மீண்டும் செயல்பட துவங்கியது "கியூரியாசிட்டி' விண்கலம்

ஹர்ஷித் · ஹர்ஷித் Thu Mar 28, 2013 9:31 am

வாஷிங்டன்:ஒருவாரம் செயல்படாமல் இருந்த, "கியூரியாசிட்டி' விண்கலம் மீண்டும் செயல்பட துவங்கியுள்ளது.செவ்வாய் கிரகத்தில் உயிர்கள் வாழ்வதற்கான சூழல் உள்ளதா என்பதை கண்டறிய, அமெரிக்க விண்வெளி ஆராய்ச்சி நிறுவனமான, "நாசா' கடந்த, 2011ம் ஆண்டு, "கியூரியாசிட்டி' விண்கலத்தை, அனுப்பியது.கடந்த ஆண்டு, ஆகஸ்ட் மாதம், செவ்வாய் கிரகத்தில் தரையிறங்கிய இவ்விண்கலம், பல்வேறு சோதனைகளில் ஈடுபட்டுள்ளது. அங்குள்ள பாறையில், துளையிட்டு அதன் துகள்களை ஆராய்ந்து வந்தது.

இந்நிலையில், கம்ப்யூட்டரில் ஏற்பட்ட கோளாறினால், கடந்த, 17ம் தேதி முதல், கியூரியாசிட்டியின் செயல்பாடு நின்று போனது.சீரமைப்பு பணிக்கு பின், கியூரியாசிட்டி தற்போது, மீண்டும் செயல்பட துவங்கியுள்ளது.இத்தகவலை, நாசாவின் துணை திட்ட மேலாளர் ஜிம் எரிக்சன் தெரிவித்துள்ளார்.அடுத்த மாதம், 4ம்தேதி முதல், ஒருமாதத்துக்கு, செவ்வாய் கிரகத்துக்கும் பூமிக்கும் இடையிலான தகவல் தொடர்பு, சூரியனால் பாதிக்கப்படும். அச்சமயத்தில், கியூரியாசிட்டியின் செயல்பாடு மீண்டும் நிறுத்திவைக்கப்படும்.வரும், மே,முதல், மீண்டும் செயல்பட உள்ள இவ்விண்கலம், மற்றொரு பாறையில் துளையிட்டு சோதனை செய்ய உள்ளது.

தினமலர்