கவியருவி ம. ரமேஷ் கவிதைகள்

**முனைவர் ம.ரமேஷ்** · 21/08/2011

First topic message reminder :

குதர்க்கம்

இன்றும் -
நெருஞ்சி முள்ளில்
நடக்கிற போது
பரதன் குலத்தோர்
செருப்பை
பறித்துக் கொள்கிறார்கள்

**முனைவர் ம.ரமேஷ்** · 21/08/2011

kannammak62 wrote:
நிலையானதல்ல காதல்; தாவக் கூடியது

உண்மைதான்...

kannammak62 · kannammak62 Sun Apr 21, 2013 8:52 pm

உங்களின் கவிதைகள் சிந்திக்கச் செய்கின்றன. நன்றி

**முனைவர் ம.ரமேஷ்** · 21/08/2011

kannammak62 wrote:உங்களின் கவிதைகள் சிந்திக்கச் செய்கின்றன. நன்றி

படிப்பதற்கும் கருத்துரைப்பதற்கும் நன்றி நண்பரே

kannammak62 · kannammak62 Mon Apr 22, 2013 6:23 am

கவியருவி ம.ரமேஷ் wrote:
kannammak62 wrote:
நிலையானதல்ல காதல்; தாவக் கூடியது

உண்மைதான்...

இய்த உண்மையைப் புரிந்து கொண்டதற்கு நன்றி. உலகத்தில் துன்பமும் நிரந்தரமல்ல. இன்பமும் நிரந்தரமல்ல. எனவே நண்பர்கள் வாழ்க்கையில் சரியான இடம் நோக்கிச் செல்ல வேணடுகிறேன்.

**முனைவர் ம.ரமேஷ்** · 21/08/2011

சீ...

எங்கே போனான்
அந்த மக்குப் பையன்
சேலை சொட்டும் நீர்ச் சுவடுபோல்
அவன் நினைவுகள்
இன்றும் என்னைத் தொடர
எங்கே போனான்
அந்த மக்குப் பையன்
கடற்கரை-
மாலை நேரம்-
ஒரு நாள்-
கடல் அலை எப்படி உருவாகிறது?
என்று கேட்டுத் தொலைத்துவிட்டேன்
அவன்:
உன் இடைதான் கடல்
என் கைதான் காற்று என்று
அவன் கையாலேயே
என் இடையில் அலையை
உருவாக்கிக் காட்டிவிட்டான்
சீ...
அவன் ரொம்ப மோசம்
கரையை அணைக்கும் அலைபோல்
அவன் நினைவுகள்
என்னைத் தொடர
இன்று எங்கே போனான்
அந்த மக்குப் பையன்

**முனைவர் ம.ரமேஷ்** · 21/08/2011

காயம் உனக்கு ... வலி எனக்கு!

அந்திமாலை
இடுப்பில் குடத்தோடு
என் வீதிவழி வந்தபோது
தெருக்கோடி வரை
யாரும் இல்லாததை அறிந்து
நான் செய்த சில்மிசத்தால்
குடம் நழுவி விழுந்து
சொட்டையானதை
பெரிதுபடுத்தாமல்
நீ சென்ற போது யோசிக்கவில்லை...
காலையில்
உன்னைப் பார்த்த போதுதான்
துடிதுடித்துப் போனேன்...
உன் வீட்டிற்குப் பயந்து
குடம் விழுந்ததற்கானக் காரணம் கூற
உன் காலை
கல்லில் இடித்து
ரணமாக்கிக் கொள்ள
எப்படித்தான் மனசு வந்ததோ
உனக்கு?

**முனைவர் ம.ரமேஷ்** · 21/08/2011

ஏழ்மையின் ரகசியம்

நூறுகளில் சம்பாதிப்பவன்
தினந்தோறும் குடிக்கிறான்.
ஆயிரங்களில் சம்பாதிப்பவன்
வாரத்திற்கொரு முறை
குடிக்கிறான்…
லட்சங்களில் சம்பாதிப்பவன்
மாதத்திற்கொரு முறை குடிக்கிறான்…
இப்போது தெரியுதா?
ஏழை
ஏன் ஏழையாகவே இருக்கிறான் என்று!

**முனைவர் ம.ரமேஷ்** · 21/08/2011

காக்கையும் நரியும் வடையும்

காக்கைக்கும் நரிக்கும் அதே தொல்லை.
காக்கை வடையைவிட மனமில்லை
நரிக்கும் கேட்காமலிருக்க வெட்கமில்லை.
காக்கை அஃறிணை என்பதாலோ என்னவோ
இன்னும் வடையைத் தின்றபாடில்லை
நரியும் அவ்விடம் விட்டு நகர்ந்தபாடில்லை.
அவ்விடம் வந்த வேடன்
நரியை பிடித்துச் சென்றான்.
நரிக்கு நல்லா வேணும் என்று நினைத்தபோது
வேடன் ஒருவன் காக்கை சுட்டுவீழ்த்தினான்.
காக்கை வாயிலிருந்த வடை கீழே விழு
எறும்புகள் தின்று முடித்தது.

**முனைவர் ம.ரமேஷ்** · 21/08/2011

சனியனே!
ரைம்ஸ்…
“அப்பாவுக்கு 4
அம்மாவுக்கு 3
அண்ணனுக்கு 2
பாப்பாவுக்கு 1
தின்ன தின்ன ஆசை
இன்னும் கேட்டால் பூசை”
அரைமணி நேர இடைவெளியில்-
ஒரு தோசையைத் தின்ற குழந்தை
“அம்மா போதும்” என்றது.
அம்மா:
சனியனே!
“ஒண்னே ஒண்னு சாப்பிட்டா
எப்படி உடம்பு ஏறும்”

**முனைவர் ம.ரமேஷ்** · 21/08/2011

தோட்டக்காரன்

அழகை அழகாக்கும்
அழகு நிலையங்கள்போல
தோட்டத்தை அழகாக்குபவரும்
அழகைப்படைத்த இறைவனே!

அழகுகள் நிறைந்த தோட்டத்தில்
நீ அழகற்றவனாகவே இருந்தாலும்
மலரும் பூக்களுக்கு
உன் முகம்தான் அழகு!

நீர் இறைத்து உயிர்க் கொடுப்பதால்
முதலில் உன் முகம் பார்க்கத் துடிக்கும்
மலரும் பூக்கள்! – பின்னர்
விலையாகிப் போனாலும் வருந்தும்
உனக்காக!

Sponsored content · Sponsored content

கவியருவி ம. ரமேஷ் கவிதைகள்

கவியருவி ம. ரமேஷ் கவிதைகள்

Re: கவியருவி ம. ரமேஷ் கவிதைகள்

Re: கவியருவி ம. ரமேஷ் கவிதைகள்

Re: கவியருவி ம. ரமேஷ் கவிதைகள்

Re: கவியருவி ம. ரமேஷ் கவிதைகள்

Re: கவியருவி ம. ரமேஷ் கவிதைகள்

Re: கவியருவி ம. ரமேஷ் கவிதைகள்

Re: கவியருவி ம. ரமேஷ் கவிதைகள்

Re: கவியருவி ம. ரமேஷ் கவிதைகள்

Re: கவியருவி ம. ரமேஷ் கவிதைகள்

Re: கவியருவி ம. ரமேஷ் கவிதைகள்

Re: கவியருவி ம. ரமேஷ் கவிதைகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக