கல்லூரி மாணவர்கள் போராட்டம் - செய்தித் தொகுப்புகள்

First topic message reminder :

விஸ்வரூபம் எடுக்கும் கல்லூரி மாணவர்கள் போராட்டம் - போலீஸார் அதிர்ச்சி


திருச்சி: இலங்கை தமிழர் பிரச்னை தொடர்பாக தமிழகம் முழுவதும் பல்வேறு மாவட்டங்களில் சட்டக்கல்லூரி, கலைக் கல்லூரி மாணவர்கள் தொடர் போராட்டம் நடத்தி வருகின்றனர். போராட்டம் விஸ்வரூபம் எடுத்து வருவதால் போலீஸார் அதிர்ச்சி அடைந்துள்ளனராம்.

இலங்கையில் நடந்த இனப்படுகொலையை குறித்து சர்வதேச விசாரணைக்கு உத்தரவிட வேண்டும், இலங்கை அதிபர் ராஜபக்ஷேயை சர்வதேச போர்க்குற்றவாளியாக அறிவிக்க கோரியும் , கடந்த வாரம் சென்னை லயோலா கல்லூரி மாணவர்கள் கோயம்பேடு பஸ்நிலையம் அருகே உண்ணாவிரதம் இருந்தனர். அவர்களை நள்ளிரவில் போலீசார் அகற்றி மருத்துவமனையில் சேர்த்தனர்.

இந்தப் போராட்டம் தமிழகம் முழுவதும் தற்போது எதிரொலிக்க ஆரம்பித்துள்ளது. பல்வேறு மாவட்டங்களில் மாணவர்கள் போராட்டம் நடத்தி வருகின்றனர். சென்னை, நெல்லை, திருச்சி ஆகிய மாவட்டங்களில் சட்டகல்லூரி மாணவர்கள் உண்ணாவிரதப் போராட்டத்தினை துவக்கியுள்ளனர்.

மேலும், கலை மற்றும் அறிவியல் கல்லூரி மாணவ,மாணவிகளும் போராட்டத்தில் குதித்துள்ளனர். அவர்களின் போராட்டம் இன்றும் தொடர்கிறது.

இன்று சிவகங்கை மாவட்டம் காரைக்குடி அழகப்பா பல்‌கலை. பாலிடெக்னிக், கலைக் கல்லூரி மாணவர்கள் சுமார் 3 ஆயிரம் பேர் இலங்கை அரசை கண்டித்தும், அதிபர் ராஜபக்சே உருவ பொம்மையை எரித்தும் போராட்டம் நடத்தி வருகின்றனர்.

அதே போன்று நாகை மாவட்டம் சீர்காழி அருகே பூம்புகார் கல்லூரி மாணவர்கள் 1000 பேர் வகுப்புக்களை புறக்கணித்து விட்டு போராட்டம் நடத்தினர். இந்த போராட்டத்தின் போது, இலங்கை அதிபர் ராஜபக்சேவை போர்க்குற்றவாளியாக அறிவிக்க கோரியும், சர்வதேச நீதிமன்றத்தில் விசாரணை நடத்திட கோரியும் கோஷம் எழுப்பினர்.

சிதம்பரம் அண்ணாமலை பல்க‌‌லைக்கழக மாணவர்கள் இன்றும் உண்ணாவிரதம் இருந்து வருகின்றனர். இதனால் பல்கலைக்கழகத்திற்கு காலவரையற்ற விடுமுறை அளிக்கப்பட்டுள்ளது.

சென்னையில் வருமானவரி அலுவலகத்தை முற்றுகையிட முயன்றதாக 100 க்கும் மேற்பட்ட மாணவர்கள் கைது செய்யப்பட்டுள்னர்.

புதுச்சேரியில் சட்டக்கல்லூரி மாணவர்கள், தஞ்சையில் கல்லூரி மாணவர்கள் 5 ஆயிரம் பேர், வேலூர் குடியாத்தம் அரசு கல்லூரி மாணவர்கள், புதுக்கோட்டை அரசு மன்னர் கல்லூரி மாணவர்கள், நாமக்கல் அறிஞர் அண்ணாத்துரை அரசு கல்லூரி மாணவர்கள், திருவண்ணாமலை அரசு கல்லூரி மாணவர்கள், திருவாரூர் திரு.வி.க. கல்லூரி மாணவர்கள் என பல்வேறு மாவட்டங்களில் மாணவர்கள் ‌தொடர் போராட்டமும், உண்ணாவிரதப் போராட்டங்களும் நடத்தி வருகின்றனர்.

மாணவர்கள் பிரச்சனை தமிழகம் முழுவதும் வில்வரூபம் எடுத்துள்ளால், சட்டம் ஒழுங்கு நிலை குறித்து உளவுத்துறை போலீஸார் ஆலோசனை நடத்தியுள்ளனர்.

மாணவர்கள் மீது தாக்குல் நடத்தினாலோ, கட்டாயப்படுத்தி விலக்கினாலோ அது தேர்தல் நேரத்தில் ஆளும் கட்சிக்கு பெரும் பாதிப்பை ஏற்படுத்தும் என போலீஸார் போரட்டத்தை அடக்கமுடியாமல் தவித்து வருகின்றனர்.

தமிழ் ஈழ போராட்டத்தில் மதுரை மாணவர்கள் !

கன்னியாகுமரி மாவட்டத்தில் அகஸ்தீஸ்வரம் கலைக் கல்லூரி மாணவர்கள் போராட்டத்தில்...

கோரிக்கைகள் :

1. அமெரிக்கா கொண்டுவரும் தீர்மானத்தை வன்மையாக கண்டிக்கிறோம். ஐ.நா. சபையில் அமெரிக்க தீர்மானத்தை நிறைவேற்றாதே
2. இலங்கையில் நடைபெற்றது வெறும்போர்குற்றமோ மனித உரிமைமீறலோமட்டுமல்ல அதுதிட்டமிடப்பட்ட இனப்படுகொலை.
3. சர்வதேசவிசாரணையும் பொதுவாக்கெடுப்புமே தமிழ்மக்களுக்கான ஒரேதீர்வு. சர்வதேசவிசாரணையும் தனித்தமிழ் ஈழ பொதுவாக்கெடுப்பும் நடத்துவதற்கான தீர்மானத்தை இந்திய அரசுமுன்மொழிந்து கொண்டுவரவேண்டும்
4. சிங்களஇனவெறிஅரசின்துணைத்தூதரகத்தை தமிழ் மண்ணில் இருந்து வெளியேற்ற தீா்மானம் கொண்டுவரவேண்டும். மேலும் இந்திய அரசு இலங்கை உடனான அனைத்து அரசாங்க உறவுகளையும் துண்டிக்கவேண்டும்.
5. தமிழக அரசின் கோரிக்கையை ஏற்று இலங்கை அரசின் மீது இந்திய அரசு பொருளாதாரத் தடை விதிக்க வேண்டும்
6. உலகத்தமிழா்களின் பாதுகாப்பை உறுதிச்செய்ய தமிழ்நாடு அரசு சார்பாக வெளியுறவுத் துறையை உருவாக்க வேண்டும்.
7. ஆசியநாடுகள் எதுவும் சா்வதேச விசாரணைக்குழுவில் இடம்பெறக்கூடாது.
8. தமிழக மீனவர்கள் சுட்டுக்கொல்லப்படுவதை உடனடியாக தடுத்து நிறுத்த வேண்டும்.
9. ஈழத் தமிழா் பிரச்சனைக்கு இந்திய அரசு தீர்வு காணாவிட்டால் தமிழகத்திலிருந்து எந்த வரியையும் செலுத்தமாட்டோம்.

-தமிழீழ விடுதலைக்கான மாணவர் கூட்டமைப்பு-

போதும் இனி பொறுப்பதற்கில்லை!

நம்பவைத்து நம்பவைத்து கழுத்தறுத்த
அரசியல்வாதிகளை தூக்கி எறியுங்கள்!

