இலங்கை அரசை கண்டித்து நடிகர், நடிகைகள் உண்ணாவிரதம்

soplangi · soplangi Tue 2 Apr 2013 - 18:06

சென்னை: இலங்கை அரசை கண்டித்து நடிகர், நடிகைகள் இன்று உண்ணாவிரத போராட்டத்தை மேற்கொண்டு வருகின்றனர். இதில் ரஜினி, அஜீத், சரத்குமார், சூர்யா உள்ளிட்டோர் பங்கேற்றனர். இலங்கை தமிழர் பிரச்னைக்காக தென்னிந்திய நடிகர் சங்கம் சார்பில் சென்னை ஹபிபுல்லா சாலையில் உள்ள நடிகர் சங்க வளாகத்தில் இன்று உண்ணாவிரத போராட்டம் நடக்கிறது. இதற்காக 160 அடி நீளம், 60 அடி அகலத்தில் சாமியானா பந்தல் அமைக்கப்பட்டிருந்தது. காலை 9 மணிக்கு நடிகர் சங்க தலைவர் சரத்குமார் தலைமை தாங்கி உண்ணாவிரதத்தை தொடங்கி வைத்தார்.

இதில் ரஜினி, அஜீத், சிவகுமார், சத்யராஜ், சூர்யா, கார்த்தி, தனுஷ், ராதாரவி, வாகை சந்திரசேகர், கருணாஸ், சார்லி, விஜயகுமார், மன்சூர் அலிகான், கே.பாக்யராஜ், பாண்டியராஜன், பிருத்வி, அருண் விஜய், மனோபாலா, கே.ராஜன், எம்.எஸ்.பாஸ்கர், வி.எஸ்.ராகவன், ராஜேஷ், ஹரிகுமார், ஜி.சேகரன், உதய்கிரண், சரவணன், டெல்லி கணேஷ், தியாகராஜன், தியாகு, ஆனந்தராஜ், நிழல்கள் ரவி, எஸ்.வி.சேகர், ‘தலைவாசல்‘ விஜய், அபிஷேக், நடிகைகள் தேவயானி, தன்ஷிகா, நளினி, சத்யப்ரியா, ‘பசிÕ சத்யா, கும்தாஜ் உள்ளிட்ட பலரும் மற்றும் பிலிம்சேம்பர், தயாரிப்பாளர்கள், இயக்குனர்கள் சங்கத்தினர், பெப்சி மற்றும் சின்னத்திரை நடிகர், நடிகைகள் கலந்துகொண்டனர்.

ஆஸ்திரேலியாவில் ‘தலைவா' படப்பிடிப்பில் இருக்கும் விஜய், நடிகர் சங்க தலைவர் சரத்குமாருக்கு உண்ணாவிரதத்துக்கான ஆதரவு கடிதம் அனுப்பி இருந்தார். பலத்த போலீஸ் பாதுகாப்பு போடப்பட்டிருந்தது. போராட்டத்தையொட்டி படப்பிடிப்புகள் ரத்து செய்யப்பட்டன.

-- தினகரன்