நிழல்கனிந்த கனி!

by **சாமி** Thu Mar 07, 2013 1:17 pm

இறைவனை "நிழல் கனிந்த கனியே'' என்று பாடுகிறார் வள்ளலார். இதற்கு என்ன பொருள்? நிழலிலேயே பழுத்த பழமா? அதுதான் இல்லை! வைக்கோலை ஓர் அறையில் நிரப்பி, அதில் முதிர்ந்த காய்களைப் பரப்பி வைப்பது, வெயில் படும்படி வைத்துப் பழமாக்குவது, மூட்டைக்குள் போட்டு மூச்சுத் திணற வைத்து முற்றாகக் கனிய வைப்பது எனக் காயைக் கனியவைக்கப் பல வழிகள் உண்டு.

இப்படித்தான் கடவுளைக் காணும் வழிமுறைகளும்! மூச்சை அடக்கியும், கால் மடக்கியும், சாதனைகள் செய்தும், சமாதி நிலையில் இருந்தும் கடவுளைக் காணும் இந்த வழிமுறைகள் - வலிய முறைகள்! ஆனால், எளிய முறை ஒன்றுண்டு. அது, அனைத்து உயிர்க்கும் அன்பு செய்து ஆண்டவன் அருளைப் பெறுவது. அதைத்தான் அருட்பிரகாச வள்ளலார், "நிழல் கனிந்த கனி' என அற்புதச் சொற்களால் வழிபடுகிறார்.
(நன்றி-தினமணி)

by chinnavan Thu Mar 07, 2013 1:24 pm

அருமையான விளக்கம் சாமி, தொடருங்கள் இது போன்ற பகிர்வுகளை நன்றி

நிழல்கனிந்த கனி!

நிழல்கனிந்த கனி!

Re: நிழல்கனிந்த கனி!