தமிழகத்தை தாண்டித்தான் டில்லி செல்ல முடியும்.இலங்கைக்கு இந்திய தூதர் காந்தா திடீர் அட்வைஸ்.

by lgp Tue Mar 05, 2013 10:27 am

இலங்கையில் இருந்து வெளியாகும் ஆங்கில பத்திரிக்கை ஒன்றுக்கு இலங்கைக்கான இந்திய தூதர் அசோக் காந்தா அளித்துள்ள சிறப்பு பேட்டியில் கூறியிருப்பதாவது.

கலாச்சாரம் மற்றும் மத ரீதியில் இந்தியர்களும் இலங்கை மக்களும் நெருங்கிய தொடர்புடையவர்கள். ஆனால் சமீப காலமாக ஏற்பட்டுள்ள சில கருத்து வேறுபாடுகள் இரு நாடுகளின் வரலாற்று சிறப்பு வாய்ந்த நட்புறவுக்கு களங்கமாக அமைந்து விட்டது .இலங்கையை பொறுத்தவரை தமிழகம் தான் அதற்கு முக்கியமானதாக இருக்கும்.தமிழகத்தின் வழியாகத்தான் இந்தியாவுக்குள் இலங்கை நுழைய வேண்டும். இந்தியாவுடனான அரசியல் உறவுகளை இலங்கை நேரடியாக பேணுகின்ற போதும் அது தமிழகத்தை தாண்டித்தான் டில்லியை அடைய வேண்டும்.தமிழகத்தில் நடைபெறும் ஆர்ப்பாட்டங்கள், போராட்டங்கள் மற்றும் இலங்கைக்கு எதிரான தீர்மானங்களை இலங்கை அரசு கண்டு கொள்வது இல்லை. இலங்கை அரசு தன்னுடைய தொடர்புகளை டில்லியுடன் நிறுத்திக்கொள்கின்றது. அதை விட தமிழகத்தில் மேற்கொள்ள வேண்டிய அரசியல் ரீதியான உறவே முக்கியம். தமிழகத்தின் வழியாக இந்திய அரசை அணுகுவதன் மூலமே பல பிரச்சினைகளில் இருந்து இலங்கை தன்னை காப்பாற்றிக்கொள்ள முடியும்.

by lgp Tue Mar 05, 2013 10:46 am

இது இன்றைய தினமலர் செய்தி. இனிமேலாவது தமிழக காங்கிரஸ் எம்பிக்கள் பொறுப்புடன் செயலாற்ற வேண்டும். ஒருமுறை மாற்றுக் கட்சியைச் சேர்ந்த வைகோவின் வேண்டுகோளையே சோனியா காந்தி ஏற்றுக்கொண்டுள்ள போது காங்கிரஸ் எம்பிக்கள் முயற்சி செய்தால் இலங்கை தமிழகர்களுக்கு விடிவு காலம் பிறக்கும். தனக்கும் தன் கோஷ்டிக்கும் முக்கியத்துவம் தரவில்லை என்றால் தனிக் கட்சி ஆரம்பிக்க நினைப்பவர்கள் தமிழர்களுக்காக இதையாவது செய்யலாமே!

தமிழகத்தை தாண்டித்தான் டில்லி செல்ல முடியும்.இலங்கைக்கு இந்திய தூதர் காந்தா திடீர் அட்வைஸ்.

தமிழகத்தை தாண்டித்தான் டில்லி செல்ல முடியும்.இலங்கைக்கு இந்திய தூதர் காந்தா திடீர் அட்வைஸ்.

Re: தமிழகத்தை தாண்டித்தான் டில்லி செல்ல முடியும்.இலங்கைக்கு இந்திய தூதர் காந்தா திடீர் அட்வைஸ்.