இது நியாயமா?

அன்புடன் மலிக்கா · 19/03/2011

குற்றம் செய்பவனைவிட
அதைச் செய்யத் தூண்டுபவனுக்குக்கே
அதிக தண்டனையென்று
சட்டத்திலிருக்கிறதாம்
ஆனாலதை யாரும்
சட்டைசெய்வதேயில்லையே!

தூண்டப்படுகிறது
தீவீரவாதம் புரிய
தூண்டப்படுவதறிந்தும்
தூண்டுபவனை யாரும்
தண்டிப்பதேயில்லையே!

குண்டு வைப்பதும்
கொத்துக் கொத்தாய்
கொலைசெய்வது மட்டுமே
தீவிரவாதமல்ல!

பிறம[த]ன உணர்வுகளைச் சிதைத்து- கேளிச்
சித்திரங்கள் செய்வதும் அதன்மூலம்
உணர்வுகளை உசுப்பி
சினங்கொள்ளச் செய்வதும் தீவிரவாதம்தான்

அநியாயங்கள் புரிந்து
அட்டூளியங்கள் நிகழ்த்தி
அடுத்தவர்களை தனக்காக
அழித்து வாழ்வதும் தீவிரவாதம்தான்

”ஆனால் இன்னவர்களை”
சட்டம் ஒருபோதும் தண்டிப்பதில்லை
சட்டப்படி தண்டிக்கப்படுபவன்
சாமனியனே!
தூண்டிவிடப்பட்டுவதால்
சினம் கொண்டு - தன்
இனம் மானம்
இரண்டும் காக்க நினைப்பவனே!

தீவிரவாதம் ஒருபோதும்
நியாயமில்லை!
தீரா துயரத்தை
யாருமே விரும்புவதுமில்லை!

நியாயத்திற்கு என்றுமே
நியாயம் கிடைப்பது அவ்வளவு எளிதில்லை!
அநியாயத்திற்கே நியாயங்கள் கிடைக்கும்
அதுதான் நியாயமேயில்லை...

----------------------------------------------------------------------------
இக்கவிதை.தடாகம் கலை இலக்கிய வட்டம் சர்வதேச மட்டத்தில் நடாத்திய கவிதைப் போட்டியில் முதலாவது கவி அருவி பட்டத்தைப் பெற்ற மலிக்கா பாருக் அவர்களின் கவிதை இதுhttps://www.facebook.com/photo.php?fbid=421009907991598&set=p.421009907991598&type=1&theater%2F%2F//

யாரந்த மலிக்கா ஃபாருக் அட நானேதான்..

17/02/2013

வாருங்கள் மல்லிகா நல்லகருத்துக்களோடு நுழைந்திருக்கிறீர்கள் உங்களைப் போன்றோரை ஈகரை சார்பாக
வாழ்த்தக் கடமைப்பட்டிருக்கிறேன்
உங்களை அறிமுகம் செய்து கொள்ளுங்கள்

**ஜாஹீதாபானு** · **ஜாஹீதாபானு** Mon Mar 04, 2013 3:03 pm

அருமை மலிக்கா அருமையிருக்கு

ரொம்ப நாளா வரலனா பதிவுகள் குறையுமா என்ன????????/ அதிர்ச்சி

அன்புடன் மலிக்கா · 19/03/2011

செம்மொழியான் பாண்டியன் wrote:வாருங்கள் மல்லிகா நல்லகருத்துக்களோடு நுழைந்திருக்கிறீர்கள் உங்களைப் போன்றோரை ஈகரை சார்பாக
வாழ்த்தக் கடமைப்பட்டிருக்கிறேன்
உங்களை அறிமுகம் செய்து கொல்லுங்கள்

என்னது அறிமுகம் செய்து கொல்லவா.. அச்சோ. ஏனுங்கப்பு இப்புடியெல்லாம்..

அப்புறம் நான் அறிமுகம் செய்துகொள்வதற்ககு புதுமுகமில்லை பழைய முகம்தான் ஆனால் புதுமுகமாக்கிட்டாங்களே. என்னான்னுதான் தெரியலை..

ஆனாலும் வாழ்த்தியமைக்கும் கருத்துகளிட்டமைக்கும் நெஞ்சார்ந்த நன்றிகள்

பூவன் · பூவன் Mon Mar 04, 2013 3:09 pm

ஜாஹீதாபானு wrote:அருமை மலிக்கா

ரொம்ப நாளா வரலனா பதிவுகள் குறையுமா என்ன????????/

அப்படி எல்லாம் ஒன்றும் இல்லை இவரது பழைய பெயர் மலிக்கா என்று உள்ளது இப்போது அன்புடன் மலிக்கா என்று வந்துள்ளார் அதே பெயரில் உள்நுழைந்தால் சரியாகிவிடும் ....

17/02/2013

பூவன் wrote:
ஜாஹீதாபானு wrote:அருமை மலிக்கா

ரொம்ப நாளா வரலனா பதிவுகள் குறையுமா என்ன????????/

அப்படி எல்லாம் ஒன்றும் இல்லை இவரது பழைய பெயர் மலிக்கா என்று உள்ளது இப்போது அன்புடன் மலிக்கா என்று வந்துள்ளார் அதே பெயரில் உள்நுழைந்தால் சரியாகிவிடும் ....

பெயரை அவர்களாக மாற்றிக்கொள்ள இயலுமா பூவன்?

அன்புடன் மலிக்கா · 19/03/2011

குழப்பமாக இருக்கு ரெஜிஸ்டர் ஆகாமல் எப்படி வேறுபெயரில் வரமுடியும்.நான் உள்நுழைந்ததும். நான் இணைந்த திகதி சரியாக காட்டுகிறதே! பின்ன எப்படி?

சரி எப்படியோ. மீண்டும் மலிக்காவில் நுழைந்துபார்கிறேன்.. தகவலுக்கு நன்றிமா..