கவியருவி ம. ரமேஷ் கவிதைகள்

**முனைவர் ம.ரமேஷ்** · 21/08/2011

First topic message reminder :

குதர்க்கம்

இன்றும் -
நெருஞ்சி முள்ளில்
நடக்கிற போது
பரதன் குலத்தோர்
செருப்பை
பறித்துக் கொள்கிறார்கள்

**முனைவர் ம.ரமேஷ்** · 21/08/2011

பசுமை புரட்சி

ஐந்து ஐந்து
ஆண்டுகள் என்பது
பசுமை புரட்சிக்கா அல்ல
அரசியல் மாற்றி
அரசியல்வாதிகளை மாற்றி
அரசியல் செய்து
அவரவர்களுக்கான
சம்பாத்திய புரட்சியா?

அறுபது ஆண்டுகளில்
இந்தியா வளர்ந்திருக்கிறது
அதிகம் ஏழைகளை
பசி பட்டினிகளையும்
சேர்த்தே வளர்த்திருக்கிறது

கொடி ஏற்றும்போது
சொல்லப்படுவது எல்லாம்
காற்றில்
கொடி அசைவது போல
அசைந்து அசைந்து
ஆட்சியாளர்களிடம்
போய்ச் சேர்வதற்கு முன்னர்
மாலையில் கொடி அவிழ்த்ததும்
காலையில்
கொடி காணாமல் போவதுபோல
திட்டங்களும் காணாமல்
போய்விடுகிறது.

**முனைவர் ம.ரமேஷ்** · 21/08/2011

கற்பு

உன்னை
எத்தனையோ பேர்
ரசித்து இருப்பார்கள்
நான்
உன்னை
மீண்டும் ஒருமுறை
காதலித்தேன்
கற்புக்கு என்ன கட்டுப்பாடு!

**முனைவர் ம.ரமேஷ்** · 21/08/2011

பேருந்துக்குள்
இருந்த போலி கௌரவங்களால்
சாலை ஓரத்தில்
நின்று
மகிழ்ச்சியோடு
கை அசைத்த
குழந்தை
வருத்தத்தோடு
வீடு திரும்புகிறது

**முனைவர் ம.ரமேஷ்** · 21/08/2011

முட்டிக்குக் கீழிறங்கும் பாவாடை!

குழந்தைப் பருவம் தொட்டு
இத்தனை நாளாய்
என் சிந்தனைக்குச் சிக்காதப் பார்வை
அவன் ஒருவன்
கணுக்காலை ரசிக்கிறான்
என்றெண்ணிய பொழுது
அம்மாவுக்கு அதைச் சொல்லியே
மறுநாளே
புதுச் சீருடை பாவாடையை
முட்டிக்குக் கீழிறக்கி
அணிந்துகொண்டேன்.

மறுநாள்
அவன் ஏமாற்றமடைந்தவனாய்
பார்த்துக்கொண்டிருந்தான்
நடிகையின்
‘ஜட்டி’ அளவே
மறைத்திருந்த போஸ்டரை!

**முனைவர் ம.ரமேஷ்** · 21/08/2011

வரதட்சணை

வரதட்சணை ஏதுமின்றி
எங்கள் திருமணம் நடந்து முடிந்தது -
ஐந்தாயிரத்தில் தொடங்கிய
மகளின் ஆங்கிலக் கல்வி
பத்து லட்ச செலவு முடிவில்
மருத்துவத்தில் முடிந்தது.
நண்பன் மகனின் கதையோ வேறு –
எதற்குச் செலவு என்று
அரசு பள்ளியில் துவங்கி
மதிப்பெண்கள் குறைந்து
எழுபது லட்சத்தில்
மருத்துவம் முடித்ததாய்ச் சொன்னான்.
என்னடா மாப்புள…
ரண்டு பேருக்கும்
கல்யாணம் பண்ணிடுவோம்-
சரி – இல்லடா அவ்ளோ முடியாது.
என்னங்க பொண்ணு வாழ்க்கை
நல்லா இருக்கனுமுல்லையா?
என்ன யோசனை
சாரின்னு கேட்டு சரின்னு செல்லுங்க –
2 கோடியில் மருத்துவமனை
கட்டிக்கொடுப்பதாய் திருமணம் முடிந்தது.

