறைக்கலாமே.

நான் எனது அலுவலகத்தில் பணிக்கு சேரும் போது எங்கள் அலுவகத்தின் சாலையில் ஒரு டாஸ்மாக் மட்டும் இருந்தது, இரண்டே ஆண்டுகளில் அதே சாலையில் நான்கு டாஸ்மாக் வந்து விட்டன . அந்த நான்கு டாஸ்மாக்களில் எப்போதும் housefull தான்.

உண்மையில் தமிழ் மக்கள் மீது அக்கறை இருந்தால் டாஸ்மாக் கடைகளின் எண்ணிகையை குறைக்கட்டும்.

இன்னும் சில மதங்களில் டாஸ்மாக் இல் தண்ணி அடித்துவிட்டு அம்மா உணவகத்தில் சாப்பிடுவது என்பது குடிமகன்களுக்கு வாடிக்கையாகிவிடும்.

அரசாங்கத்திற்கு வருமானம் வருவதே அங்கிருந்து தானே எப்படி விட முடியும் சிரி