உடல் இளைக்க

N.S.Mani · N.S.Mani Mon Nov 18, 2013 9:37 pm

உடல் இளைக்க

1. உடற்பருமன் ஏற்பட்டு விட்டதா? ஆமனக்குச் செடி வேரைக் கொண்டுவந்து, நன்றாகப் பொடித்து, அத்துடன் தேனைக் கூட்டிப் பிசைந்து, ஒரு டம்ளர் தண்ணீரில் அப்படியே ஊறவைத்து விடுங்கள். இரவு முழுவதும் ஊறினதும், காலையில் கலக்கி வடிகட்டி அந்த நீரை மட்டும் சாப்பிட்டு வாருங்கள். நாலு வாரத்திற்குள் நல்ல பயன் தெரியும்.

2. பொன்னாங்கன்னிக் கீரையைத் துவரம் பருப்புடன் மிளகு சேர்த்து சமைத்து உண்டு வந்தால், 3 மாதங்களில், பெருத்த உடல் பருமன் குறைந்து, நல்ல கெட்டியடைந்து ஆரோக்கியமடையும். நல்ல தேஜஸும், வீரிய விருத்தியும் உண்டாகும். நேத்திர ரோகமும் விலகும்.

3. தூல சரீரம் கறைந்து கெட்டிப்பட நில ஆவாரை இலையை நிழலில் உலர்த்தி இடித்துத் தூளாக்கி, துணியில் சலித்து, ஒரு ஜாடியில் போட்டு வைத்துக் கொண்டு, தேனில் குழைத்துச் சாப்பிட்டு வந்தால் போதும் தன்னில் தானே, உடல் வற்றிக் கெட்டிப் படும்.

4. பச்சை வாழைத் தண்டை நறுக்கி, அதில் எழுமிச்சைச் சாற்றினைக் கலந்து சாப்பிட்டு வந்தால், உடல் பருமன் குறையும்.

5. காலையில் எலுமிச்சைப் பழச் சாற்றை உப்பு சேர்த்துக் கலந்து, ஒரு மாதம் வரை வெறும் வயற்றில் அருந்தினால், தேவையற்ற கொழுப்புச் சத்தும், ஊளைச் சதையும் குறையும். ரத்தமும் சுத்தப்படும்.

6. அகில் கட்டையை பசும்பால் விட்டு சந்தனம் அரைப்பது போல அரைத்து, அதை உடம்பில் பூசிகொள்ள, உடல் தளர்ந்து சதையெல்லாம் தொள தொள என்று ஆட்டும். தொண்டு கிழவர்களின் தசை னார்கள் கெட்டிப்படும்.

7. கொழுப்பு உணவையும், அரிசி உணவையும் குறைத்துக்கொண்டு தினம் எழுமிச்சம்பழச் சாறு 1 அவுன்ஸ், தேன் அரை அவுன்ஸ், தண்ணீர் ௪ அவுன்ஸ், மூன்றையும் கலந்து, சிறிது சூடு செய்து, கலையில் ஒரு வேளைமட்டும் சாப்பிட்டு வர, எடை குறையும்.

வாழைத்தண்டு சூப்[b]
:
வாழைத்தண்டை சிறு சிறு துண்டுகளாக வெட்டி, மிளகு, சீரகம், பூண்டு, சிறிது எலுமிச்சை பழச் சாறும் கலந்து மூடி கொதிக்க வைத்து, உப்பிட்டு முறைப்படி தாளித்துக் கொள்ளவும். இதனை காலை-பகல் உணவிற்கு முன் அருந்தவும். உடல் கனம் குறையும். இரத்த அழுத்தம் கூடுதலானவர்களுக்கு மிகவும் சிறந்த உணவு ஆகும்.

[u]அல்லது,

வாழைத்தண்டை இடித்துத் தேவையளவு சாற்றை எடுத்து, மண் சட்டியில் ஊற்றிக் கொள்ளவும். இஞ்சி, பூண்டு இவைகளைத் தட்டிப் பச்சைக் கொத்தமல்லியும் போட்டு மூடி கொதிக்க விட்டு, இறக்கி சிறிது எழுமிச்சம்பழச் சாற்றைக் கலந்து உப்பிட்டு அருந்தி வரலாம். 3 மாதங்களில் உடல் கனம் குறையும்

நா.செ.மணி

**krishnaamma** · **krishnaamma** Mon Nov 18, 2013 9:51 pm

நன்றி ஐயா

**ராஜா** · **ராஜா** Tue Nov 19, 2013 10:53 am

வாழைத்தண்டை அடிக்கடி உணவில் சேர்த்தால் எலும்புகள் பலம் இழந்து மிக எளிதில் எலும்பு முறிவுகள் ஏற்படும் என நமது தளத்தில் உள்ள சித்த மருத்துவர் ஒருவர் சொன்னார்

**krishnaamma** · **krishnaamma** Tue Nov 19, 2013 12:07 pm

ராஜா wrote:வாழைத்தண்டை அடிக்கடி உணவில் சேர்த்தால் எலும்புகள் பலம் இழந்து மிக எளிதில் எலும்பு முறிவுகள் ஏற்படும் என நமது தளத்தில் உள்ள சித்த மருத்துவர் ஒருவர் சொன்னார்

இது உண்மையா ராஜா?

**ராஜா** · **ராஜா** Tue Nov 19, 2013 12:49 pm

krishnaamma wrote:
ராஜா wrote:வாழைத்தண்டை அடிக்கடி உணவில் சேர்த்தால் எலும்புகள் பலம் இழந்து மிக எளிதில் எலும்பு முறிவுகள் ஏற்படும் என நமது தளத்தில் உள்ள சித்த மருத்துவர் ஒருவர் சொன்னார்
இது உண்மையா ராஜா?

**ஜாஹீதாபானு** · **ஜாஹீதாபானு** Tue Nov 19, 2013 2:53 pm

பகிர்வுக்கு நன்றி

Sponsored content · Sponsored content

உடல் இளைக்க

உடல் இளைக்க

Re: உடல் இளைக்க

Re: உடல் இளைக்க

Re: உடல் இளைக்க

Re: உடல் இளைக்க

Re: உடல் இளைக்க

Re: உடல் இளைக்க

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக