கல்லூரிக்குள் வந்து கணவர் தாக்கியதால் மாணவி தற்கொலை

கேரள மாநிலம் திருவனந்தபுரம் அருகே நெடுமங்காடு தடுத்தறை வீடு பகுதியைச் சேர்ந்தவர் சிஜி (வயது 22). இவர் அந்த பகுதியில் உள்ள ஒரு கல்லூரியில் படித்து வந்தார். அதே பகுதியைச் சேர்ந்தவர் சணல், கூலித்தொழிலாளி. சிஜிக்கும், சணலுக்கும் பழக்கம் ஏற்பட்டு காதலாக மாறியது.

கடந்த 3 மாதத்திற்கு முன்பு இவர்கள் 2 பேரும் திருமணம் செய்து கொண்டனர். திருமணத்திற்கு பிறகும் சிஜி, தனது கல்லூரி படிப்பை தொடர்ந்தார். சில மாதங்கள் இனிமையாக கழிந்த இவர்கள் வாழ்க்கையில் “மது” உருவில் புயல் வீசியது. சணலுக்கு குடிப்பழக்கம் இருந்ததால் அவர் சிஜியை அடித்து கொடுமைப்படுத்த தொடங்கினார். இதனால் மனவேதனை அடைந்த சிஜி, தனது தாய் வீட்டிற்கு சென்று விட்டார். பிறகு அங்கிருந்து கல்லூரிக்கு சென்று வந்தார்.

இந்த நிலையில் சிஜி படிக்கும் கல்லூரிக்கு சென்ற சணல் அங்கு வைத்து அவரிடம் தகராறு செய்தார். பிறகு அவரை கல்லூரிக்குள் வைத்து மற்ற மாணவிகள் முன்னிலையில் அடித்து உதைத்து விட்டு சென்று விட்டார். தனது தோழிகள் முன்பு கணவர் தாக்கியதால் அவமானம் அடைந்த சிஜி அங்கிருந்து அழுது கொண்டே வெளியேறினார்.

நெடுமங்காடு போலீஸ் நிலையத்திற்கு சென்ற அவர் தனது கணவர் செய்த கொடுமைகள் பற்றியும் கல்லூரிக்குள் புகுந்து தாக்கியது பற்றியும் புகார் செய்தார். பிறகு வீட்டிற்கு சென்ற சிஜி அங்கு குளியல் அறையில் தூக்குப்போட்டு தற்கொலை செய்து கொண்டார்.

இது பற்றி நெடுமங்காடு போலீசார் வழக்குப்பதிவு செய்து விசாரணை நடத்தி வருகிறார்கள். சிஜி தற்கொலை செய்து கொண்ட தகவல் கிடைத்ததும், சணல் தலைமறைவாகி விட்டார். அவரை போலீசார் தேடி வருகிறார்கள்.

நக்கீரன்

சனல் தூக்கு கயிறாகி விட்டதே!!!

காதலிச்சு ஓடிப் போய் கல்யாணம் பண்றதுக்கு முன்னாடி விசாரித்து, நிதானித்து செய்யாததின் விளைவு - உயிர் இழப்பு!!!

யினியவன் wrote:சனல் தூக்கு கயிறாகி விட்டதே!!!

காதலிச்சு ஓடிப் போய் கல்யாணம் பண்றதுக்கு முன்னாடி விசாரித்து, நிதானித்து செய்யாததின் விளைவு - உயிர் இழப்பு!!!