காலக் கட்டத்தின் முடியாமை முதுமை ...

பூர்ணகுரு · பூர்ணகுரு Tue Apr 02, 2013 2:04 pm

தனி இடம்

தனிமையின் இருப்பிடம்

மகன் மருமகள் பேரன்கள் கூட்டம்

முன்னறைகள் முழுதும் பரவிக் கிடக்க

நரை விழுந்த நாரையாய்

பிறை விழுந்த எலும்பாய்

பின்னறையில் வயோதிக வேடத்தில்

குடும்பத்தின் தலைவன்

முன்னாள் தலையவன் !

அறைக்கதவு திறக்க

பேரனுடன் மகன் நுழைய

பழம் பாத்திரத்தில் பழைய சோறு

தள்ளி நின்று தள்ளி விட

தண்ணீருக்கும் கண்ணீர் வரும்

தரம் கண்டு மனம் வாடும்

இயலாமை என்பதின் மறையாமை

காலக் கட்டத்தின் முடியாமை முதுமை !!

அறைக்கதவு திறந்து மூடி

மீண்டும் சிறிது நேரத்தில் திறக்க

வந்த வேகத்தில் மகன் தன் காலடியில் கிடக்க

மீண்டும் தலைவன் தனக்கே உரிய கம்பீரத்துடன் !!!

மன மாற்றத்தின் மறுபகுதியை

தலைவன் மகன் சிந்திக்கத்

தன் பிஞ்சு மகன் வார்த்தைகள் ...

* நான் பெரியவன் ஆனதும்

நீயும் தாத்தாவோட அறையிலேயே இருப்பா *

மீண்டும் மீண்டும் ஒலித்துக் கொண்டிருந்தது !!!

**Muthumohamed** · **Muthumohamed** Tue Apr 02, 2013 5:05 pm

மன மாற்றத்தின் மறுபகுதியை

தலைவன் மகன் சிந்திக்கத்

தன் பிஞ்சு மகன் வார்த்தைகள் ..

சூப்பருங்க

* நான் பெரியவன் ஆனதும்

நீயும் தாத்தாவோட அறையிலேயே இருப்பா *

மீண்டும் மீண்டும் ஒலித்துக் கொண்டிருந்தது !!!

சூப்பருங்க

நல்ல கவிதை பகிர்வு

இந்த பதிவைத் துவங்கியவர் நன்றி கூறியுள்ளார் Muthumohamed

பூர்ணகுரு · பூர்ணகுரு Tue Apr 02, 2013 5:12 pm

மிக்க நன்றி முத்து அவர்களே ! என் ஒவ்வொரு பகிர்விலும் உங்கள் ஊக்கம் மிகுந்த கருத்து என்னை மேன்மேலும் கிறுக்கத் தூண்டுகிறது ... அதற்கெனத் தனியாக மீண்டுமொரு மனமார்ந்த நன்றி ! .

**சிவா** · **சிவா** Tue Apr 02, 2013 5:32 pm

முதுமை பற்றிய வரிகள் அழகு!

**Muthumohamed** · **Muthumohamed** Tue Apr 02, 2013 7:58 pm

பூர்ணகுரு wrote:மிக்க நன்றி முத்து அவர்களே ! என் ஒவ்வொரு பகிர்விலும் உங்கள் ஊக்கம் மிகுந்த கருத்து என்னை மேன்மேலும் கிறுக்கத் தூண்டுகிறது ... அதற்கெனத் தனியாக மீண்டுமொரு மனமார்ந்த நன்றி ! .

மிக்க மகிழ்ச்சி பூர்ணகுரு

உண்மையை சொல்லவேண்டுமானால் எனக்கு கவிதைகள் பிடிக்காது ஆனால் உங்களின் கவிதைகள் பிடிக்கிறது காரணம் எளிய நடை

சமூகத்தில் நடக்கும் சில காட்சிகள் அப்படியே கண்முன் கொண்டுவந்து நிறுத்திவிடுகிறது உங்களின் ஒவ்வொரு கவிதைகளும்

தொடருங்கள் எங்கள் அனைவரின் ஆதரவும் உங்களுக்கு உண்டு