வரதட்சணையின்
படிநிலை மாறிவிட்டது
நல்ல படிப்பு

**முனைவர் ம.ரமேஷ்** · 21/08/2011

ரத்தமாய்ச் சொட்டும் நினைவுகள்!

என்றாவது ஒரு நாள்
தாலியில் குங்குமம்
வைக்கும்போது,
நீ நெற்றியில் வைத்துவிட்ட
அந்தக் கோயிலின்
குங்குமப் பொட்டின் நினைவுகள்
ரத்தமாய்ச் சொட்டும்!

**ஜாஹீதாபானு** · **ஜாஹீதாபானு** Thu Aug 14, 2014 4:30 pm

கவியருவி ம.ரமேஷ் wrote:ரத்தமாய்ச் சொட்டும் நினைவுகள்!

என்றாவது ஒரு நாள்
தாலியில் குங்குமம்
வைக்கும்போது,
நீ நெற்றியில் வைத்துவிட்ட
அந்தக் கோயிலின்
குங்குமப் பொட்டின் நினைவுகள்
ரத்தமாய்ச் சொட்டும்!

மேற்கோள் செய்த பதிவு: 1079384

கவியருவி ம. ரமேஷ் கவிதைகள் - Page 5 3838410834

**விமந்தனி** · **விமந்தனி** Thu Aug 14, 2014 7:34 pm

**முனைவர் ம.ரமேஷ்** · 21/08/2011

பூவிதழ்கள்

அன்று, உன் கூந்தலிலிருந்து
பூவிதழ்கள்
உதிர்ந்ததுபோல்...
இன்று,
என் கண்ணில் இருந்து உதிர்கிறது
கண்ணீர்த் துளிகள்...

**முனைவர் ம.ரமேஷ்** · 21/08/2011

பாவிமக்க… டாக்டருங்க கொன்னுட்டாங்களே!

டாக்டர் எப்படியாவது காப்பாத்திடுங்க…
கவுன்டர்ல கேஸ் கட்டிடுங்க.
ம்…
எதையும் 24 மணி நேரம் கழிச்சுதான்
சொல்லமுடியும்…
கவுன்டர்ல கேஸ் கட்டிடுங்க.
ம்…
ஐசியுதான் வெச்சி பாக்கனும்…
கவுன்டர்ல கேஸ் கட்டிடுங்க.
ம்…
எம்ஐசியுக்கு மாத்திட்டோம்…
கவுன்டர்ல கேஸ் கட்டிடுங்க.
ம்…
இன்னும் ஒரு வாரம் அப்ஜர்வேஷன்ல இருக்கனும்…
கவுன்டர்ல கேஸ் கட்டிடுங்க.
ம்…
ஒரு மாசம் ஜன்ரல் வார்ட இருக்கனும்…
கவுன்டர்ல கேஸ் கட்டிடுங்க.
ம்…
ரொம்ப சீரியஸ்…
கவுன்டர்ல கேஸ் கட்டிடுங்க.
ம்…
கிரிட்டிக்கல் ஸ்டேஜ்…
கவுன்டர்ல கேஸ் கட்டிடுங்க.
ம்…
எவ்ளோ ட்ரை பண்ணோம் சொத்துட்டாரு…
கவுன்டர்ல கேஸ் கட்டிட்டு பாடிய எடுத்துட்டுப்போங்க…
பாவிமக்க… டாக்டருங்க கொன்னுட்டாங்களே!

Sponsored content · Sponsored content

கவியருவி ம. ரமேஷ் கவிதைகள்

கவியருவி ம. ரமேஷ் கவிதைகள்

Re: கவியருவி ம. ரமேஷ் கவிதைகள்

Re: கவியருவி ம. ரமேஷ் கவிதைகள்

Re: கவியருவி ம. ரமேஷ் கவிதைகள்

Re: கவியருவி ம. ரமேஷ் கவிதைகள்

Re: கவியருவி ம. ரமேஷ் கவிதைகள்

Re: கவியருவி ம. ரமேஷ் கவிதைகள்

Re: கவியருவி ம. ரமேஷ் கவிதைகள்

Re: கவியருவி ம. ரமேஷ் கவிதைகள்

Re: கவியருவி ம. ரமேஷ் கவிதைகள்

Re: கவியருவி ம. ரமேஷ் கவிதைகள்

Re: கவியருவி ம. ரமேஷ் கவிதைகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக