" விலைவாசி "

பூர்ணகுரு · பூர்ணகுரு Wed Apr 10, 2013 5:50 pm

ஆதாம் ஏவாளும்
ஆதிவாசியும் அறிந்ததில்லை
மொழி ஒன்றை

ஆண்டவன் ஏசு
காலம் கொண்டது
மொழி சிலவற்றை

பண்டைய ரோமானியர் காலம்
பேசிய மொழிகளும் சிற்சிலவே
பாரசீகமும் பாண்டியரும்
பாடிய மொழிகளும் சிலவன்றே

அக்காலத்திலும் முற்காலத்திலும்
முதற்காலத்திலும் முக்காலத்திலும்
எக்காலத்திலும் மொழிகளிலும்
இக்காலத்தின் மக்களை துரத்தித்
துரத்தி துயரம் அளிக்கும்
ஒரு வார்த்தை வலி வாழ்க்கை
மொழிந்ததிளர் உணர்ந்ததிளர்
அதற்கு பெயர் "விலைவாசி"
விலை என்ற ஒன்றை "வாசி"த்தருமிளர்

நின்றால் விலைவாசி
நடந்தால் விலைவாசி
அசைந்தால் விலைவாசி
அமர்ந்தால் விலைவாசி
அயர்ந்தாலும் விலைவாசி
அலைந்தாலும் விலைவாசி

பயின்று போர்புரியும் வீரர்களே
கண் முன் நிற்கும் எதிரியிடமே
சண்டையிடுவர் அதற்கென - ஓர்
போர்க்களம் போர்முறை போர்க்காலம்
அதில் மட்டுமே அவர் வீரக்களம்
அதிலுண்டு வெற்றித் தோல்வி எனும்
சொற்கோலம் - ஆனால்
தினம் தினம் இங்கு கால நேரமின்றி
காண இடமின்றி மோத முறையின்றி
கண்ணுக்கு தெரியாமல் காலவரையின்றி
எதிரி யாரென்று தெரியாமல்
உழைக்கும் ஒரே பயிற்சியில் வாடிப்
போர் புரியும் பாமர மக்கள்

அரசுகளோ அவ்வெதிரிக்கு தானே
"விலைவாசி" எனப்
பேர் சூட்டிப் பொட்டு வைத்துக்
கொண்டாடும் கோலம் நம் கற்காலம்!

ஆனால் இவ்விலைவாசி வாட்டி
வீழ்த்தும் அப்பாவி மக்களின் எதிர்காலம்
என்றுமே கேள்விக்குறி... ?