பெண்டாட்டித் திருவிழா..............

DERAR BABU · DERAR BABU Tue Mar 26, 2013 6:23 pm

திருச்சியில் முசிறியை அடுத்துள்ள பொன்னாங்கன்னிப்பட்டி ஊரைச் சுற்றியுள்ள 18 கிராம மக்கள் அனைவரும் பங்குனி மாத மூன்றாவது திங்கட்கிழமையன்று மாரியம்மன் கோவில் திருவிழாவில் கூடுவர். இவர்கள் அனைவரும் உறவினர்கள்தான். ஒருகாலத்தில் பசு ஒன்று தினம் பாம்புப்புற்றில் பால் சொரிந்து வந்தது. இதுகண்ட மக்கள் புற்றை இடித்தனர். உள்ளே தோளில் ரத்தம் கசிய அழகிய மாரியம்மன் சிலை இருந்தது.

அச்சிலை பெண்களுக்கு சம உரிமை கொடுத்து, பெண் களை தெய்வமாக மதிக்கும்படி அசரீரியாகக் கூறியது. அதன்படி கோவில் கட்டி அம்மனை பிரதிஷ்டை செய்ததிலிருந்து பெண்களுக்கு சம உரிமை தந்து, கிராம சுயம்வரம் நடத்த ஏற்பாடு செய்து அதை இவ்வாலயத்திலேயே விழாவாகவும் இன்றளவும் நடத்தி வருகின்றனர் இவ்வூரார்.

18 பட்டி மக்களும், வெளியூர், வெளிநாடுகளில் தங்கியுள் ளோரும் தவறாமல் இங்கு கூடி விடுவர். விழாவன்று பெற்றோர் தங்கள் வீட்டுக் கன்னிப் பெண்களுக்குப் பூரண சுதந்திரம் கொடுத்து, அவர்களுக்குப் பிடித்த மணமகனைத் தேர்வு செய்யும் பொறுப்பை அளிப்பார்கள்.

அப்பெண் தன் அத்தை மாமன் மகனுடன் கலந்து பேசி, தனக்குப் பிடித்த கணவனைத் தேர்வு செய்து பெற்றோரிடம் கூறிவிடுவார்கள். ஊர் மக்கள் ஆலயத்தில் கூடிப்பேசி, பொது வில் முடிவெடுத்து திருமணம் முடிப்பார்கள். இதனால் பிற்காலத்தில் சீர்வரிசை தகராறு, குடும்பச் சண்டை ஏதும் இதுவரை வந்ததில்லை என இம்மக்கள் பெருமையாகக் கூறுகின்றனர்.

இவ்விழாவைதான் பெண்டாட்டி திருவிழா என்று கூறுகின்றனர். இவ்வாலயம் சென்று அம்மனை வழிபட்டால் பெண்களுக்கு நல்ல வரன் கிடைக்கும். இக்கிராம கட்டுப்பாட்டுக்கு மாரியம்மனே காவல் தெய்வம்!

மாலைமலர்

யினியவன் · யினியவன் Tue Mar 26, 2013 6:33 pm

ஜாதி பாகுபாடின்றி நடக்குதா - சொல்லலியே.

அப்படி நடந்தா சூப்பரோ சூப்பருங்க.

பாலாஜி · பாலாஜி Tue Mar 26, 2013 7:50 pm

**இளமாறன்** · **இளமாறன்** Wed Mar 27, 2013 12:34 am

எல்லா நகரங்களிலும் இது தானே நடக்கிறது .. பெண்கள் பிடித்தவர்களை பெற்றோர்களிடம் காமிக்க ...அவர்கள் கலந்து பேசி வியாபாரம் முடிக்க திருமணம் நடக்கிறது ஜொள்ளு

**Muthumohamed** · **Muthumohamed** Wed Mar 27, 2013 1:10 pm

இளமாறன் wrote:
எல்லா நகரங்களிலும் இது தானே நடக்கிறது .. பெண்கள் பிடித்தவர்களை பெற்றோர்களிடம் காமிக்க ...அவர்கள் கலந்து பேசி வியாபாரம் முடிக்க திருமணம் நடக்கிறது

எனக்கென்னமோ இவர் கூறும் கருத்தே இப்போது நடைமுறையில் இருக்கிறது என்று நினைக்கிறேன்