மரபுத் தொடர்கள்

மரபுத் தொடர்கள் தொடர் பதிவு
நன்றி - தினமணி

பண்டையத் தமிழ்ச் சான்றோர்களும், முன்னோர்களும் வழிவழியாக பொருள் பொதிந்த சொற்றொடர்கள் பலவற்றைப் பேச்சிலும் எழுத்திலும் கடைப்பிடித்து வந்திருக்கிறார்கள். அச்சொற்களை வழிவழியாக வழங்கி வந்த முறையை "மரபுச் சொற்கள்' என்று கூறுவர். தமிழில் கணக்கற்ற மரபுச் சொற்கள் வழங்கி வந்திருக்கின்றன. "அவன் அடாவடியாகப் பேசுகிறான்', "வம்பு தும்புக்குப் போகாதே', "அந்த இடத்தில் ஒரே அமளி துமளி', "அவன் ஏட்டிக்குப் போட்டியாக நடந்து கொள்கிறான்', "ஆர அமர உட்கார்ந்து பேசுவோம்' - இவ்வாறு நம் முன்னோர் பேசும் மரபுச் சொற்கள் ஏராளம். அம்மரபு வழிவந்த சொற்களை மரபு தவறி பேசுவதோ, எழுதுவதோ வழு (குற்றம்-பிழை) எனவும் கூறப்படுகிறது. அம்மரபுச் சொற்களுள் சிலவற்றை அகர வரிசைப்படி காண்போம்; கற்போம்; அன்றாட வாழ்வில் தொடர்ந்து பேசிப்பழகி, பயன்படுத்தி, தமிழ் மரபுச் சொற்கள் (தொடர்கள்) அழியாமல் காப்போம்!

அகட விகடம் - தந்திரம், தட்டுமாற்று
அடரடி படரடி - பெருங்குழப்பம்

அடாதுடி - தீங்கு, தீச்செயல்
அடாபிடி - கொடுஞ்செயல்

அடிதடி - சண்டை
அடியடியாக - தலைமுறை தலைமுறையாக

அண்டப் புரட்டன் - பெருந்தீயன்
அமளி பண்ணுதல் - சச்சரவு உண்டாக்குதல்

அரட்டல் புரட்டல் - நோய் முற்றுதலால் ஏற்படும் வலி
அரிப்பரித்தல் - கொழித்தெடுத்தல்

அலக்கலக்காய் - தனித்தனியாய்
அல்லோல கல்லோலம் - ஆரவாரம்

அலைகுலையாக்குதல் - நிலைகுலையச் செய்தல்
அல்லும் பகலும் - இரவும் பகலும்

அவசரக் குடுக்கை - பதற்றக்காரன்
அழிவழக்கு - வீண் வழக்கு

அளப்பளத்தல் - அலப்புதல், முறுமுறுத்தல்
அளவளாவுதல் - கலந்து பேசுதல்

அளவு படுத்தல் - வரையறை செய்தல்
அறக்கப்பறக்க - விரைவாக, விழுந்து விழுந்து

அறைகூவுதல் - போருக்கு அழைத்தல்
அறைமுறையிடுதல் - குறை தெரிவித்தல்

அறிதுயில் - யோக நித்திரை
அறிவறியாக - விளக்கமாக, தீர

ஆலாப்பறத்தல் - திண்டாடுதல்
ஆறல் பீறல் - பயனற்றது

ஆறவமர - அமைதியாய்
இசைகேடு - சீர்கெட்ட நிலை

இடக்கு முடக்கு - சங்கடம்
இடுக்குப்பிள்ளை - கைக்குழந்தை

இடுமருந்து - வசிய மருந்து
இடைச்சுவர் - இடையூறு

இருவல் நொருவல் - இடிந்தும் இடியாதும் உள்ள அரிசி முதலியன, நன்றாக மெல்லப்படாத உணவு.
இல்லாததும் பொல்லாததும் - பொய்யும் தீங்கு விளைவிப்பதும்

