நான் நுகர்ந்த தமிழ்-ஜேன்

by ஹர்ஷித் Thu Mar 14, 2013 5:30 pm

நேற்று தான் கரும்பலகையில் என் முதல் ஆசிரியர்(பெயர் நினைவில்லை) எழுதிய அ.ஆ உயிரெழுத்து கண்முன் தெரிகிறது.அன்று துவங்கி உயிரெழுத்து மெய்யெழுத்து பின் இலக்கண வகைகள் என எத்தனை எத்தனை உருக்கள் என் தமிழுக்கு.மூன்றாம் வகுப்பிலேயே திருக்குறளின் பொருள் புரிந்து இன்றுவரை அந்த ஆச்சர்யத்திற்கு விடை காண இயலவில்லை

"துப்பார்க்குத் துப்பாய துப்பாக்கித் துப்பார்க்குத்
துப்பாய தூஉமழை." .

Smile

எப்படி யோசித்தாலும் என்னால் இதுபோல எழுத முடியாது.அப்படி எழுத வேண்டும் என்பதை நினைப்பதே தவறாகிலும் அது என் ஆசை.பின் என் இலக்கண ஆசைக்கு முட்டுக்கட்டை போட்டது தமிழ் இலக்கியம்.நான் வளர்ந்த சமுதாயத்தின் ஒட்டுமொத்த வெளிப்பாடான மொழி என் தமிழ்மொழி.சங்கம் கொண்டு தமிழ் வளர்த்த என் முன்னோர் எனக்கு அதை ஒரு எட்டாக்கனியாகவே ஆக்கியது ஏனோ?
தமிழ்,ஒன்று தான் எனின் எனக்கு என் தமிழிலக்கணம் தெரிவதில்லை.என்ற என் கேள்விக்கு பதிலளித்தவர் பாரதி.எளிமைத்தமிழில் இலக்கியத்தின் பெருமை மீறாமல் அவர் வடித்த வரிகள் தாம் ஏராளம்.அதன் மனம் தமிழ் மக்கள் வசித்த பகுதிகள் எங்கும் மனம் வீசியது.இன்றளவும் என் அடுத்த தலைமுறைக்கு அவர்கள் விரும்பும் வகையில் குறுந்தட்டில் ஏற்றி நாம் ஒலி ஒளி காட்ச்சிகளாக காட்டும் மழலைப்பாடல்களிலும் "ஓடி விளையாடு பாப்பா" தவறாமல் இடம்பெறுகிறது.
சங்கத்தமிழில் குழந்தைப்பாடல்கள் இல்லையா?எங்கே என் ஒளவை பாட்டியின் ஆத்திசூடி?ஒருவேளை அவரும் எளிமைத்தமிழில் ஆத்திசூடியை பாடியிருந்தால் நம் குறுந்தகட்டில் அவைகள் ஏற்றப்பட்டு என் மகனுக்கோ மகளுக்கோ காட்டப்பட்டிருக்குமோ?
அறிவு தெளிந்து ஆறாம் அகவையில் தான் நான் ஏட்டுக்கல்வியை சுவாசித்தேன்.இன்றோ மூன்று ஆண்டுகள் நிறைவடைந்த பிஞ்சுகள் ஆங்கில அறிவு தேடி,தனியார் கொள்ளைக்காரர்களின் வசம் திணிக்கப்படுகின்றார்கள்.என் மகன் எல்லா பாடங்களிலும் 80 விழுக்காடு தமிழில் மட்டுமே மதிப்பெண் குறைவு என்பதை எத்தனை பெற்றோர்கள் பெருமையாக சொல்லிக்கொள்கின்றனர்.இதில் நானும் அடக்கம் என்பதே அப்பட்டமான உண்மை.மூன்று வயது முதல் ஆங்கிலத்தை திணித்துவிட்டு ஆறாம் வயதில் முதல் தமிழை தருவது எங்கனம் நியாயம்.
நாம் எழுதும் அளவிற்கோ,பேசும் அளவிற்கோ வளர்ந்த தமிழ் இனி வளருமா இல்லையா?
இல்லை என்பதே ஆணித்தனமான உண்மை.என் முன்னோர்கள் என்னை பார்த்து சொன்னார்கள் தமிழே அறியாத தமிழன் நீயென
அது மரபுக்கவி வடிவிலும்,சில புதுக்கவிதைகளின் வடிவிலுமே வெளிப்பட்டது.ஆக அவர்களரிந்த தமிழை நான் அறியவில்லை.இது என் குற்றமா அல்லது அவர்களின் குற்றமா?
என் அடுத்த தலைமுறை தமிழை மறந்தால் அது என் குற்றமே முற்றிலும் என் குற்றமே தமிழை நீ கடினப்பட்டு மெருகேற்ற வேண்டாம் அது தானாய் நடக்கும்.ஆனால் நொண்டி ஆக்காதீர்கள்.

அன்புடன்
ஜேன்.

by றினா Thu Mar 14, 2013 6:20 pm

அந்த நாள் ஞாபகம்...

by **ஜாஹீதாபானு** Thu Mar 14, 2013 6:28 pm

ப்படி யோசித்தாலும் என்னால் இதுபோல எழுத முடியாது.அப்படி எழுத வேண்டும் என்பதை நினைப்பதே தவறாகிலும் அது என் ஆசை.பின் என் இலக்கண ஆசைக்கு முட்டுக்கட்டை போட்டது தமிழ் இலக்கியம்.

எழுதுங்க ஜேன் அதில் என்ன்ன தவறு மகிழ்ச்சி