‘ இப்படி நடப்பார் என நாங்கள் எதிர்பார்க்கவில்லை ’- இத்தாலி தூதர் மீது சுப்ரீம் கோர்ட் கடும் அதிருப்தி

**சிவா** · **சிவா** Tue Mar 19, 2013 1:58 am

புதுடில்லி: இத்தாலி தூதர் டேனியல் மான்சினி இப்படி நடந்து கொள்வார் என நாங்கள் எதிர்பார்க்கவில்லை என்றும், உங்களை இனி நாங்கள் நம்ப முடியாது என்றும் சுப்ரீம் கோர்ட் நீதிபதிகள் கடும் அதிருப்தி வெளியிட்டுள்ளனர்.

இந்திய கேரள கடலோர பகுதியில் 2 மீனவர்கள் இத்தாலி கடற்படையினரால் சுட்டு கொல்லப்பட்டனர். இது தொடர்பாக 2 வீரர்கள் கைது செய்யப்பட்டு சிறையில் அடைக்கப்பட்டனர் .தொடர்ந்து ஜாமினில் இருந்து வந்தனர். இந்நிலையில் இத்தாலி தேர்தலுக்காக சென்று வர அனுமதி அளிக்க வேண்டும் என கோர்ட்டில் அனுமதி பெற்று தாய்நாட்டுக்கு சென்றனர். ஆனால் அவர்கள் குறிப்பிட்ட காலத்திற்குள் இந்தியா வரவில்லை. இந்த விவகாரம் இந்தியாவை கடும் அதிர்ச்சிக்குள்ளாகியது. பிரதமரும் கண்டனம் தெரிவித்திருந்தார்.

இது தொடர்பான விசாரணை இன்று சுப்ரீம் கோர்ட்டில் வந்தது. வழக்கை விசாரித்து வரும் நீதிபதிகள் இத்தாலி தூதர் மீது கடும் கோபத்தை வெளிப்படுத்தினர். நீதிபதிகள் இன்று கோர்ட்டில் கூறியதாவது: இத்தாலி தூதர் இப்படி நடந்து கொள்வார் என நாங்கள் எதிர்பார்க்கவில்லை. இவர் நம்பிக்கையை உடைத்து விட்டார். இவரை நாங்கள் இனியும் நம்ப முடியாது. வரும் ஏப்ரல் மாதம் 2 ம் தேதி வரை இந்தியாவை விட்டு வெளியேறக்கூடாது. வரும் மார்ச் 22 ம் தேதிவரை 2 பேரும் இந்தியா திரும்ப கால அவகாசம் தருகிறோம். இதற்குள் திரும்பா விட்டால் கோர்ட் அவமதிப்பாக கருதி நடவடிக்கை எடுக்கப்படும் என்றனர்.

2 வீரர்கள் நிபந்தனையின் பேரில் இத்தாலி செல்ல காப்புறுதி பத்திரத்தில் ( அபிடவிட்) தூதர் மான்சினி கையெழுத்திட்டுள்ளார் என்பது குறிப்பிடத்தக்கது. இதனால் நிபந்தனை மீறப்படுவதால் இவரை கைது செய்ய சட்டத்தில் வழி முறை இருக்கிறது.

தினமலர்

**T.N.Balasubramanian** · **T.N.Balasubramanian** Tue Mar 19, 2013 6:23 am

இத்தாலி அரசாங்கம் தானே. இதுவும் நடக்கும். இதற்கு மேலும் நடக்கும். பார்க்கத்தானே போகிறோம்.

ரமணியன்

ராஜு சரவணன் · ராஜு சரவணன் Tue Mar 19, 2013 7:29 am

வேற எப்படி எதிர்பார்தீர்கள்?

- இந்தியாவில் வழக்கு இல்ல ஒரு குற்றவாளி பிரதமரை சந்தித்து கைகுலுக்கி செல்கிறார் அவரை உங்களால் என்ன செய்ய முடிந்தது.

- கேரளாவில் கொல்லப்பட்ட ஒரு மலையாள மீனவருக்காக வரிந்து கட்டிக்கொண்டு இத்தாலியை எதிர்க்கும் நீங்கள் இதுவரை சுமார் 550 தமிழ் மீனவர்கள் இலங்கை கடல் படையரால் கொல்லப்பட்டு உள்ளனரே இதற்கு உங்கள் இந்திய இறையாண்மை என்ன சொல்லுது.

- தானாக முன்வந்து வழக்குகளை எடுத்து விசாரிக்கும் நீங்கள் , தமிழ் மீனவர்கள் இலங்கை கடல் படையரால் கொல்லபடுவது, காயம்படுதுவது போன்ற நிகழ்வுகளை என்றாவது தானாக முன்வந்து விசாரித்தது உண்ட.

mbalasaravanan · mbalasaravanan Tue Mar 19, 2013 1:41 pm

550 பேர் சாகும் போது எங்க போயிருந்தீங்க

Sponsored content · Sponsored content

‘ இப்படி நடப்பார் என நாங்கள் எதிர்பார்க்கவில்லை ’- இத்தாலி தூதர் மீது சுப்ரீம் கோர்ட் கடும் அதிருப்தி

‘ இப்படி நடப்பார் என நாங்கள் எதிர்பார்க்கவில்லை ’- இத்தாலி தூதர் மீது சுப்ரீம் கோர்ட் கடும் அதிருப்தி

Re: ‘ இப்படி நடப்பார் என நாங்கள் எதிர்பார்க்கவில்லை ’- இத்தாலி தூதர் மீது சுப்ரீம் கோர்ட் கடும் அதிருப்தி

Re: ‘ இப்படி நடப்பார் என நாங்கள் எதிர்பார்க்கவில்லை ’- இத்தாலி தூதர் மீது சுப்ரீம் கோர்ட் கடும் அதிருப்தி

Re: ‘ இப்படி நடப்பார் என நாங்கள் எதிர்பார்க்கவில்லை ’- இத்தாலி தூதர் மீது சுப்ரீம் கோர்ட் கடும் அதிருப்தி

Re: ‘ இப்படி நடப்பார் என நாங்கள் எதிர்பார்க்கவில்லை ’- இத்தாலி தூதர் மீது சுப்ரீம் கோர்ட் கடும் அதிருப்தி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக