பாலியல் குறைபாடுகள்

நமது முன்னோர்கள் ஆரோக்கியமாக வாழ்ந்தார்கள் என்பதற்கு சான்றுதான் அந்த காலக்கட்டத்தில் நோய்கள் எண்ணிக்கை குறைவாக இருந்தது. ஆனால் இன்று நோய்களின் எண்ணிக்கை பன்மடங்கு பெருகி விட்டது. விதவிதமான வாயில் நுழையாத பலபல பெயர்களுடன் பலவிதமான நோய்களின் படையெடுப்புகள், அதனை குணப்படுத்துவதற்கும் விதவிதமான விஞ்ஞான சாதனங்களின் அணிவகுப்பு ஒருபுறம்.

இதுபோன்றுதான் இன்று மக்களிடையே பாலியல் ரீதியான குறைபாடுகளும் அதிகரித்துள்ளது. இத்தகைய பாலியல் குறைபாடு இன்று ஆண், பெண் இருபாலரிடமும் தென்படுவது ஒரு பொது குறையாகும். முந்தைய காலங்களில் அதுவும், கல்வி அறிவு அதிகமில்லாத அந்த காலத்தில் மக்களிடையே அவ்வளவாக பாலியல் குறைபாடு இல்லை. ஆனால் இன்று கல்வி, விஞ்ஞான வளர்ச்சியில் விண்ணளவுக்கு வளர்ந்திருக்கிறோம். ஆனால் அளவுக்கு அதிகமான பாலியல் குறைபாடு தலைவிரித்தாடுகிறது. இதற்கு காரணம் என்ன என்பதை பார்ப்போம்.

பாலியல் குறைபாடுகள் மக்களிடையே தோன்ற முதன்மையான காரணம் செக்ஸ் அறிவு மக்களிடையே குறைவாக இருப்பதுதான். இத்தனைக்கும் அனைத்து துறைகளிலும் விரிவான அறிவையும், தெளிவையும் பெற்றுவிட்ட பின்னும் பலரிடையே பாலியல் குறைபாடு இருந்துதான் வருகிறது. இதற்கு காரணம் மக்கள் மிகமிக குறைவான பாலியல் அறிவை பெற்றிருப்பதுதான். தகவல் தொடர்பு சாதனங்களின் மிதமான வளர்ச்சி இருந்தும்கூட பாலியல் கல்வி அறிவு மக்களிடையே குறைவாகத்தான் உள்ளது.

சமுதாயத்தில் வெளிப்படையாக பாலியல் பற்றி பேசினாலே, அந்த பேசிய நபரை தவறாக மதிப்பிடும் போக்கு இருந்து வருகிறது. இதனாலேயே பொதுவான பாலியல் பிரச்சினைகளை, தங்களின் சொந்த பாலியல் குறைபாடுகளை எவரும் வெளிப்படையாக பேசி, கேட்டு தெரிந்து கொண்டு தெளிவு பெரும் சூழல் இல்லாமல் இருக்கிறது. செக்ஸ் பற்றி பேசுவதே தவறு, என்கிற நிலை சமுதாயத்தில் இருப்பதனால் ஆரம்பத்திலேயே அக்குறைபாட்டை நீக்கி குணம் பெறுவதில் தடை உண்டாகி விடுகிறது. இதன் காரணமாக பலர் மருத்துவரிடம் கூட செல்லாமல் ஆயுள்வரை தன்னுள்ளேயே பாலியல் குறைபாட்டை மறைத்துகொண்டு வாழ்கின்றனர்.

நம் முன்னோர்கள் இயற்கையான உணவுகளை, செயற்கை கலப்பின்றி, இயற்கையாக சமைத்து சாப்பிட்டார்கள். ஆனால் இன்று பாஸ்ட் புட்களில் வேஸ்ட் புட்களை சாப்பிடுகிறோம், பல செயற்கையான ரசாயணம் கலந்த உணவுகளை, அவசர கதியில் சாப்பிடுகின்றோம். நாம் சாப்பிடும் உணவு, இருக்கும் இடம், தண்ணீர் எல்லாமே மாசு படிந்து விட்டது. இத்தகைய சூழலும் இன்று பாலியல் குறைபாடு மக்களிடையே அதிகமாக காரணமாகும்.
விகிதாச்சார மாற்றம்.

செக்ஸ் என்பது 70% உடல் ரீதியானது, 30% மன ரீதியானது. இத்தகைய விகிதாச்சாரங்களில் மாற்றம் ஏற்படும்போது மக்களிடையே பாலியல் குறைபாடு தோன்றலாம்.

