என் கவிதையும் ...நான் வாங்கும் திட்டும்.

by **rameshnaga** Mon Mar 11, 2013 5:04 pm

சாலையின் நடுவாக...
தலை குனிந்து செல்வதுதான்
எனக்குப் பிடிக்கும்.

"நிமிர்ந்து போயேண்டா"...
என அறிவுறுத்தும் அம்மாவிற்கு..
நிமிர்ந்தால்...
"திமிர்த்தனம்" தெரியும் ...என்பேன் பகட்டாக.

"அடடா!...பயந்தான்கொள்ளிக்குப் பேச்சைப் பாரு!"..
எனப் பரிகசிக்கும் அம்மாவிடம்...
பேச்சை நீட்டுவதில்லை நான்.

என்றாலும்...
தலை குனிந்து செல்கையில்தான்...
படித்த வரிகள்..காட்சிகளாகி உசுப்பேற்றக்
கவிதை எழுதி வருகிறேன்...
என்பதை ஒருபோதும் அம்மாவிடம் சொல்லமுடியாது.

சொன்னால்....
"ஆமாண்டா! வீட்டுக்குள்ளே மோட்டு வளையைப் பாரு!
ரோட்டுக்குப் போய்த் தரையைப் பாரு!..."
என விடாமல் பரிகசிப்பாள்.

என்றாலும்...ரோட்டிலும்...
என் முதுகை முட்டுவது போல் நெருங்கிவந்து....
"பா......ங் ....." என அழுத்தமாய் ஹாரன் அடித்து...
"சாவுக்கிராக்கி! வீட்ல சொல்லிட்டு வந்திட்டியா...!"...என
என் கவிதையின் இழையை அறுத்துவிட்டு...
திட்டியும் செல்லும்....

இந்த மோட்டார் வண்டிக் காரர்களைத்தான்
என்ன செய்வதென்று...
எனக்குப் புரியவே இல்லை.

கவிதைத் தடுக்கிகள் என்றழைக்கலாம் இல்லையா ?

by chinnavan Mon Mar 11, 2013 5:22 pm

பா......ங் ....." என அழுத்தமாய் ஹாரன் அடித்து...
"சாவுக்கிராக்கி! வீட்ல சொல்லிட்டு வந்திட்டியா...!"...என
என் கவிதையின் இழையை அறுத்துவிட்டு...
திட்டியும் செல்லும்....

இந்த மோட்டார் வண்டிக் காரர்களைத்தான்
என்ன செய்வதென்று...
எனக்குப் புரியவே இல்லை.

கண்ட இடங்களில் சாலையை கடக்காதீர், முறையான இடங்களில் கடந்தால் இது போன்ற பிரச்னை வராது

கவிதை அருமை அருமையிருக்கு

by **rameshnaga** Mon Mar 11, 2013 5:26 pm

ரொம்பவும் நன்றி! செம்மொழியான் பாண்டியன், சின்னவன்.

by **ஜாஹீதாபானு** Mon Mar 11, 2013 5:29 pm

ரோட்ல பார்த்து நடங்க ....கவிதை வரும்னு தரையை பார்த்து நடந்தா இப்படித் தான்

என் முதுகை முட்டுவது போல் நெருங்கிவந்து....
"பா......ங் ....." என அழுத்தமாய் ஹாரன் அடித்து...
"சாவுக்கிராக்கி! வீட்ல சொல்லிட்டு வந்திட்டியா...!"...என
என் கவிதையின் இழையை அறுத்துவிட்டு...
திட்டியும் செல்லும்..

கவிதை அருமை சூப்பருங்க

by **rameshnaga** Mon Mar 11, 2013 5:39 pm

ரொம்பவும் நன்றி! ஜாஹீதாபானு.

by raheema faizal Mon Mar 11, 2013 5:45 pm

அருமையான கவிதை.
வாழ்த்துக்கள் ...!!
அருமையிருக்கு

raheema faizal wrote:அருமையான கவிதை.
வாழ்த்துக்கள் ...!!

வாருங்கள் தோழி உங்களை அறிமுகம் பகுதியில் அறிமுகப்படுத்திக்கொள்ளுங்கள்

by **rameshnaga** Mon Mar 11, 2013 6:01 pm

ரொம்பவும் நன்றி! raheema faizal .

by ச. சந்திரசேகரன் Tue Mar 12, 2013 1:37 am

சிறகடித்துப் பறக்கும் மனக்குதிரையின் கடிவாளம் இழுத்து சாலை விதிகளை கடைபிடிப்போமாக.
விபத்தை தன்னையறியாமல் தடுக்கும் தாயுள்ளத்திடம் மனம் திறப்போமாக.

வரிகள் நன்று.

விருப்பப் பொத்தானை அழுத்தினேன்.