உனக்காக ! [ குட்டிக்கதை ]

பால் பொங்கி வழிந்தது
அடுப்பை அணைத்த படி
நானோ பகற்கனவில் மிதந்தேன்
உன்னையே நினைத்தபடி .

நலமா கண்ணு என்று 'செல்' லில்
பாசமழை பொழிந்து நனைத்த
அம்மாவைக் கூட , " வெளிலே இருக்கேன்
அப்புறம் பேசறேன் " னு வெட்கப்படாமல்

பொய் சொல்லி கட் செய்தேன் !
பாவம் அவள் ! அவ்ளோ 'அம்மா பெட்'
தெரியுமா ? நான் இதற்கு முன்பு .?
நாங்க ' just married ' ஆனதால

உனக்கு மட்டும் இன்று நூறு
முறை அழைப்புகள் ஆயிரம் கொஞ்சல்கள்
என்ன செய்ற ?எப்போ வரே ? என்னை எத்தனை
முறை எண்ணினாய் ? என்று .

தொலைக்காட்சியில் வேறு காட்சி இருக்காதோ
காதல் டூயட் தவிர ? கணினியில் அமர்ந்தாலும்
அறுவை அனு 'சாட்டிங் ' இல் வர அலுப்பாய்
இருந்தது ... எல்லாம் ஆப் .... மூடும் கூட ..

இந்த நேரம் பார்த்து பக்கத்து வீட்டு பவி வந்து
கதவைத் தட்டி , அக்கா ஷாப்பிங் போலாமே
என்றவளை , இந்த வெயிலிலா ?! நோ நோ , முடியாது ,
நீ போலாம் ன்னு சொல்லி , அவளை அலட்சியம் செய்தேன்.

வயிறு சத்தமிட்ட போது, நினைவுக்கு வந்தது
பாலை மட்டும் தான் இன்று சமைத்தது...ஏதோ
ஒன்றை குளிர்ப்பெட்டியிலிருந்து வாயில் கவிழ்த்து ,
கட்டிலில் சாய்ந்தேன்.. உன் படத்தை நெஞ்சில் அணைத்தபடி.

கண்ணயர்ந்த நேரம் தெரியவில்லை , காலிங் பெல்
இசைபாடி அழைக்கவும் , சட்டென விழித்து ,கலைந்த கேசம் ,
உடை நீவி , ஓடி வந்து கதவு திறக்க... வாயிலில் நீ தான்
கையில் காய்கறி பாஸ்கட் உடன் ....... அப்பாடி!

இன்று 'maagi ' யில் இருந்து தப்பித்தேன்.
பிழைத்தேன்.பெருமூச்சு விட்டேன் நான் !,
உங்களுக்காக தினம் இப்படியே வெயிட்
பண்ணிட்டு இருக்கேன் நான்.

பசிக்குது ! சீக்கிரம் வந்து சமைச்சுத் தாங்க ,
நான் வெஜ் கட் செய்கிறேன் ..
நாளையிலிருந்து எனக்கு கொஞ்சம் குக்கிங்
கிளாஸ் எடுங்க என்றேன் தோரணையாய்
என்னவரிடம்.
நன்றி:எழுத்து,com

இது கதையா இல்ல கவிதையா .....
அருமையான பதிவு .....