இலம்படுதல் - வறுமையடைதல்
இலைமறைகாய் - மறைபொருள்

இன்னார் இனியார் - பகைவரும் நண்பரும்

(தொடரும்)

ஈட்டுக்கீடு - சரிக்குச்சரி

ஈடேறுதல் - உய்வடைதல்

ஈரொட்டு - உறுதியின்மை

ஈவிரக்கம் - மனக்கசிவு

ஈவுசோர்வு - சமயா சமயம்

உடைப்பில் போடுதல் - அகலத் தள்ளுதல்

உடைப்பெடுத்தல் - வெள்ளத்தால் கரை அழிதல்

உதப்பிவாயன் - எச்சில் தெறிக்கப் பேசுவோன்

உதறுகாலி - காலை இழுத்து இழுத்து நடப்பவன்

எடுப்பெடுத்தல் - அரியதை முயலுதல்

எக்கச்சக்கம், எசகுபிசகு - தாறுமாறு

ஏடாகூடம் - தாறுமாறு

ஏக்கன் போக்கன், ஏக்கி போக்கி - ஒன்றுக்கும் உதவாதவன்

ஏட்டுச் சுரைக்காய் - அனுபவத்தோடு கூடாத கல்வி அறிவு

ஏட்டிக்குப் போட்டி - விதண்டாவாதம்

ஏணல் கோணல் - ஒழுங்கின்மை

ஏணுக்குக் கோண் - எதிரிடையான பேச்சு

ஏதங்கெட்டவன் - பயனற்றவன்

ஓட்டைசாட்டை - பயனற்றது

கக்கல் கரிசல் - கலங்கல் நீர்

கசகசத்தல் - வியர்த்தல்

கசகரணம் போடுதல் - பெருமுயற்சி செய்தல்

கச்சங்கட்டுதல் - ஒரு செயலை முடிக்க வரிந்துகட்டிக்கொண்டு நிற்றல்

கடுக்காய் கொடுத்தல் - ஏமாற்றி விடுதல்

கடைகெடுதல் - மிக இழிவடைதல்

கட்டாகட்டி - விடாப்பிடி, விடாத்தன்மை

கட்டுக்கிடை - நாட்பட்ட சரக்கு

கட்டுக்கோப்பு - புனைந்துரை,

மேற்கூரை

கண்டதும் கடியதும் - நல்லதும் தீயதும்

கண்ட துண்டம் - பல துண்டம்

கண்டானும் முண்டானும் - வீட்டுத் தட்டுமுட்டுச் சாமான்கள்

கண்மூடித்தனம் - கவனமின்மை

கந்தல்கூளம் - தாறுமாறு

கரடுமுரடு - ஒழுங்கின்மை

கற்போடுதல் - காரியத்தைக் கெடுத்தல்

கôதறை கூதறை - ஒழுக்கம் கெட்டவன்

காறுபாறு - கவனிப்பு

கிள்ளிக்காட்டுதல் - குறிப்புக் காட்டுதல்

கிட்டதட்ட - ஏறக்குறைய

கிள்ளுக்கீரை - மிகவும் எளியது

குடுகுடுப்பு - பரபரப்பு

குண்டக்க மண்டக்கம் - சுருண்டு கிடக்கும் நிலை

குழையடித்தல் - ஆளை வசப்படுத்துதல்

குள்ளம் பாய்தல் - தந்திரமாக இருந்தல்

குறுக்கும் மறுக்கும், குறுக்கு நெடுக்கும் - இங்கும் அங்கும்

குறிகெட்டவன் - நெறியற்றவன்

கூட்டநாட்டம் - பொதுமக்கள் கூடும் நிலைமை

கூட்டுமூட்டு - பலரும் கூடுகை,

பழிப்புரை, கூழைக் கும்பிடு - போலி வணக்கம்

(தொடரும்)