இன்று அதிகமாக பாலியல் குறைபாடுகள் மக்களிடையே இருக்க பாலியல் ரீதியான தவறுகளும் ஒரு காரணமாகும். இன்று தகவல் தொடர்பு சாதணங்கள் அபரிதமான பாலியல் தவறுகள், தவறான செக்ஸ் உறவுகள் போன்றவையினாலும் உடல் ரீதியான பாலியல் குறைபாடுகள் இன்று பெருத்துவிட்டன. அதற்கு மிகப்பெரிய உதாரணம் தான் எய்ட்ஸ். இந்த பாலியல் குறைபாடுகளை மனிதன் தானாகவேகூட வரவழைத்து கொள்ளக் கூடும். ஆம் இன்று மக்களிடையே குறிப்பாக இளைஞர்களிடையே அதிகமாக இருக்கும் சுய இன்ப பழக்கம், ஆண், பெண் இருபாலாரிடமும் இருக்கும் ஓரினச்சேர்க்கை பழக்கம், தகாத தொடர்புகள் போன்றவையும் உடல்ரீதியான பாலியல் குறைகளை உண்டாக்கும். மிக சிலருக்கு பிறப்பிலேயே உடல் ரீதியான பாலியல் குறைபாடுகள் இருக்கலாம். இவை அரிதானவை. இவற்றை குணப்படுத்துதல் என்பது அவ்வளவு எளிதான காரியம் அல்ல. சில பாலியல் குறiபாடுகள் மனோரீதியான பாதிப்புகளை ஏற்படுத்தலாம். மன அழுத்த பாதிப்புகள் உண்டாக்கலாம்.

செக்ஸில் கணவனும், மனைவியும் இரண்டு பேரும் சேர்ந்து பெறும் இன்பமே ஆரோக்கியமான செக்ஸ் எனப்படும். இதில் ஒருவர் மட்டும் திருப்தியுற்று மற்றவர் திருப்தியுறாத தன்மையும் பலரிடம் காணப்படுகிறது. இதனாலும் சம்பந்தபட்ட திருப்தியுறாத நபருக்கு மனபாதிப்பு ஏற்படலாம். இன்று ஓரளவு செக்ஸ் விழிப்புணர்ச்சியின் ஆரம்பகட்டத்தில் இருக்கிறோம் நாம். இன்று ஓரளவு வெளிப்படையாக பேச செக்ஸ் தெளிவு பெற மக்கள் முன்னேறி இருக்கிறார்கள். என்றே கூறவேண்டும். ஆண்களுடன் ஒப்பிடும்போது பெண்கள் தங்கள் பாலியல் குறைபாட்டை அவ்வளவாக வெளிப்படையாக கூறுவதில்லை.

இன்று பரவலாக பலருக்கு உள்ள குறைபாடு குழந்தையின்மையாகும். இதற்கு இரண்டு பேருமேகூட காரணமாக இருக்கலாம். எனினும், பெண்களைவிட ஆண்தான் முழு முதற்காரணமாக இருக்கிறான். ஆணின் உயிரணுக்களில் பாதிப்பு, குறைபாடு இருப்பதுதான் குழந்தையின்மைக்கு பெரிதும் காரணமாக இருக்கிறது. இதற்கு தகுந்த சிகிச்சை ஆரம்பத்திலேயே பெறுவது நல்லது. இத்தகைய பாலியல் குறைபாடுகளை கை தேர்ந்த சித்த மருத்துவரின் உதவியுடன் முழுமையாக குணப்படுத்திவிட முடியும்.

மேலும் இந்த சித்த மருந்துகள் ரசாயன கலப்பற்றது. பக்கவிளைவு அற்றது ஆகும். இன்னொரு சிறப்பான ஒரு தன்மை சித்த மருந்துகளுக்கு உண்டு. சித்த மருந்துகளை கெடாமல் நீண்ட நாட்கள் வைத்திருக்கலாம். நீண்டநாள் வைத்திப்பதற்குக்கூட ரசாயனங்கள் ஏதும் கலப்பதில்லை. தேன்தான் கலக்கப்படுகின்றது. இம்மருந்துகள் நோய்களை குணப்படுத்தும் காலம் அந்த நோயாளியின் வயது, நோயின் தன்மையை பொறுத்து மாறுபடும். ஆரம்பத்திலேயே பாலியல் குறைபாடு வராமல் இருக்க நம் முன்னோர்கள் பல வழிகளை சொல்லி சென்றுள்ளனர். அதாவது செவ்வாழைக்கு மலட்டு தன்மை நீக்கும் குணம் உண்டு. முருங்கை கீரை, முருங்கை காய், பேரிச்சை போன்றவையும் உண்ணலாம். இத்துடன் இலகுவான உடற்பயிற்சிகளையும் மேற்கொள்வது அவசியமாகும்.