ஆளும் பா. ஜ. க. தோல்வி: காங்கிரஸ் மாபெரும் வெற்றி

கர்நாடகத்தில் 7 மாநகராட்சிகளுக்கு நடந்த உள்ளாட்சித் தேர்தலில் ஆளும் பா. ஜ. க. மாபெரும் தோல்வியை சந்தித் துள்ளது. காங்கிரசுக்கு பெரும் வெற்றி கிடைத்துள்ளது. மைசூர், மங்களூர், தாவணகெரே, பெல்காம், ஹ¥ப்ளி தார்வாட், பெல்லாரி, குல்பாகா ஆகிய மாநகராட்சிகளுக்கு நடந்த தேர்தலின் வாக்கு எண்ணிக்கை திங்கள் நடந்தது. பா. ஜ. க.வுக்கு ஒரே ஒரு இடம் இதில், ஹ¥ப்ளி தார்வாட் தவிர மற்ற 6 இடங் களிலும் பா. ஜ. க. மண்ணைக் கவ்வி யுள்ளது. தாவணகெரே மாநகராட்சியில் மொத்தமுள்ள 41 இடங்களில் காங்கிரஸ் 36 இடங்களை வென்றுள்ளது. பா. ஜ. க.வுக்கு ஒரே ஒரு இடமே கிடைத்துள்ளது.

பெல்லாரியில் பா. ஜ. கவுக்கு சாவு மணி பெல்லாரியில் மொத்தமுள்ள 35 இடங்களில் 26 இடங்களை காங்கிரஸ் கைப்பற்றியுள்ளது. இங்கு ஒரு இடத்தைக் கூட பா. ஜ. க. வெல்லவில்லை என்பது குறிப்பிடத்தக்கது. கடந்த சட்டமன்றத் தேர்தலில் பா. ஜ. கவுடன் இருந்து அந்தக் கட்சி வெற்றி பெற உதவிய ரெட்டி சகோதரர்களின் ஏரியாவான இங்கு, பா. ஜ. கவுக்கு இப்போது இதுவரை இல்லாத அளவுக்கு பின்னடைவு ஏற்பட்டுள்ளது குறிப்பிடத்தக்கது. இங்கு ரெட்டி சகோதரர்களுடன் கட்சியிலிருந்து பிரிந்து சென்ற ஸ்ரீராமுலு உருவாக்கிய தனிக் கட்சியும் மண்ணைக் கவ்வியுள்து. அதே நேரத்தில் மாஜி முதல்வர் எடியூரப்பாவின் கர்நாடக ஜனதா தளம் 7 இடங்களைப் பிடித்துள்ளது. மொத்தத்தில் பெல்லாரியில் பா. ஜ. கவுக்கு சாவு மணி அடிக்கப்பட்டுள்ளது. மைசூரில் பா. ஜ. கவை பின் தள்ளிய கெளடா மைசூரில் மொத்தமுள்ள 65 இடங்களில் காங்கிரஸ் 22 இடங்களிலும், தேவகெளடா வின் மத சார்பற்ற ஜனதா தளம் 20 இடங்களிலும் வென்றுள்ளன. பா. ஜ. க. வெறும் 12 இடங்களை மட்டுமே பிடித்துள்ளது.

பா. ஜ. கவிலிருந்து பிரிந்து சென்று அந்தக் கட்சிக்கு துரோகமிழைத்த எடியூரப்பாவின் கர்நாடக ஜனதா தளம் இங்கு ஒரே ஒரு இடத்தில் வென்றுள்ளது.

கர்நாடகத்தில் பா. ஜ. க. முதன் முதலில் காலூன்றிய இடமான மங்களூரில் அந்தக் கட்சி பெரும் தோல்வி அடைந் துள்ளது. கர்நாடகத்தில் பா. ஜ. க. ஆட்சிக்கு வரும் முன்பே தொடர் வெற்றிகளைப் பெற்ற பகுதி இது. இங்கு நடந்த மாநகராட்சித் தேர்தலில் மொத்தமுள்ள 60 இடங்களில் வெறும் 20 இடங்களையே அந்தக் கட்சி பிடித்துள்ளது.

