பொசுக்கிடும் உறுதியாக!

**Aathira** · **Aathira** Thu Mar 14, 2013 12:11 am

பொசுக்கிடும் உறுதியாக!

பொசுக்கிடும் உறுதியாக! 602178_513191962056343_576791544_n

சாய்ந்ததோ தளிரின் வாழை
சரிந்ததோ இளைய ஈழம்
ஓய்ந்ததோ உயிரின் ஓசை
ஒடிந்ததோ ஆலின் விழுது
ஆய்ந்ததோ தந்தை வீரம்
அகத்தினில் உளதோ என்று
பாய்ந்ததோ குண்டு மாரி
பாலச் சந்திரன் மார்பில்

பூயிலை துளிர்க்கும் போதே
பூகம்பம் கண்ட தம்மா
வாயினில் ரொட்டி தந்து
வன்கொலை கொண்ட தம்மா
சேயினைச் சுட்டுக் கொன்ற
செறுப்பினன் சிங்க ளத்து
நாயிடம் நட்பு கொண்ட
நரியினம் நசிந்து போக!

மாண்டிடப் பிறந்தா யாநீ
மன்னவன் தமிழீ ளத்தை
ஆண்டிடப் பிறந்தா யப்பா!
ஆண்மகன் இல்லான் வீரம்
மாண்டிட்ட பேடி யைப்போல்
மாய்த்தனன் மலரும் மொட்டை
தோண்டிய குழியில் இட்டு
தொலைத்தனன் ஈழ வேரை

நீதியும் இல்லான் போரின்
நியதியும் அறியான் பொல்லாச்
சாதியின் தலைவன் நீசன்
சகித்திடா ராஜ பட்சே
நாதியில் நாயாய் நட்ட
நடுநிசிப் பேயாய் வெய்யோன்
வீதியில் வேகும் புழுவாய்
விதித்திட சாப மிட்டேன்

சொற்குற்றம் இழைத்த போது
சொல்லினால் ஊரைச் சுட்ட
கற்பினள் வாழ்ந்த மண்ணின்
கண்ணின்நீர் விடுக்கும் சாபம்
ஓற்குற்ற மில்லா பாலன்
ஒருவனைச் சுட்டுக் கொன்ற
போர்க்குற்ற வாளி உன்னை
பொசுக்கிடும் உறுதி யாக!

இந்தக் கவிதை 17/03/13 நாளிட்ட மாலை முரசு நாளிதழில் வெளியாகியுள்ளது. நன்றி மாலை முரசு.