அயிரை மீனுக்கு முன்பதிவு கிலோ ரூ.800க்கு எகிறியது

by DERAR BABU Wed Mar 13, 2013 5:23 pm

தேனி: மீன்வகைகளில் அரிதான அயிரை மீனின் விலை, கிலோ, 800 ரூபாய்க்கு எகிறிய நிலையில், முன்பதிவு செய்தவர்களுக்கு மட்டுமே கிடைப்பதால், மீன் பிரியர்கள் ஏமாற்றம் அடைந்துள்ளனர்.

அயிரை மீன்களை வாய்க்கால் மற்றும் வயல்களிலும், கண்மாய்கள், நீரோடைகளில் மட்டுமே காண முடியும். நெல் அறுவடைக்கு முந்தைய இரண்டு மாதங்களில் மட்டும் இவை இருக்கும். அந்த மாதங்களில் மட்டுமே, அயிரை மீன் விற்பனைக்கும் வரும். குறைவான வரத்தின் காரணமாக, அயிரை மீனுக்கு எப்போதும் கிராக்கி இருக்கும். ஒவ்வொரு ஆண்டும் அறுவடைக்கு முந்தைய மாதங்களான பிப்ரவரி, மார்ச் மற்றும் ஆகஸ்ட், செப்டம்பரில் நெற்பயிரில் பூச்சி தாக்குதலுக்காக, களைக்கொல்லி பயன்படுத்துவது வழக்கம். இதனால் இந்த மீன்கள், பாதிக்கும் மேல் இறந்து விடும். மீதம் உள்ள மீன்கள் பிடிக்கப்பட்டு, விற்பனைக்கு வரும். தேனி மாவட்டத்தில், கம்பம் பள்ளத்தாக்கு முழுவதும், தினந்தோறும், 400 முதல் 600 கிலோ வரை மட்டுமே கிடைக்கும். இரண்டு ஆண்டுகளாக, மாவட்டத்தில் மழை இல்லை. இதனால் நெல் விளைவதற்கே தண்ணீர் இல்லை. இதனால், ஏழு ஆண்டுகளுக்கு பின், தற்போது அயிரை மீன் தட்டுப்பாடு ஏற்பட்டுள்ளது.

தற்போதைய நிலையில், தேனி மாவட்டத்தில் மார்க்கையன்கோட்டை பெரியாற்று பகுதியிலும், வீரபாண்டி பெரியாற்று பகுதியிலும் மட்டும், தேங்கி கிடக்கும் நீரில் அயிரை மீன்கள் கிடைக்கிறது. ஓரிரு கண்மாய்களில் தேங்கி கிடக்கும், குறைவான நீரிலும், போடியில் கொட்டகுடி மலையடிவார ஆற்றுப்பகுதியில் சிறிதளவும் கிடைக்கிறது. எல்லா இடங்களிலும் சேர்த்து, ஒரு நாளைக்கு 5 கிலோ மீன் கிடைப்பதே அரிதாக உள்ளது. இதனால் விலை, கிலோ, 800 ரூபாய் வரை உயர்ந்துள்ளது. இந்த விலைக்கும் முன்பதிவு செய்தவர்களுக்கு மட்டுமே கிடைக்கிறது. இதனால் அயிரை மீன் பிரியர்கள், ஏக்கத்தில் உள்ளனர்.........

தினமலர்

by **ஜாஹீதாபானு** Wed Mar 13, 2013 5:24 pm

சே... இந்த மீன் சாப்பிட்டு எவ்ளோ நாள் ஆகுது ஜொள்ளு

by chinnavan Wed Mar 13, 2013 5:26 pm

by **ஜாஹீதாபானு** Wed Mar 13, 2013 5:27 pm

chinnavan wrote:

by **உமா** Wed Mar 13, 2013 5:28 pm

ஜாஹீதாபானு wrote:சே... இந்த மீன் சாப்பிட்டு எவ்ளோ நாள் ஆகுது

ஆமாம் அக்கா....நல்லா இருக்கும்.

by chinnavan Wed Mar 13, 2013 5:32 pm

ஜாஹீதாபானு wrote:
chinnavan wrote:

விளையாட்டுக்கு பிடிப்போம் அக்கா எங்க ஊரில் இதன் விலையை பாருங்கள், வஞ்சிரம் மீன் விலை கிலோ 600 தான்

by **ஜாஹீதாபானு** Wed Mar 13, 2013 5:38 pm

chinnavan wrote:
ஜாஹீதாபானு wrote:
chinnavan wrote:

விளையாட்டுக்கு பிடிப்போம் அக்கா எங்க ஊரில் இதன் விலையை பாருங்கள், வஞ்சிரம் மீன் விலை கிலோ 600 தான்

ஊரணி வற்றியதும் அந்த சேற்றில் இறங்கி நானும் பிடிச்சிருக்கேன் ....எல்லா விலைவாசியும் ஏறி போச்சே ....