Jurrasic Park 3D – விமர்சனம்

**Powenraj** · **Powenraj** Wed 3 Apr 2013 - 22:06

http://tamildigitalcinema.com/wp-content/uploads/2013/04/jurassic-park-3d-poster-646x1024.jpg
ஜூராசிக் பார்க், 20 வருடங்களுக்கு முன்பு உலகம் முழுவதும் வெளியாகி மாபெரும் வெற்றியடைந்த படம். 2டியில் வெளியான ஜூராசிக் பார்க் இப்போது 3டி வடிவமெடுத்திருக்கிறது. இந்தப் படத்தைத் தயாரித்த யுனிவர்சல் பிக்சர்ஸ் நிறுவனத்தின் 100வது ஆண்டு துவக்கத்தை ஒட்டியும் ஸ்டீபன் ஸ்பீல்பெர்க் இயக்கிய ஜூராசிக் பார்க்கின் 20 வருடத்தின் விழாவை ஒட்டியும் இந்த படத்தை 3டியில் வெளியிடுகிறது யுனிவர்சல் பிக்சர்ஸ். 1993ல் வெளியான ஜூராசிக் பார்க் 63 மில்லியன் டாலரில் தயாரிக்கப்பட்டது.சுமார் 900 மில்லியன் டாடருக்கு மேல் வசூல் செய்து சாதனை புரிந்தது. உலகம் முழுவதும் இதுவரை வெளியான படங்களில் அதிக அளவில் வசூல் சாதனை புரிந்த 25 படங்களில் ஜூராசிக் பார்க்கும் ஒன்று.
http://tamildigitalcinema.com/wp-content/uploads/2013/04/jurassic-park-3d-poster-646x1024.jpg
ஜூராசிக் பார்க் 2டியில் வெளியான போதே பார்ப்பவர்களை திகிலில் உறைய வைத்த படம், அதுவே இப்போது 3டியில் வந்தால் எப்படியிருக்கும்?
இந்தப் படத்தை 2டியில் பெரும்பாலானவர்கள் பார்த்திருப்பார்கள் என்பதால் படத்தின் கதையைப் பற்றி சொல்லிக் கொண்டிருக்க வேண்டியதில்லை, படம் 3டியில் எப்படி இருக்கிறது என்பதைப் பார்க்கலாம்.
படத்தின் துவங்கிய சில நிமிடங்களில் வருகிற ஹெலிகாப்டர் காட்சியில் இருந்து 3டியின் ராஜாங்கம் ஆரம்பிக்கிறது. அந்த அருவிக்கு நடுவில் ஹெலிகாப்டர் இறங்கும் போது ஏதோ நாமும் அதோடு சேர்ந்து இறங்குவது போன்ற ஒரு பீல் ஏற்படுகிறது.
சில நூறு கோடிகள் செலவு செய்து படத்தை தயாரித்திருக்கிறோம் என்பார்கள். ஆனால் அதை 2டியில் பார்க்கும் போது அவ்வளவாக தெரியாது. அதுவே அந்தப் படத்தை 3டியில் பார்க்கும் போது ஒவ்வொரு காட்சிக்கும் ஆ என வாயைப் பிளக்கவைக்கும். இது ஜூராசிக் பார்க் 3டிக்கு 100 சதவீதம் பொருந்தும்.
டைனோசர் என்ட்ரி கொடுத்த பிறகு வரும் காட்சிகள் ஒவ்வொன்றும் 3டியில் திகில் உறைய வைக்கிறது. டைனோசர் முகத்தை நீட்டுவது, ஓடி வந்து காலால் மிதிப்பது போன்ற காட்சிகளில் நம் முன்னே டைனோசர் வந்து நாம் அதன் கையில் சிக்கிக் கொண்டது போன்று இருக்கிறது.
2டியில் வெளியாகி வசூல் சாதனை படைத்த ஜூராசிக் 20 வருடங்களுக்குப் பிறகு 3டியில் ரிலீசாகவிருக்கிறது. ஜுராசிக் பார்க் 3டியிலும வசூல் சாதனை படைக்கும் என்பதில் சந்தேகமேயில்லை.
-
தமிழ்டிஜிட்டல்சினிமா...

Jurrasic Park 3D – விமர்சனம்

Jurrasic Park 3D – விமர்சனம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக