சோலார் கிராமமான "சிற்றருவிப்பட்டி'

mbalasaravanan · mbalasaravanan Sat Mar 23, 2013 2:24 pm

மதுரை: மதுரை மாவட்டம் கொட்டாம்பட்டி ஒன்றியம் வெள்ளிமலைப்பட்டி ரோடு வரை பஸ் செல்லும். பிறகு மூன்று கி.மீ., தூரம் குண்டும் குழியுமான சாலையை கடக்க வேண்டும். விவசாயத்தைத் தவிர வேறு எதையும் அறியாத மக்கள். நெல், கரும்பு, வாழை, துவரை விளைகிறது. ஊருக்குள் சென்றால் ஆங்காங்கு சிறு குடிசைகள்...இதுதான் சிற்றருவிப்பட்டி.

21ம் நூற்றாண்டிலும் இரவில் நிலவொளியை மட்டும் நம்பி வாழ்கின்றனர். அமாவாசை இரவில் அதுவும் இருக்காது. நபார்டு வங்கியின் நீர்வடித் திட்டத்தின் கீழ், மலையில் இருந்து வீணாகும் தண்ணீரை ஆங்காங்கு தேக்கி வைக்க, தேர்வான இக்கிராமம், தற்போது சோலார் கிராமமாகியுள்ளது. மொத்தம் 25 குடும்பங்கள், 16 வீடுகளில் வசிக்கின்றனர். இவர்களுக்கு சோலாரின் பயனை விளக்க நான்கு மாதங்கள் ஆகின. வங்கி உதவிப் பொதுமேலாளர் சங்கர் நாராயணனின் முயற்சியால், இங்குள்ள எட்டு வீடுகளில் இரவில் வீட்டுக்குள் வெளிச்சத்தை பார்க்கின்றனர். நபார்டு வங்கி மூலம் மத்திய அரசின் நேரு "சோலார் மிஷன்' மானியம் 40 சதவீதம் தரப்படுகிறது.

வெளிச்சத்தைக் கண்டு வியக்கும் மக்களின் வெள்ளந்தியான வார்த்தைகள் இதோ...

அய்யாவு: ஒரு வீட்டுக்கு "சோலார் லைட்' அமைக்க 28 ஆயிரம், வங்கிக் கணக்கு துவங்க, மற்ற செலவு சேர்த்து 30ஆயிரம் ரூபாய். எங்களிடம் 10 சதவீத பங்களிப்பு கேட்டாங்க. 40 சதவீதம் நபார்டு மானியம். மீதி 50 சதவீதத் தொகையை, அ.வல்லாளப்பட்டி இந்தியன் ஓவர்சீஸ் வங்கி கடனா தந்துச்சு. தினமும் விளக்குக்கு பத்து ரூபா செலவு பண்ணோம். அந்தக் காசை சேர்த்து வச்சு, மாதம் 350 ரூபாய் கடன் அடைக்கிறோம்.

மீனாட்சி: என் மகனுக்கு 15 வயசாச்சு. நடக்க மாட்டான். அவன வச்சுகிட்டு ராத்திரி ரொம்ப கஷ்டப்பட்டேன். இருட்டுல என்ன இருக்குனே தெரியாது. வெளியில் நாலு கட்டைய வச்சு எரிச்சு, சோறாக்குவோம். அந்த வெளிச்சத்துல கொஞ்ச நேரம் உட்கார்ந்துருப்போம். விளக்குக்கு மண்ணெண்ணெய் ஊத்தி கட்டுப்படியாகாது. இப்பத்தான் நிம்மதியா மூச்சுவிடுறோம். சோலார் கருவி மூலமா, வீட்ல ரெண்டு "லைட்', வாசல்ல ஒரு "லைட்', ஒரு "பேன்' சுத்துது. ரொம்ப மழை, புயலடிச்சா... வெயில் குறைஞ்சுரும். அந்தநேரம் ஒரு "லைட்' மட்டும் போட்டுக்குவோம்.

ராஜலட்சுமி (எட்டாம் வகுப்பு): மேலூர் ஸ்கூல்ல தங்கி படிக்கிறேன். லீவு நாள்ல வீட்டுக்கு வந்தா... "லைட்டே' இருக்காது. "சோலார் லைட்' போட்டதுக்குப்புறம் என் நண்பர்களிடம், "ஐ... எங்க வீட்லயும் "லைட்' வந்துருச்சு'னு பெருமையா சொன்னேன். "ஷெல்கோ' சோலார் நிறுவனம் இதற்கான ஏற்பாடுகளை செய்தது. மீத எட்டு வீடுகளுக்கும் விரைவில் "சோலார்' மூலம் வெளிச்சம் கிடைக்க போகிறது. மதுரையில் "சோலார் கிராமம்' என்ற பெருமை, சிற்றருவிப்பட்டிக்கு கிடைத்துள்ளது.
நன்றி:தினமலர்

யினியவன் · யினியவன் Sat Mar 23, 2013 2:32 pm

அரசு தரும்ன்னு காத்திருந்தா இருண்டு போகும்ன்னு தெரிந்து
விழித்தெழுந்த கிராம மக்களுக்கு வாழ்த்துகள்.

**Muthumohamed** · **Muthumohamed** Sat Mar 23, 2013 2:55 pm

தன கையே தனக்கு உதவி என்பதை உணர்ந்த மக்கள் வாழ்க

**ராஜா** · **ராஜா** Sat Mar 23, 2013 3:00 pm

அரசை நம்பி இருக்காமல் சொந்த முயற்சியில் வெற்றிகண்ட சிற்றருவிப்பட்டி கிராம மக்களை மற்றவர்களும் முன்னுதாரணமாக கொள்ள வேண்டும்

**Dr.S.Soundarapandian** · **Dr.S.Soundarapandian** Sat Mar 23, 2013 10:46 pm

எம். பாலசரவணனின் இடுகை சரியான நேரத்தில் வந்துள்ளது ! மக்களின் கருத்து இதுவே ! ஏன் சூரிய மின்சாரம் வரவில்லை என்று மக்கள் கேட்கிறார்கள்- இல்லை இல்லை கொதிக்கிறார்கள் !
-முனைவர் சு.சௌந்தரபாண்டியன்
எம்.ஏ.(தமிழ்),எம்.ஏ(ஆங்கிலம்),பி.எட்.,டிப்.(வடமொழி),பி.எச்டி
சென்னை-33

Sponsored content · Sponsored content

சோலார் கிராமமான "சிற்றருவிப்பட்டி'

சோலார் கிராமமான "சிற்றருவிப்பட்டி'

Re: சோலார் கிராமமான "சிற்றருவிப்பட்டி'

Re: சோலார் கிராமமான "சிற்றருவிப்பட்டி'

Re: சோலார் கிராமமான "சிற்றருவிப்பட்டி'

Re: சோலார் கிராமமான "சிற்றருவிப்பட்டி'

Re: சோலார் கிராமமான "சிற்றருவிப்பட்டி'

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக