உலகில் முதன்முறையாக பனி நெருப்பு எரிபொருள் ஜப்பானில் கண்டுபிடிப்பு..........

உலகில் முதன் முறையாக பனி நெருப்பு (fire ice) என்றழைக்கப்படும் மெதேன் ஹைட்ரேட்டால் (methane hydrate) ஆன சுவட்டு எரிபொருள் கண்டுபிடிக்கப்பட்டுள்ளது.
ஜப்பானுக்கு அருகிலுள்ள கடல் படுக்கையில் பெருமளவில் இவ்வாறான பனி நெருப்பு இருப்பது தெரியவந்துள்ளது.

இதைப் பனி நெருப்பு என இவர்கள் அழைக்கக் காரணம் இந்த சுவட்டு எரிபொருள் கற்பூரம் போல் இலகுவில் தீப்பற்றுவதாலும் இதனால் இறுக்கமாக பிணைக்கப் பட்டுள்ள மெதேன் எரிந்த பின் குறித்த பதார்த்தத்தைச் சுற்றிக் காணப்படும் நீர் மூலக்கூறுகள் மட்டும் மிஞ்சுவதாலும் ஆகும்.

மேலும் இப்பதார்த்தம் எரியும் போது வெளிர் நிறத்தில் சுடர் காணப்படும். இந்த சுவட்டு எரிபொருள் ஜப்பானுக்கு அருகில் கடல் மட்டத்தில் இருந்து 1 Km ஆழத்தில் பெருமளவு இருப்பது சமீபத்தில் கண்டு பிடிக்கப் பட்டுள்ளது. இதன் மூலம் ஜப்பானின் எரிபொருள் தேவையைப் பல வருடங்களுக்குப் பூர்த்தி செய்யலாம் எனக் கூறப்படுகின்றது.
இவ்விடயம் குறித்து ஜப்பானின் வர்த்தக மற்றும் தொழில்துறை அமைச்சுக் கூறுகையில், ஜப்பானின் எண்ணெய், எரிவாயு மற்றும் மெட்டல் தேசிய சங்கத்தால் வழிநடத்தப் படும் நிறுவனங்களின் கூட்டமைப்பு கடந்த வருடம் பெப்ரவரி தொடக்கம் இந்த எரிபொருளைச் சேகரிப்பதற்கான ஆரம்ப வேலைகளைத் தொடங்கி விட்டதாகவும் நேற்று செவ்வாய்க்கிழமை முதல் அவ்வளத்தை எப்படிப் பயன்படுத்துவது என்ற ஆய்வை இரு வாரங்களுக்கு மேற்கொள்ளவுள்ளதாகவும் தெரிவித்துள்ளது.


மெதேன் ஹைட்ரேட் இலிருந்து எரிவாயு பெறும் தொழில்துறை நுட்பத்தைப் பயன்படுத்தும் முதலாவது நாடு ஜப்பான் என ஜப்பானிய அரசு பெருமையுடன் தெரிவித்துள்ளது. இதேவேளை மேற்கு ஜப்பானில் உள்ள ஷிகோக்கு தீவை அண்மித்த கடலோர படுக்கைகளில் அமைந்துள்ள மிகப் பெரிய அடுக்கு ஒன்றில் 1.1 ட்ரில்லியன் கியூபிக் மீட்டர கொள்ளளவுடைய மெதேன் ஹைட்ரேட் படிமங்களில் இருந்து பிரித்தெடுக்கப் படும் எரிவாயு மூலம் ஜப்பான் முழுதும் 11 வருடங்களுக்கு எரிபொருள் தேவையை நிறைவு செய்யலாம் எனக் கணிக்கப்பட்டுள்ளது.

2011 சுனாமி தாக்கி ஃபுக்குஷிமா அணுவுலையில் கசிவு ஏற்பட்டதை அடுத்து ஜப்பானில் சில அணுவுலைகள் மூடப்பட்டன. இதனால் தனது சக்தித் தேவைக்கு ஜப்பான் சில மாற்று வழிகளைக் கையாள வேண்டிய தேவையில் உள்ளமை குறிப்பிடத்தக்கது.

தமிழ்meediyaa

avarkalukku maatru thittam irukkirathu nammakku