கண் பேசும் வார்த்தைகள் – திரை விமர்சனம்

http://mycinenews.com/wp-content/uploads/2013/03/Kan-Pesum-Varthaigal-poster-192x300.jpg
ஏற்கனவே சில படங்களில் நடித்திருந்தாலும் முழுநீள படத்திலும் நாயகனாக செந்திலுக்கு இது முதல் படம். படத்தின் தலைப்புக்கும், கதைக்கும் சம்பந்தம் இருக்கிறதா என்ற ஆராய்ச்சிகள் தேவையற்றது. கதைக்குள்ள வருவோம்.
நண்பர்களோடு சேர்ந்து ஊர் சுற்றி, இறகுபந்து விளையாட்டில் சாம்பியனாக வளம் வருகிறார் செந்தில். அவரின் நண்பன் முருகதாஸ் சிங்கப்பூருக்கு வேலைபார்க்க செல்கிறான். இந்த நேரத்தில் ஏற்படும் ஒரு அவமானத்தில் தந்தைக்காக சிங்கப்பூர் சென்று சம்பாதிக்க கிளம்புகிறார் செந்தில். அங்கு ஏற்படும் மற்றொரு அவமானத்தில் எப்படியாவது பெரிய ஆளாக வேண்டும் என்ற வெறி ஏற்படுகிறது.
அதனால் சிங்கப்பூர் குடிமகனாக என்ன வழி என்று யோசிக்க ஒரு பெண்ணை காதலித்து திருமணம் செய்து கொள்ள தீர்மானிக்கிறார்.
http://www.thangamonline.com/cinema/wp-content/uploads/2013/03/MG_7602-1024x682.jpg
அதே நேரத்தில் இவர்களிடத்தில்சிங்கப்பூர் சிட்டிசன் என பொய் சொன்ன இனியாவும், அவரின் தோழியும் நினைவில் வர அவளை காதலிக்க தொடங்குகிறார் செந்தில். இனியாவின் மாமா நான் கடவுள் ராஜேந்திரன் பணத்திற்காக இனியாவை சிங்கப்பூர் அனுப்பியதை மறைக்கிறார்கள்.
இருவரும் காதலிக்க தொடங்கிய நேரத்தில் வில்லனாக இனியாவின் மாமன் வர அவர்களின் காதல் கைகூடியதா? செந்தில் சிங்கப்பூர் சிட்டிசன் ஆனாரா? என்பதை விளக்குகிறது மீதிக்கதை.
சரவணன் மீனாட்சி தொலைக்காட்சி தொடர் மூலம் உலகமெங்கும் உள்ள தமிழர்களின் வீட்டில் தோன்றும் சரவணன், இந்த படத்தின் மூலம் நாயகனாகி இருக்கிறார். நன்றாக நடித்திருக்கிறார். நாயகியாக இனியா. வாகை சூடவா, மௌனகுரு போன்ற படங்களுக்கு பிறகு முழுக்க காதல் படமான இந்த படத்தில் நடித்துள்ளார். பாதி நேரம் அழுது கொண்டே இருக்கிறார்.
நாயகனின் நண்பனாக முருகதாஸ், நாயகியின் தோழியாக “ஜாங்கிரி” மதுமிதா. இருவரும் படம் முழுக்க வருகிறார்கள். லிவிங்க்ஸ்டன், நான் கடவுள் ராஜேந்திரன் ஆகியோரும் நடித்துள்ளனர்.
ஷமந்த் இசையில் மதிவதனி பாடல் கேட்கும்படி உள்ளது.பின்னணி இசை எடுபடவில்லை.
http://mycinenews.com/wp-content/uploads/2013/03/iniya-hot-kan-pesum-varthaigal-2-600x376.jpg ஒளிப்பதிவாளருக்கு நிறைய வாய்ப்புகள் இருந்தும் அவ்வளவாக உபயோகப்படுத்தி கொள்ளவில்லை.
சிங்கப்பூரில் படத்தை எடுத்திருந்தாலும் தொழில்நுட்பத்தில் இயக்குனர் கோட்டைவிட்டது வருத்தத்திற்குரியது. அது நாடகம் பார்ப்பது போன்ற உணர்வை தருகிறது. வழக்கமானகாதல் கதை. அதில் ரசிகர்களை கட்டிபோட கொஞ்சமாவது மெனக்கெடல் அவசியம் என்பதை இயக்குனர் பாலாஜி ஏனோ உணரவில்லை.
-
தங்கம்சினிமா

தளபதி சொல்றத பார்த்தா எடுக்க வேணாம்னு தோனுது.