(இ)தயம் (பீ)ரும் (கோ)ரம் (இபீகோ - 143)

பூர்ணகுரு · பூர்ணகுரு Tue Apr 02, 2013 7:08 pm

இயற்ற்றுங்கள் சட்டமொன்றை
ஒவ்வொரு குற்றவாளியும்
காதலிக்க வேண்டுமென்று
பிறகு பாருங்கள்
தவறுகளின் குறைவளவை ...

என்-கவுன்ட்டர் தூக்கு ஆயுள் தண்டனைகள்
தனித்தனியே தேவையில்லை
இவையனைத்தும் ஒருசேர
ஒவ்வொரு நொடியும் கொடுக்கப்படும்
காதலி - அவளால்---

இதைவிட கோரத்தை
எமனவனால் கூட செய்யலாகாது!!!

துப்பாக்கி சூடு தேவையில்லை
அவளது விருப்பமில்லா -
ஒவ்வொரு வார்த்தையும்
இதயத்தை துளைக்கும்
தோட்டா போன்று---

கயிற்றின் இறுக்கம் தேவையில்லை
காதலியின் மெளனம் இறுக்கும்
காதலனின் கழுதை -
கயிறு போல---

சிறை காவல் தேவையில்லை
வாழ்நாளின் இறுதிவரை
காதலனுக்கு ஆயுள் தண்டனைதான்
காதலியின் காதல் கிடைக்காதவரை ---

அப்போது தோன்றுமே மனவலி
அவ்வலிக்கு இவ்வலிகள் எம்மாத்திரம்?

இங்ஙனம் காதலித்த
ஒரே குற்றத்திற்காக
இந்நரக வேதனையை
ஒவ்வொரு நாழிகையும்
அனுபவித்து கொண்டிருக்கும் காதலனின் -
"மரண ஓலம்"

காதலியால் எதிரியாக
எண்ணப்படும் காதலன்!~

பூவன் · பூவன் Tue Apr 02, 2013 7:27 pm

காதலியால் எதிரியாக
எண்ணப்படும் காதலன்!~

காதல் எதிரி அல்ல காதலியும் எதிரி அல்ல எதையும் நாம் எதிர் கொள்வதை பொருத்து தான் , நண்பரே கவிதை நன்று ,,,,,

எழுத்து பிழைகள் உள்ளது சரிசெய்யுங்கள் , கழுத்தை என்பது கழுதை என உள்ளது .....