முதல்வர் மறுத்த வேடத்தில் சூர்யா

**முத்துராஜ்** · **முத்துராஜ்** Tue Mar 12, 2013 4:20 pm

முதல்வர் ஜெயலலிதா நடிக்க மறுத்த வேடத்தில் சூர்யாவை நடிக்க வைத்துள்ளனர்.

மலையாளத்தில் வெளியான ட்ராஃபிக் படத்தை ராதிகா தமிழில் சென்னையில் ஒருநாள் என்ற பெய‌ரில் ‌ரீமேக் செய்திருக்கிறார். சரத்குமார், சேரன், பிரசன்னா, பார்வதி, இனியா நடித்திருக்கும் இப்படம் மூளைச்சாவு அடைந்த தமிழக இளைஞர் ஹிதேந்திரனின் இதயத்தை வேறொருவருக்கு தானம் செய்த உண்மை நிகழ்வை அடிப்படையாக வைத்து எடுக்கப்பட்டிருக்கிறது.

உடல் உறுப்பு தானத்தை ஊக்கப்படுத்தும் விதமாக முதல்வர் ஜெயலலிதா படத்தின் இறுதியில் பேசினால் நன்றாக இருக்கும் என சரத்குமார் விரும்பினார். ஆனால் படத்தில் தோன்ற முதல்வர் மறுத்துவிட்டார்.

தற்போது அந்த வேடத்தில் சூர்யா நடித்துள்ளார். நடிகர் சூர்யாவாகவே படத்தில் வரும் அவர் உடல்தானத்தைப் பற்றி சொல்லும் விஷயங்கள் கடைசி 15 நிமிடப் படத்தை நகர்த்தி செல்வதாக இருக்கும் என சரத்குமார் தெ‌ரிவித்தார்.

ஒ‌ரி‌ஜினல் படமான ட்ராஃபிக்கில் இப்படியொரு காட்சியோ, நடிகரோ இல்லை. படத்தை எப்படி கூறு போட்டிருக்கிறார்கள் என்பது வரும் 22ஆம் தேதி தெ‌ரிந்துவிடும்.

சினிமா