<<<இன்றைய சிந்தனை>>>

by **Muthumohamed** Thu Mar 28, 2013 12:33 am

ஓர் இடத்தில் அல்லது சில நபர்களிடம்...

நாம் எதை பேச வேண்டும் என்று
தெரிந்து வைத்திருக்காவிட்டாலும்,
எதை பேசக்கூடாது என்பதையாவது
தெரிந்து வைத்திருக்க வேண்டும்.....

யாரிடம் பேச வேண்டும்
என்று தெரியாவிட்டாலும்,யாரிடம் பேசக்கூடாது
என்பதையாவது தெரிந்து வைத்திருக்க வேண்டும்..

by **Muthumohamed** Thu Mar 28, 2013 12:35 am

"செய்ய முடியும் என்று நம்பு"....

ஒன்றை செய்ய முடியும் என்று
முழுதாய் நம்பும் போது, உன் மனம்
அதை செய்து முடிக்கும் வழிகளை கண்டறியும்.

ஒரு காரியத்தில் வைக்கும் நம்பிக்கை,
அந்த காரியத்தை முடிக்கும் வழியை காட்டுகிறது.

நாம் நம்பி கொண்டு மட்டும் இருக்கிறோம்,
வழிகளையும் தெரிந்து வைத்து இருக்க வேண்டும்.

by mbalasaravanan Thu Mar 28, 2013 12:06 pm

நல்ல பகிர்வு

by **Muthumohamed** Thu Mar 28, 2013 11:52 pm

உன்னால் ஒருவர் கண்ணீர் சிந்துவது,
வேதனையான விஷயம்....

உனக்காக பிறர் கண்ணீர் சிந்துவது,
சந்தோஷமான விஷயம்......!!!

by **Muthumohamed** Thu Mar 28, 2013 11:53 pm

சோகம் வரும் போது, சோர்ந்து விடாதே..

கவலை வரும் போது, கலங்கி விடாதே..

கஷ்டம் வரும் போது, கண்ணீர் விடாதே....

மரத்தில் உள்ள இலைகள் உதிர்வது

வீழ்வதற்காக அல்ல, எழுவதற்காகவே....

தோல்விகளை உரமாக்கி, வெற்றியை உருவாக்கு..

by **Muthumohamed** Sat Mar 30, 2013 12:16 pm

"பணத்தை சம்பாதித்தால்

மகிழ்ச்சியாக வாழலாம்" என்று எண்ணி,

நாம் போட்டி பொறாமையை

மனதில் வளர்த்துக் கொள்கிறோம்....

ஆனால்,

பணக்காரர்கள் பெரும்பாலும்,

மனநிம்மதி இழந்தவர்களாகவே வாழ்கிறார்கள்..

by **Muthumohamed** Sat Mar 30, 2013 12:17 pm

வீரனைப் போரிலும்,

யோக்கியனை கடனிலும்,

மனைவியை வறுமையிலும்,

நண்பனை கஷ்ட காலத்திலும்,

அறிந்து கொள்ளலாம்.......

by **Muthumohamed** Wed Apr 03, 2013 2:11 pm

வெற்றியை நோக்கி செல்லும் போது

திரும்பி பார்க்காதே.......

ஆனால், வெற்றியை அடைந்த பிறகு

திரும்பி பார்க்க மறந்து விடாதே......

by **Muthumohamed** Wed Apr 03, 2013 2:11 pm

உன் வாழ்க்கையில்

நீ சந்திக்கும் "தோல்வி"

என்னும் பூக்களை சேர்த்து வை..

அதுவே "வெற்றி" என்னும்

மாலையாக கோர்த்து உன்னை சேரும்..

by **Muthumohamed** Wed Apr 03, 2013 2:12 pm

"தான்" என்னும் ஆணவத்தையும்,

பேராசையையும் அடக்கும் போது தான்

பெரும் வெற்றிகளைப் பெறமுடியும்..

அரும்பெரும் செயல்களை,

தியாகத்தால் மட்டுமே சாதிக்க முடியும்...