காங்கிரஸ் 35 இடங்களிலும் மதசார்பற்ற ஜனதா தளம் 2 இடங்களிலும் வென்றுள்ளன. எடியூரப்பாவின் லிங்காயத்து சமுகத்தினர் அதிகம் வசிக்கும் இந்தப் பகுதியில் அவருக்கு தோல்வி தான் கிடைத்துள்ளது. பெல்காமில் பா. ஜ. க. - காங்கிரஸ¤க்கு தோல்வி: மகாராஷ்டிராவை ஒட்டிய பெல்காம் மாநகராட்சியில் பா. ஜ. க., காங்கிரஸ், கெளடாவின் கட்சிகளுக்கு ஒரு இடம் கூட கிடைக்கவில்லை. அங்கு மகாராஷ்டிர ஏகிகிரண சமிதி கட்சியைச் சேர்ந்தவர்கள் 34 இடங்களில் வென்றுள்ளனர். மற்ற இடங்கள் அனைத்துமே சுயேச்சைகளால் கைப்பற்றப்பட்டுள்ளன. ஹ¥ப்ளி - தார்வாடில் மட்டும் பா. ஜ. க. ஆறுதல் வெற்றி ஹ¥ப்ளி-தார்வாட் மாநகராட்சியில் மொத்தமுள்ள 67 இடங்களில் முடிவு தெரிந்த 65 இடங்களில் பா. ஜ. க 31 இடங்களிலும், காங்கிரஸ் 22 இடங்களிலும், ஜனதா தளம் 9 இடங்களிலும் வென்றுள்ளன.

குல்பாகாவிலும் காங்கிரஸ் அதேபோல் 55 இடங்கள் கொண்ட குலுபாகாவில் காங்கிரஸ் 23 இடங்களிலும் ஜனதா தளம் 10 இடங்களிலும் வென்றுள்ளன. பா. ஜ. க. வெறும் 7 இடங்களில் தான் வென்றுள்ளது. 318ல் 164 காங். வசம். இந்த மாநகராட்சிகளில் மொத்த முள்ள 318 இடங்களில் முடிவுகள் அறிவிக்கப்பட்ட 379 இடங்களில் காங்கிரஸ் 164 இடங்களைப் பிடித்துள்ளது.

ஆளும் கட்சியான பா. ஜ. க. 71 இடங்களிலும் மத சார்பற்ற ஜனதா தளம் 42 இடங்களையும் பிடித்துள்ளன. பெரிதும் எதிர்பார்க்கப்பட்ட எடியூரப்பாவின் கட்சி வெறும் 9 இடங்களைப் பிடித்துள்ளது. தென்னகத்தில் கர்நாடகத்தில் தான் பா. ஜ. க. முதன் முதலாக ஆட்சியைப் பிடித்தது. ஆனால், முதல்வர் பதவிக்கு நடந்த சண்டை, 3 முதல்வர்கள் மாற்றப்பட்டது. அமைச்சர்கள் பதவிக்கு நடந்த சண்டை, பல அமைச்சர்கள் நீக்கப்பட்டது. கட்சித் தலைவர் பதவிக்கு நடந்த சண்டை பல தலைவர்கள் மாற்றப்பட்டது, மாபெரும் ஊழல்கள், முதல்வர்கள் அமைச்சர்களின் நில ஆக்கிரமிப்புகள் பல அமைச்சர்கள் மீதான பாலியல் புகார்கள் என மாநிலத்தில் பா. ஜ. கவின் பெயர் நாறிவிட்டது. இந் நிலையில் தான் அடுத்த இரண்டு மாதங்களில் நடக்கவுள்ள சட்டமன்றத் தேர்தலுக்கு முன்னோட்டமாக இந்த உள்ளாட்சித் தேர்தல் நடந்தது. இதில் பா. ஜ. க. மாபெரும் தோல்வியை சந்தித்துள்ளது. காங்கிரசுக்கு லாட்டரி அடித்துள்ளது. அதேபோல 43 நகராட்சிகள், 63 பேரூராட்சிகள், 92 பஞ்சாயத்துகளுக்கும் நடந்த தேர்தலில் காங்கிரசே முதலிடத்தைப் பிடித்துள்ளது. இரண்டாவது இடத்தை மதசார்பற்ற ஜனதா தளமும், பா. ஜ. க மூன்றாவது இடத்தையும் பிடித்துள்ளன.

முக்கிய செய்தி .காம்

நானும் கொஞ்ச மாதங்கள் கர்நாடகாவில் இருந்துருக்கிறேன் .பாஜகவின் ஆட்சி கொஞ்சமும் பிடிக்கவில்லை .இந்த எடியுரப்பா பாஜக வில் இருக்கும் வரை பாஜக வுக்கு இருண்ட களம் தான்.சதானந்த கவுடா ஆட்சி நன்றாக இருந்தது .