அமெரிக்காவில் ஒரே வெளிச்சம்: விண்கல் தோன்றியதால் பரபரப்பு

**முத்துராஜ்** · **முத்துராஜ்** Sun Mar 24, 2013 6:07 pm

அமெரிக்காவின் கிழக்கு கடற்கரை பகுதியில் வானில் திடீர் வெளிச்சம் தோன்றியதால் அங்கு பரபரப்பு ஏற்பட்டது. வானில் தோன்றிய விண்கல்லால் மக்கள் ஆச்சிரியத்தில் ஆழ்ந்தனர்.

அமெரிக்காவில் நேற்று முன்தினம் இரவு வானில் மிகவும் பிரகாசமான வெளிச்சம் தோன்றியது. இதனால் பரபரப்படைந்த மக்கள் தங்கள் வீடுகளை விட்டு வெளியேறி வந்து வானத்தில் நிகழ்ந்த அதிசயத்தை பார்த்து ரசித்தனர். இதனால், அமெரிக்க நகரங்களில் பரபரப்பு தொற்றிக் கொண்டது.

இதுகுறித்து நாசா விண்கல் சுற்றுச் சூழல் அலுவலக அதிகாரி பில்கூக் கூறும் போது, விண்ணில் தோன்றிய பிரகாசமான ஒளி விண்கல்லில் இருந்து வெளியானது என கூறியுள்ளார்.

ஒரு மிகப் பெரிய விண்கல் பூமிக்கு அருகே நெருப்பு பந்து போன்று வந்து பாய்ந்து சென்றுள்ளது. அதில் இருந்து வெளியான வெளிச்சமே மக்களை பிரமிப்பில் ஆழ்த்தியுள்ளது என்றும் தெரிவித்துள்ளார்.