கவியருவி ம. ரமேஷ் கவிதைகள்

by **முனைவர் ம.ரமேஷ்** Mon Apr 01, 2013 4:47 pm

First topic message reminder :

குதர்க்கம்

இன்றும் -
நெருஞ்சி முள்ளில்
நடக்கிற போது
பரதன் குலத்தோர்
செருப்பை
பறித்துக் கொள்கிறார்கள்

by யினியவன் Fri Apr 19, 2013 9:34 pm

நிலா நிலா ஓடி வா நில்லாமல் ஓடி வா
பாட்டு கேட்டு வளர்ந்த பலனோ!!!

கவிதை நன்று ரமேஷ்

by **முனைவர் ம.ரமேஷ்** Fri Apr 19, 2013 9:55 pm

யினியவன் wrote:நிலா நிலா ஓடி வா நில்லாமல் ஓடி வா
பாட்டு கேட்டு வளர்ந்த பலனோ!!!

கவிதை நன்று ரமேஷ்

கண்டுபிடித்துவிட்டீர்களே!... அந்தக் கருவில் இருந்து வந்ததுதான் இந்தக் கவிதை.

by **முனைவர் ம.ரமேஷ்** Sat Apr 20, 2013 3:35 pm

• மெரினா...

இன்னும் ஓயாமல்
என் நினைவுகள்
கடல் அலைகளைப் போல்
உன் நினைவுகளைத் தொடர்கிறது...
பாரத்தோடு வந்த உருவத்தை
நிழலாக்கினாய்...
எப்போதும்
சீக்கிரமே தூங்குவேன்
என்று பொய் சொல்வதை
வழக்கப் படுத்திக்கொண்டிருந்தாய்...
இப்படியே கழியுமோ என
நினைத்தது பல நாட்கள்...
எல்லோரும்
ஒரு நேரத்தில்
அன்புக்காக ஏங்குபவர்கள்தானே!...
ஒரு நாள்.
ஆமாம் ஒரே நாள்.
அலையருகே நடந்தபோது
நண்டுக்குப் பயந்து
முதல் முறையாக
ஆமாம் முதல் முறையாக
கட்டிப் பிடித்துக் கொண்டாள்.
இறந்துபோன நண்டு
என்பதுகூடத் தெரியாமல்…!
இன்றும் வாழ்கிறது காதல்
பேச்சிலும்...
சிரிப்பிலும்...
ஏங்க வைக்கும் அரட்டையிலும்...
நட்பிலும்...
பிரிவிலும்...

by **முனைவர் ம.ரமேஷ்** Sun Apr 21, 2013 6:37 am

• பொய்யுண்மை

எதற்குப் பொய்ப் பேச்சு.
கடலும் வானும் நிறம் மாறாது...
சூரியனும்
மேற்கில் உதிக்காது...
கடல் நீரும்
வற்றி விடாது...
நீயும் நானும்
உண்ணலாம் உறங்கலாம்...
நீயின்றி நானும்
நானின்றி நீயும்
உயிர் வாழலாம்...
வேண்டுமானால்
நாம் கொண்ட முதல் காதல்
ஒரு வேளை
உண்மையாக இருக்கலாம்.
மனம் ஒரு குரங்குதானே!

by kannammak62 Sun Apr 21, 2013 8:03 pm

இதன் பொருள் என்ன?

by **முனைவர் ம.ரமேஷ்** Sun Apr 21, 2013 8:21 pm

kannammak62 wrote:இதன் பொருள் என்ன?

எந்தக் கவிதை அந்த எந்த அடி என்பதை மேற்கோளாகக் காட்டுங்களேன் விளக்குகிறேன்...

by **முனைவர் ம.ரமேஷ்** Sun Apr 21, 2013 8:21 pm

அப்படிப் போடு...

பசுமையான
மரம் செடி கொடி புல்...
பிரமிப்பான
மலை பனி குளிர்...
அழகான
பூக்கள் பூங்காக்கள் பறவைகள்...
அழகை அழகழகாய்
ரசித்தவள் சொன்னாள்:
இயற்கை
எவ்வளவு அழகென்று!
நான் சொன்னேன்:
அவைகள் எல்லாம்
உன்னைப் போல்
அழகாய் பேசுவதில்லையே என்று!!

by kannammak62 Sun Apr 21, 2013 8:22 pm

கவியருவி ம.ரமேஷ் wrote:• பொய்யுண்மை

எதற்குப் பொய்ப் பேச்சு.
கடலும் வானும் நிறம் மாறாது...
சூரியனும்
மேற்கில் உதிக்காது...
கடல் நீரும்
வற்றி விடாது...
நீயும் நானும்
உண்ணலாம் உறங்கலாம்...
நீயின்றி நானும்
நானின்றி நீயும்
உயிர் வாழலாம்...
வேண்டுமானால்
நாம் கொண்ட முதல் காதல்
ஒரு வேளை
உண்மையாக இருக்கலாம்.
மனம் ஒரு குரங்குதானே!

by **முனைவர் ம.ரமேஷ்** Sun Apr 21, 2013 8:43 pm

குரங்கிலிருந்து மனிதன் பிறந்தான் என்பார்கள். குரங்கிலிருந்து மனிதன் மாறி இருக்கிறான். மனிதனிலிருந்து எதுவும் மாறி பிறக்கவில்லை. பரிபூரணமாகிவிட்டான். அவன் பெண்ணில் மனம் மாறி விடுகிறான். காதல் தோல்வியில் வேறு ஒரு பெண்ணை மணந்து கொள்கிறான். அவ்வாறே பெண்ணுக்கும் அமைகின்றது. இந்த மாற்றத்தைதான் நான் குரங்கு என்கிறேன். மற்றும் குரங்கு மரத்திற்கு மரம் தாவும் அதுபோல மனசும் காதலுக்காக தாவும்.

by kannammak62 Sun Apr 21, 2013 8:48 pm

கவியருவி ம.ரமேஷ் wrote:குரங்கிலிருந்து மனிதன் பிறந்தான் என்பார்கள். குரங்கிலிருந்து மனிதன் மாறி இருக்கிறான். மனிதனிலிருந்து எதுவும் மாறி பிறக்கவில்லை. பரிபூரணமாகிவிட்டான். அவன் பெண்ணில் மனம் மாறி விடுகிறான். காதல் தோல்வியில் வேறு ஒரு பெண்ணை மணந்து கொள்கிறான். அவ்வாறே பெண்ணுக்கும் அமைகின்றது. இந்த மாற்றத்தைதான் நான் குரங்கு என்கிறேன். மற்றும் குரங்கு மரத்திற்கு மரம் தாவும் அதுபோல மனசும் காதலுக்காக தாவும்.

நிலையானதல்ல காதல்; தாவக் கூடியது