எனது மகளுக்கே டில்லியில்பாதுகாப்பு இல்லை; நான் அதிகாரம் இல்லாத முதல்வர்:ஷீலா வருத்தம்

http://img.dinamalar.com/data/large/Tamil_News_large_663360.jpg
புதுடில்லி : டில்லியில் வசிப்பதில் தனது மகளும் பாதுகாப்பற்ற சூழ்நிலையை உணர்வதாகவும், சட்ட ஒழுங்கை பொறுத்த வரை நான்அதிகாரம் இல்லாத முதல்வராகவே இருந்து வருவதாகவும் டில்லி முதல்வர் ஷீலா தீட்ஷித் வருத்தம் தெரிவித்துள்ளார். சர்வதேசமகளிர் தினத்தை முன்னிட்டு தனியார் டிவி ஒன்றிற்கு தான் அளித்த பேட்டியில் ஷீலா இவ்வாறு கூறிய உள்ளார்.
-
ஷீலா தீட்ஷித் பேட்டி :
பெண்களுக்கு எதிரான குற்றங்கள் குறித்த புள்ளி விபரம் மிகவும் அதிர்ச்சி அடைய வைக்கிறது;ஆனால் அது நிதர்சனமான உண்மை; நாம் அதனை உறுதியுடன் தைரியத்துடனும் எதிர்கொள்ள வேண்டும்; இதுபோன்ற பெண்களுக்கு எதிரான குற்றங்கள் நாடு முழுவதும் நடைபெற்றுக் கொண்டு தான் இருக்கிறது; இதில் ஒப்பிடுவதற்கோ போட்டி போடுவதற்கோ எதுவும் இல்லை; பெண்கள் பாதுகாப்பில் கவனம் கொள்வதுடன் சமுதாயத்தில்என்ன நடைபெறுகிறது என்பதையும் கவனிக்க வேண்டும்; அதனால் இதுபோன்றகுற்றங்கள் நடைபெறுகிறது என்பதை எல்லோரும் முதலில் புரிந்து கொள்ள வேண்டும்;இதற்கு தீர்வு காணும் பொறுப்பு ஊடகங்கள், சமூகம், அரசு என அனைவருக்கும் உள்ளது; டில்லியில் பாதுகாப்பு இல்லாததை எனது மகளும் உணர்கிறாள்; இது போன்ற குற்றங்களைத் தடுக்க எல்லா வகையிலும் நடவடிக்கை மேற்கொள்ளப்படும்; சட்ட ஒழுங்கை என்னால் விட்டுதர முடியாது; போலீஸ் பாதுகாப்பை அதிகரிக்க கோரி நான் எழுதி கடிதம் குறித்து பிரதமர் மன்மோகன் சிங் எந்த பதிலும் அளிக்கவில்லை; போலீஸ் பாதுகாப்பு அதிகரிக்கப்படும் என்ற நம்பிக்கை உள்ளது; ஆனால் அது மந்திரம் போடுவது போன்ற எளிதான செயல் அல்ல; அரசும் போலீசும் என்ன நடவடிக்கை எடுத்தாலும் மக்களின் மனநிலை மாற வேண்டும் அப்போது தான் பெண்கள் சுதந்திரமாக வாழ முடியும்; இது போன்ற குற்றங்களை தடுக்க முடியும்; இது தொடர்பாக நான் உள்துறை அமைச்சர், தலைமை நீதிபதி, வர்மா குழுவினர் அனைவரையும் சந்தித்து கோரிக்கை விடுத்தேன்; ஆனால் யாரும் எவ்வித நடவடிக்கையும் எடுக்க முயற்சி செய்யவில்லை; டில்லி போலீஸ் துறை எனது கட்டுப்பாட்டில் இல்லை; அதனால் என்னால் சுதந்திரமாக செயல்பட முடியவில்லை; ஆனால் போக்குவரத்து துறை எனது கட்டுப்பாட்டில் இருப்பதால் அவசர அழைப்பு வசதியை ஏற்படுத்தி உள்ளேன்; நான் அதிகாரம் இல்லாத முதல்வராகவே இருக்கிறேன்; எனது கட்டுப்பாட்டிற்கு உட்பட்டு சட்ட ஒழுங்கை பலப்படுத்த அனைத்து நடவடிக்கைகளையும் நான் செய்து வருகிறேன். இவ்வாறுஷீலா தீட்ஷித் தெரிவித்துள்ளார்.
-
தினமலர்

அதிகாரத்தை கையில் வைத்துகொண்டு இப்படிச் சொல்ல வெட்கமாயில்லை ?

வெட்ககேடு

முதல்வராக இருந்து கொண்டு இப்படி பேட்டி கொடுக்க எப்படி முடிந்தது?
எதிர்க்கட்சி காரன் பார்த்த என்ன நினைப்பான்.!