போலீஸ் வேடம் போட்டு பெண்களிடம் நகைக் கொள்ளை அடித்த கும்பல் பிடிபட்ட கதை!

சென்னையில் போலீஸ் அதிகாரிகள் போல் வேடமிட்டு பெண்களிடைம்ரிருந்து ஏராளமான நகைகளை கொள்ளை அடித்த கும்பல்ஒன்றின் தலைவனை போலீஸார் மடக்கிப்பிடித்தனர்.இந்தக் கும்பலின் தலைவன் இரானிய வமசாவளியைச் சேர்ந்த, மும்பையில் தங்கியிருந்த, 50வயது பலேஆசாமி ஆசிப் சயீத் சையது நேற்று பிடிபட்டார்.மும்பை வாசியாக இருந்தாலும் தமிழில் சரளமாக பேசக்கூ டியவர் இவர். அவ்வப்போது தென் இந்தியாவுக்கு வந்து 50 வயது கடந்த பெண்களிடம் தன்கைவரிசையைக் காட்டியுள்ளார் இவர்.சுமார் 20 ஆண்டுகளாக தமிழ்நாடு, கர்நாடகா, கேரளாவில் இந்தக் கும்பல் போலி போலீசாக நடித்து ஏராளமானோரின் நகைகளைக் கொள்ளை அடித்து சென்றுள்ளதாக காவல்துறை வட்டாரங்கள் தெரிவிக்கின்றன.இவரது மாமனார் மற்றும் மகன் உட்பட 4 உறவினர்களை போலீஸ் தேடி வருகிறது. சென்னையில் ராஜா அண்ணாமலைபுரம், வேளச்சேரி,அடையார், ஆள்வார்பேட்டை, அண்ணா நகர், பாண்டிபஜார், சேத்துப்பட்டு, மற்றும் நகரின் பிற பகுதிகளில் கைவரிசை காட்டியதாக போலீஸுக்கு சரமாரி புகார்கள் வந்து குவிந்தன.இதன் பிறகு, 2008ஆம் ஆண்டு இதே போன்ற குற்றசாட்டுகளில் தேடப்பட்டு வந்த சில திருடர்களின் புகைப்படங்களை பாதிக்கப்பட்டோரிடம் போலீஸ் காண்பிக்க 8 பேர் சையதை அடையாளம் காட்டினர்.இதற்குத் தனிப்படை அமைக்கப்பட்டு விசாரணை மேற்கொண்ட நிலையில், உதவி ஆணையர் கலிதீர்த்தன் மும்பையில் உள்ள தானே போலீஸ் உதவியுடன் சையதை மடக்கிப் பிடித்தார். கைதுசெய்ய 40 தானே போலீஸ் தேவைப்பட்டுள்ளது. சையதைக்கைது செய்ய அந்த இடத்து மக்கள் அனுமதிக்கவில்லை. சுமார் 175 சவரன் நகைகள் கொள்ளை அடிக்கப்பட்டுள்ளது என்கிறது போலீஸ் துறை.சையது குடும்பத்தின் ஆண்கள் பலர் இதே கைவரிசையைபல இடங்களில் காட்டியுள்ளனர். இவ்ர்கள் தமிழ், உருது, தெலுங்கு, இந்தி, மற்றும் ஆங்கிலத்தில் சரளமாக பேசக்கூடியவர்கள் என்று கண்டறியப்பட்டுள்ளது. கண்ணாடி விற்பவர்கள் போல் செயல்பட்டு சேலம், திருவண்ணாமலை, காஞ்சீபுரம் ஆகிய பகுதிகளிலும் திருட்டு வேலையில் இவர்கள் ஈடுபட்டுள்ளனர்.காலை 8.30 மணி முதல் 11.30 வரை கைவரிசையை பல இடங்களில் காட்டிவிட்டு 3 நாட்களில் மகாராஷ்டிரா சென்றுவிடுவது இதுதான் இவர்களது தொழிலாக இருந்து வந்துள்ளது.போலீஸ் வேடம் போட்டு ஏமாற்றியது எப்படி?50வயதுக்கும் மேற்பட்ட நகை அணிந்த பெண்களை அணுகுவது.கும்பலில் ஒருவன் சென்று அந்த குறிப்பிட்ட பெண்ணிடம் போலீஸ் அதிகாரி உங்களைப்பார்க்கவேண்டும் என்கிறார் என்று கூறுவார்.பெண்களும் ஆவலாக இந்த போலிபோலீஸ் அழைக்க சென்றுள்ளனர்.அந்தப்பெண்ணிடம் அவர்கள் பகுதியில் திருடர்கள் நடமாட்டம் அதிகம் உள்ளது. எப்போது வேண்டுமானாலும் கொள்ளை நடக்கலாம் எனவே உங்கள் நகைகளை கொடுங்கள் நாங்கள் பாதுகாப்பு செய்து கொடுக்கிறோம் என்பார்கள்.கிட்டத்தட்ட இவர்கள் குமபலை சேர்ந்த ஆள் செட்-அப்பாக அந்த இடத்திற்கு இரு சக்கர வாகனத்தில் வருவார் அவரை நிறுத்தி இந்த போலி போலீஸ்இதே கதையைக் கூறுவார் அவர்உடனே தன் நகையை கழற்றி இவரிடம் கொடுப்பார். அவர் உடனே அந்த நகையை ஒரு காகிதத்தில் சுற்றி இருசகக்ர செட்-அப் ஆசாமியிடம் கொடுப்பார்.ஆமாம் பாதுகாப்பாக பேப்பரில் மடித்து தந்து விடுகின்றனரே என்று வயதான் பெண்மணிகள் தங்கள் கை, கழுத்து, காது, மூக்கில் போட்டிருந்த நகைகளை கழற்றி அந்த 'ஆபிசரிடம்' கொடுப்பார்கள்.அவர் அதனை ஒரு பேப்பரில் வைத்து மடிப்பது போல் மடித்து வேறொரு பேப்பர் மடிப்பை இதே பெண்ணிடம் கொடுப்பார். அதில் வெறும் கல்தான் இருக்கும். இவையெல்லாம் கண் சிமிட்டும் நேரத்தில் நடந்து விடும்.பிறகு அங்கிருந்து பறந்து விடுவார்கள்.இப்போது சையது கைது செய்யப்பட்டு கிடுக்கிப் பிடி விசாரணையில் சிக்கியுள்ளார். விரைவில் இவரது உறவினர் கும்பலும் அகப்படும் என்று போலீஸ் தரப்பில் கூறப்படுகிறது.
-
வெப்துனியா