விருத்தாசலம் கொளஞ்சியப்பர் அரசு கலைகல்லூரி மாணவர்கள் 20 பேர் 2வது நாளாக தொடர்ந்து உண்ணா நிலை அற போராட்டத்தில் ஈடுபட்டு வருகின்றனர். இவர்களின் போராட்டத்திற்கு ஆதரவாக மேலும் பல மாணவர்கள் கல்லூரியின் முதல்வரிடத்தில் அனுமதி கோரி சென்று உள்ளனர் , அதற்கு அக்கல்லூரியின் முதல்வர் அனுமதி மறுத்தது மட்டுமின்றி அவர்களது போராட்டத்தை கொச்சை படுத்தும் விதமாக பனியன் ஜட்டியோடு வந்து அனுமதி கேளுங்கள் தருகிறேன் என்று ஏகத்தாளமாக பதில் கூறியிருக்கிறார் , ( இவர் ஒரு தெலுங்கர் ),மேலும் போராடும் மாணவர்களின் மதிப்பெண்களை குறைப்பேன் , மடிக்கணினி தரமாட்டேன் , டீசீ யை கிழித்து விடுவேன் என்றும் பயமுறுத்தி போராட்டத்தை கைவிடுமாறு வற்புறுத்தி வருகிறார் , இவருக்கு கடுமையான எதிர்ப்பை தெரிவியுங்கள் தோழர்களே , வெளிநாடு வாழ் தமிழர்களின் ஆதரவு மிக முக்கியம் , உங்களது பங்களிப்பை இவ்வாறு காட்டலாம் .

கல்லூரி முதல்வர் கோவிந்தன் :
எண் : 94440 14279

போராடும் மாணவர்களுக்கு வாழ்த்துக்களை தெரிவிக்க :
செல்வமணி : 8015107884
சார்லஸ் : 9698969277

மாணவர் புரட்சி வெடிக்கட்டும் தனி தமிழீழம் மலரட்டும் .

திருவண்ணாமலையி்ல் பள்ளி, கல்லூரி மாணவர்கள் சாலைகளில் முழங்கால் போட்டு மனிதச் சங்கிலி போராட்டத்தில் ஈடுபட்டனர்.

சிறப்பான செய்தி தொகுப்புக்கு நன்றி

ஒற்றுமையாக போராடி மாணவர்கள் வெற்றிபெறவேண்டும்

பெற்றோர்களே ஆதரிக்கும் மாணவர் போராட்டங்கள், அரசியல்வாதிகளை அண்டவிடாமல் நடத்துவது பற்றி பொறியியல் கல்லூரி மாணவர் சுரேஷ்குமார் மதுரையிலிருந்து அனுப்பிய தகவல்.

அரசியல்வாதிகள் மீது எங்களுக்கு நம்பிக்கையில்லை,

நாங்களே சொந்தமாக ஆளூக்கு 100 ரூபாய் பணம் கலெக்ஷன் செய்து ஷாமியானா பந்தல் போடுகிறோம், பேனர் அடிக்கிறோம். எங்களுடைய போராட்டங்களில் பொதுமக்கள் கலந்து கொள்கிறார்கள்.

எந்த கட்சியும் எங்கள் போராட்டங்களை எடுத்துக்கொள்ள நாங்கள் விரும்பவில்லை.

அரசியல்வாதிகள் போராட்டத்திற்கு ஆதரவு தர வருகிறார்கள், கார்களில் வந்து எங்களிடம் பேசிகிறார்கள். நாங்கள் அவர்களை கூட்டத்தில் பேச அனுமதிப்பதில்லை.

உதவி வேண்டும் என்றால் கேளுங்கள் என்கிறார்கள். எங்களுக்கு உங்கள் உதவி வேண்டும் போது சொல்கிறோம் என்று மறுத்துவிடுகிறோம். ஷாமியானா பந்தல் போட பணம் வேண்டுமா என்றார்கள். தேவை இல்லை என்று சொல்லிவிட்டோம்.

மாணவர்கள் தவிர‌ வேறு யாரையும் மைக்கில் பேச அனுமதிப்பதில்லை, தெரியாதவர்கள் யாரையும் மைக்கில் பேச அனுமதிப்பதில்லை.

தெரியாதவர்கள் வந்து நாங்களும் மாணவர்கள் என்றால் அவர்களிடம் ஐடி கார்டு காண்பிக்க சொல்கிறோம், போராட்டம் நடத்த அனுமதி வாங்கி தருவதில் உதவி செய்வது எங்கள் பெற்றோர்கள்.

காவல்துறையினரும் எங்களுக்கு பாதுகாப்பாகவே உள்ளனர்.

எங்கள் போராட்டங்களை நாங்கள் நடத்திக் கொள்கிறோம். தயவு செய்து அரசியல்வாதிகள் எதுவும் குழப்பாதீர்கள்.