கேளல் கேளிர் - பகையும் நட்புமில்லாத அயலார்
கைம்மிகுதல் - அளவுகடத்தல்
கையடித்தல் - உறுதி தருதல்
கைப்பாடுபடுதல் - அரும்பாடுபடுதல்
கையைக்கடித்தல் - பொருள் நஷ்டமாதல்
கையோடு கையாய் - காரியத்தோடு காரியமாய், செயலோடு செயலால்
கொஞ்ச நஞ்சம் - சிறிதளவு
கொடி விடுதல் - மிகுதியாதல்
கொழு கொம்பு - பற்றுக்கோடு
கோலாகலம் - கூக்குரல், ஆடம்பரம்

சடைவாறுதல் - இளைப்பாறுதல்
சாலமாலம் - வஞ்சகம்
சித்திரைச் சுழியன் - குறும்பன்
சேர் கொடுத்தல் - காட்டிக்கொடுத்தல்
சொட்டைச் சொல் - பழிச்சொல்

தக்கடி வித்தை - ஏமாற்று
தடங்கோலுதல் - வழிசெய்தல்
தட்டுண்டு போதல் - தடைப்படுதல்
தட்டுமாறி - ஏமாற்றுபவன்
தட்டுமானம் - தந்திரவழி
தாட்டுப் பண்ணுதல் - காலம் கடத்துதல், மறுத்தல்
தந்திதந்தியாய் - வரிசை வரிசையாய்
தலைப்பாமாறி - பெரும் மோசக்காரன்
தலையெடுத்தல் - மேல்நிலைக்கு வருதல்
தான்தோன்றி - செருக்குடையவன்
திசைப்புரட்டன் - பெரும் பொய்யன்
திமிலகுமிலம் - மகிழ்ச்சி மிகுதி
திறுதிறுத்தல் - அஞ்சி விழித்தல்
தீரக்கழிய - மிக அதிகமாய்
துப்பு கெட்டவன் - அறிவற்றவன், அறிவுகெட்டவன்
துறைபோதல் - நிரம்புதல், கற்றுத் தீர்தல்
தெம்மாடி - அறிவீனன், ஒன்றுக்கும் உதவாதவன்
தொடுபிடியாக - இடைவிடாமல்

நட்டாமுட்டி - வஞ்சகம்
நழுநழுத்தல் - பிடிகொடாது பேசுதல்
நீக்குபோக்கு - இணக்கமாயிருத்தல், மரியாதை
நெளிவு சுளிவு - ஏற்றத்தாழ்வு
நேர்ந்து போதல் - சம்பவித்தல்

பக்கஞ் செய்தல் - ஒளி விடுதல்
பக்கடுத்தல் - நொறுங்குதல்
படிப்படியாய் - சிறுகச்சிறுக
பணி கொள்ளுதல் - ஏற்றுக்கொள்ளுதல்
பண்விடுதல் - நிலைகுலைதல்
பாக்கி சாக்கி - மிச்சம் மீதி
பாடு பறப்பு - கவலை
பாரதூரம் - பெருந்தூரம், முதன்மை
புரிதிரித்தல் - கெடுக்க வழிதேடுதல்
புரிமுறுக்குதல் - கோள் சொல்லுதல்
புப்புத் தட்டுதல் - பற்று விட்டுப் போதல்
பூட்டழித்தல் - கட்டுக்குலைத்தல்
பையப்பைய - மெல்ல மெல்ல
பொட்டுப்பாடி - சிறுபண்டம்
போக்கிரி சாக்கிரி - கதியற்றவன்

வகைதொகை - விவரம்
வம்பு தும்பு - வீண் பழிச்சொல்
வரையறை - எல்லை, அளவு
வாரம் பாடுதல் - பின்பாட்டுப் பாடுதல்
வீற்றுவீற்றாக - வெவ்வேறாக