கோடையில் அறிமுகமாகிறேன் இந்த மழைவாசி...

by மழைவாசி Thu Mar 28, 2013 5:09 pm

அனைவருக்கும் அன்பு வணக்கங்கள் !

காலப் பயணத்தின் அவசர அவசரமான நகர்வுகளில் நானும் ஒருவனாய் கடந்து கொண்டிருக்கையில் சற்றே நின்று திரும்பி பார்க்க வைத்தது ஒரு ஒற்றைச் சாளரம்.

மழைக்கும் எனக்கும் என்ன பந்தமென்று தெரியவில்லை, எந்தன் சிறு சிறு அணுக்களிலும் கூட அமிர்தமாய் அறியப்படுகிறது மழை .. அத்தனை ஆசை எனக்கு.. மழைத்துளிகளால் ஆசிர்வதிக்கப்படுக்கொண்டிருக்கும் ஒற்றை பூவாய் ஒரு நாளேனும் இதழ் சிரிக்க வேண்டும் , நிரந்தரம் துறந்த பறவையாய் ஏதோ ஒரு தேசம் தேடிப்போகையில், திடீரென்று கொட்டும் மழையில் சிலிர்த்துக்கொண்டே சிறகுலர்த்த வேண்டும், மழையின் துளிகள் பட்டுப் பட்டு கறை துடைக்கப்பட்ட காற்றாய் சுற்றித்திரிய வேண்டும் ஒரு சனமேனும், இப்படி மழையோடு நெருங்கிய பந்தம் வேண்டுமென்று , மழை தேடி, மழை விரும்பி நானும் ஒரு மழைவாசியாய்... ஆனால் நிஜத்தினில் ஐடி துறையில் பணிபுரியும் ஒரு சராசரி இளைஞனாய் தான் இங்கே என் அடையாளம்.

எனக்கு நிறைய கேட்கப் பிடிக்கும், காரணம், எனக்கும் சொல்வதற்க்குண்டு நிறைய நிறைய. ஆஹா, சொல்ல வந்ததையே மறந்துவிட்டேன், என்னை திரும்பிப் பார்க்க வைத்த ஒற்றை சாளரம் , அதன் வழி எட்டிப்பார்த்ததும் லயித்துப்போனேன் என்னை அறியாமல். ஏதோ ஈகரையாம், அங்கே அத்தனை அன்னியோன்யமாய் எதை எதையோ பேசிக்கொண்டு மனிதர்கள். வியப்பின் உச்சத்தில் நானும் செவிகொடுத்தேன். உரக்கச் சொல்லப்பட வேண்டியவைகள் இங்கே பல உரைக்கப்பட்டுக்கொண்டிருக்கிறது. வார்த்தைகளில் உணர்வுகளின் அளவைக்கண்டு அதிசயித்துப் போனேன். எனது இருப்பினை காட்ட இதுவும் ஒரு இடமாகக் கூடுமென்றெண்ணி நானும் கூடுகிறேன் இந்த கூட்டினில். இதோ இணைந்தே விட்டேன் இணையத்தின் வழி அடியெடுத்து வைக்கிறேன் ஈகரையின் நுழைவாயிலில்.. :வணக்கம்:

by DERAR BABU Thu Mar 28, 2013 5:18 pm

வாங்க மழைவாசி, :நல்வரவு:

by **ஜாஹீதாபானு** Thu Mar 28, 2013 5:25 pm

எனக்கு நிறைய கேட்கப் பிடிக்கும், காரணம், எனக்கும் சொல்வதற்க்குண்டு நிறைய நிறைய. ஆஹா, சொல்ல வந்ததையே மறந்துவிட்டேன், என்னை திரும்பிப் பார்க்க வைத்த ஒற்றை சாளரம் , அதன் வழி எட்டிப்பார்த்ததும் லயித்துப்போனேன் என்னை அறியாமல். ஏதோ ஈகரையாம், அங்கே அத்தனை அன்னியோன்யமாய் எதை எதையோ பேசிக்கொண்டு மனிதர்கள். வியப்பின் உச்சத்தில் நானும் செவிகொடுத்தேன். உரக்கச் சொல்லப்பட வேண்டியவைகள் இங்கே பல உரைக்கப்பட்டுக்கொண்டிருக்கிறது. வார்த்தைகளில் உணர்வுகளின் அளவைக்கண்டு அதிசயித்துப் போனேன். எனது இருப்பினை காட்ட இதுவும் ஒரு இடமாகக் கூடுமென்றெண்ணி நானும் கூடுகிறேன் இந்த கூட்டினில். இதோ இணைந்தே விட்டேன் இணையத்தின் வழி அடியெடுத்து வைக்கிறேன் ஈகரையின் நுழைவாயிலில்..

உங்க அறிமுகம்புதுமை வாங்க வாங்க மழைவாசி :நல்வரவு:

by **Aathira** Thu Mar 28, 2013 5:42 pm

அழகிய கவிதையே வருக! எமக்கும் மழை பிடிக்கும்! மழை வாசியையும்... பாடகன்

by சார்லஸ் mc Thu Mar 28, 2013 6:04 pm

அறிமுகவுரை அற்புதம் [You must be registered and logged in to see this image.]

தங்களை வரவேற்பதில் மகிழ்வுறுகிறேன் [You must be registered and logged in to see this image.]

by **அருண்** Thu Mar 28, 2013 6:12 pm

வருக மழை வாசி.
மழை போல் உங்க கவிதையையும் பெய்யட்டும். ஈகரையில்.!

by ச. சந்திரசேகரன் Thu Mar 28, 2013 6:19 pm

கிராமவாசி
நகரவாசி
காட்டுவாசி
- கேட்டதுண்டு.

மழைவாசி
- கேட்டதில்லை இன்றுவரை.

மாத்தி யோசி
அடக்கி வாசி
- கேட்டதுண்டு.

மழைவாசி
- கேட்டதில்லை

வருக வருக.

by **ரா.ரா3275** Thu Mar 28, 2013 7:36 pm

ஈகரையில் பொழியத் தொடங்கி இருக்கும் புது மழைக்கு வானவில் வணக்கமும் வரவேற்பும்...
உங்கள் மொழியிலும் நடையிலும் நளினத் தமிழ் நர்த்தனம்... சூப்பருங்க

ஈர்க்கும் இனிய சொற்சிலம்பத்தில் எப்போதும் இருக்கட்டும் ஆழ்ந்த அன்பும் இணக்கமும்...
:நல்வரவு:

by யினியவன் Thu Mar 28, 2013 7:41 pm

வருக மழைவாசி வரவேற்கிறோம்.

by யினியவன் Thu Mar 28, 2013 7:41 pm

ரா.ரா3275 wrote:ஈகரையில் பொழியத் தொடங்கி இருக்கும் புது மழைக்கு வானவில் வணக்கமும் வரவேற்பும்...
உங்கள் மொழியிலும் நடையிலும் நளினத் தமிழ் நர்த்தனம்...
ஈர்க்கும் இனிய சொற்சிலம்பத்தில் எப்போதும் இருக்கட்டும் ஆழ்ந்த அன்பும் இணக்கமும்...

வணக்கம் ராரா - நலமா?