காவலுக்கு' உதவும் கட்டை விரல் ரேகை!

by தாமு Tue Oct 20, 2009 9:18 am

காவலுக்கு' உதவும் கட்டை விரல் ரேகை!
உலகில் தோன்றும் ஒவ்வொரு மனிதனுடைய கையின் கட்டை விரல் ரேகையின் அமைப்பை போன்று, மற்றொருவரின் கட்டை விரல் ரேகை அமைப்பு இருப்பதில்லை.

பாலியல் இனப்பெருக்க வழிமுறைதான் இதற்குக் காரணம் என கடந்த வாரம் விளக்கப்பட்டது. இப்படிப்பட்டதொரு ரேகை அமைப்பு இருப்பதால்தான், தடயவியல் விஞ்ஞானிகள் ரேகை அமைப்பின் அடிப்படையில் ஒரு குற்றவாளியை எளிதில் அடையாளம் கண்டு கொள்ள முடிகிறது.

இதனால்தான் கட்டை விரல் ரேகையை முழுமையாக குற்றவியல் ஆராய்ச்சியாக நம்பிக்கையுடன் ஏற்றுக் கொள்கின்றனர்.

இந்த பாலியல் இனப்பெருக்கத்தில் சில விதிவிலக்கும் உண்டு. அந்த விதிவிலக்கு என்பது, இரட்டைக் குழந்தை பிறப்பு. இந்த இரட்டை குழந்தை பிறப்பில் இரண்டும் ஆண், இரண்டும் பெண் அல்லது ஒரு ஆண் குழந்தை, ஒரு பெண் குழந்தை என்ற முறையில்தான் பிறக்கும்.

அப்படி பிறக்கும் வழி முறையிலும் இரண்டு விதமான இயற்கை கருவுறுதல் முறை உண்டு. சில சமயங்களில் பெண்களுக்கு ஒரு இரண்டு முதிர்ந்த அண்டசெல் உருவாகி, அந்த இரண்டு அண்ட செல்லிலும் இரண்டு ஆண் இனப்பெருக்க செல்லான விந்து சென்று இணைந்து கருத்தரித்து, இணைந்த அந்த கரு, கர்ப்பப் பையில் தங்கும் போது தனித்தனியாக வளர்ச்சி பெறுகிறது.

இந்த வகையில் உருவாகும் இரண்டு குழந்தைகளும் சாயலில் வேண்டுமானால் ஒற்றுமையாக இருக்கலாம். ஆனால், மரபணுவிலும் (ஜீன்) மற்றும் கை கட்டை விரல் ரேகையிலும் வேறுபாடு இருக்கும். இதை "ஜீன்' அமைப்பில் வேறுபட்ட இரட்டைக் குழந்தை என கருவியல் விஞ்ஞானிகள் குறிப்பிடுகின்றனர். இப்படி இயற்கை முறையில் இரட்டை குழந்தை பிறப்பது அரிது!