ஆயுத இறக்குமதியில் இந்தியாவிற்கு முதலிடம்: ஏற்றுமதியில் சீனா முந்துகிறது

**Muthumohamed** · **Muthumohamed** Tue 19 Mar 2013 - 10:03

லண்டன்: ஆயுதங்களை இறக்குமதி செய்து கொள்முதல் செய்வதில்இந்தியா முதலிடம் வகிப்பதாகவும்,அதே நேரத்தில் ஆயுதங்கள் ஏற்றுமதியில் பிரிட்டனை சீனா முந்திவிட்டதாக ஆய்வறிக்கையில் தெரியவந்துள்ளது.சுவீடனின் ஸ்டாக்ஹோம்நகரை தலைமையிடமாக கொண்டு செயல்படும் எஸ்.ஐ.பி.ஆர்.ஐ என்ற சர்வதேச அமைதி மற்றும் ஆராய்ச்சி அமைப்பு வெளியிட்டுள்ள ஆய்வில் கூறப்பட்டுள்ளதாவது:

ஆயுதங்கள் இறக்குமதியில் ஆசிய நாடுகள் தான் முன்னிலையில் உள்ளன.இவற்றில் இந்தியா கடந்த 2003-2007 மற்றும் 2008-12 ஆகிய ஆண்டுகளில் 59 சதவீத ஆயுதங்களை இறக்குதி செய்து உள்ளது. இதன்படி ரஷ்யாவிடமிருந்து 100 எஸ்.யூ.-30 ரக போர்விமானங்களும், பி-81 நீர்முழ்கி போக்கப்பல்களையும் , இஸ்ரேலிடமிருந்து மூன்று ஏ-50 இ.எச். ரக விமானங்களையும்,உலகளவில் முதல் ஐந்து நாடுகளில் இந்தியா (12%), சீனா (6%), பாகிஸ்தான் (5%), தென்கொரியா (5%), சிங்கப்பூர் (4%) ஆகும்.

அதே வேளையில் ஆயுதங்கள் ஏற்றுமதியில் உலகளவில் சீனா ஐந்தாவது இடத்தில் உள்ளது. முதல் ஐந்து நாடுகள் பட்டியலில் அமெரிக்கா (30%), ரஷ்யா (26%),ஜெர்மனி (7%),பிரான்ஸ் (6%),சீனா (5%), தவிர சீனாவிடமிருந்து பாகிஸ்தான் 55 % ஆயுதங்களை இறக்குதி செய்கிறது. இவ்வாறு அந்த ஆய்வில் தெரிவிக்கப்பட்டுள்ளது. இந்த பட்டியலில் முன்னர் பிரிட்டன் இடம் பெற்றிருந்தது. தற்போது பிரிட்டன் 6வது இடத்திற்கு தள்ளப்பட்டுள்ளது.

தினமலர்