இந்தியா - சீனா போர் மூளும் வாய்ப்புகள் மிக குறைவு

by **சிவா** Tue Mar 12, 2013 5:04 pm

டெல்லியில் உள்ள எ.எஸ்.பி.இ.என் நிறுவனம் சார்பில் பாதுகாப்பு மாநாடு நடைபெற்றது. இதில் தேசிய பாதுகாப்பு ஆலோசகர் சிவசங்கர் மேனன் கலந்து கொண்டார். அப்போது அவரிடம் இந்திய-சீனா போர் மூளும் வாய்ப்புகள் குறித்து கேள்வி எழுப்பப்பட்டது. அதற்கு பதில் அளித்து அவர் கூறியதாவது:

இந்தியா சீனா நாடுகளுக்கிடையே போர் மூள மிக மிக குறைந்த வாய்ப்பே உள்ளது. சுமார் 8 ஆயிரம் ஆண்டுகால ஆட்சிகளைக் கொண்ட நாடுகள் இந்த பிரச்சனைகளை சிறந்த முறையில் கையாளும் என்று நான் நினைக்கிறேன்.

எதிர்பார்ப்புகள் அதிகமாக உள்ள யுகத்தில் நாம் வாழ்ந்து கொண்டு இருக்கிறோம். வானிலையைக் கூட அரசு நிர்ணயிக்க வேண்டும் என்று நாம் விரும்புகிறோம். பாதுகாப்பு என்கிறபோது நமது எதிர்பார்ப்பு மிக அதிகமாக உள்ளது. ஆனால் அவற்றை வழங்க வேண்டிய அரசுகளிடம் திறன் குறைந்து கொண்டே வருகிறது.

இந்த சவாலை எதிர்கொள்ள நாடுகளுக்கிடையே, அரசாங்கங்களுக்கு இடையே, வணிகங்களுக்கிடையே கூட்டு நடவடிக்கைகளை மேற்கொள்வதுதான ஒரே வழியாகும்.

இவ்வாறு அவர் கூறினார்.

மாலைமலர்

by றினா Tue Mar 12, 2013 5:13 pm

நல்லது...

by **ராஜா** Tue Mar 12, 2013 5:50 pm

இந்தியா சீனா நாடுகளுக்கிடையே போர் மூள மிக மிக குறைந்த வாய்ப்பே உள்ளது. சுமார் 8 ஆயிரம் ஆண்டுகால ஆட்சிகளைக் கொண்ட நாடுகள் இந்த பிரச்சனைகளை சிறந்த முறையில் கையாளும் என்று நான் நினைக்கிறேன்.

ஆமாம் ஆமாம் சீன ராணுவம் என்ன விடுதலைபுலிகள் போல சிறிய அமைப்பா என்ன , வாலாட்டினா ஓட்ட நறுக்கிறமாட்டானுங்க பாதுகாப்பு ஆலோசகரே

by mbalasaravanan Tue Mar 12, 2013 6:31 pm

இன்னும் சில வினாடிகள் தான் வில்லில் இருந்து புறப்படும் அம்பு போல் பாய வேண்டும்னு புலிகேசி மாதிரி பேசி அப்புறம் கால்ல விழுந்த்ருவோம் அதுக்கு ஒரு பட்டம் வேற வச்சுக்குவோம்

by **SajeevJino** Tue Mar 12, 2013 8:51 pm

" Nuclear Triad " இந்த சக்தி உள்ள நாடுகள் மோதினால் இருவருக்குமே பெரிய இழப்பு தான் ..மேலும் இது உலக பொருளாதாரத்தை மிக பயங்கரமாக அழித்து விடும் ..அது மட்டும் அல்ல ...இருவருமே அதிக அளவு மக்கள் தொகை உள்ளவர்கள் எனவே போர் மிக நீண்ட காலம் போகும் ...ஆகவே போர் வாய்புகள் குறைவு என்பதை விட இல்லை என்றே சொல்லலாம்

SajeevJino wrote:" Nuclear Triad " இந்த சக்தி உள்ள நாடுகள் மோதினால் இருவருக்குமே பெரிய இழப்பு தான் ..மேலும் இது உலக பொருளாதாரத்தை மிக பயங்கரமாக அழித்து விடும் ..அது மட்டும் அல்ல ...இருவருமே அதிக அளவு மக்கள் தொகை உள்ளவர்கள் எனவே போர் மிக நீண்ட காலம் போகும் ...ஆகவே போர் வாய்புகள் குறைவு என்பதை விட இல்லை என்றே சொல்லலாம்

நானும் கடவுளிடம் வைக்கும் கோரிக்கைகளுள் ஒன்று
எப்போதும் எங்கேயும் போர் நடக்கக் கூடாது என்பது சூப்பருங்க

by பாலாஜி Wed Mar 13, 2013 10:37 am

சீனா நேரடியாக போர் புரியாது ,ஆனா இந்தியாவின் பக்கத்து நாடுகள் மூலம் இந்தியாவுக்கு நெருக்கடி அளித்து வருகிறது.

இது ஒரு வகையில் ஒரு பனிப்போர் .

இந்தியா அதிக அளவில் வளர்ச்சிகளுக்கு பணிகளுக்கு பணத்தை பயன்படுத்த முடியாமல் , இராணுவத்திற்கு செலவிட வேண்டும் என்பதே சீனாவின் நோக்கம் .