கோல்கட்டா மேம்பாலம் இடிந்தது : வேனில் சென்ற மூன்று பேர் படுகாயம்

by **Powenraj** Mon Mar 04, 2013 11:17 am

http://img.dinamalar.com/data/large/Tamil_News_large_65979520130304022419.jpg
கோல்கட்டா: மேற்கு வங்க மாநில தலைநகர் கோல்கட்டாவில், இரண்டு ஆண்டுகளுக்கு முன் கட்டப்பட்ட பிரம்மாண்ட பாலம், நேற்று திடீரென இடிந்து விழுந்தது. பாலத்தில் சென்று கொண்டிருந்த வேன், கால்வாயில் விழுந்ததில், மூன்று பேர் படுகாயமடைந்தனர்.கோல்கட்டா விமான நிலையத்தையும், வி.ஐ.பி., சாலையையும் இணைக்கும், உல்தங்கா மேம்பாலம், இரண்டு ஆண்டுகளுக்கு முன், மார்க்சிஸ்ட் கம்யூனிஸ்ட்கூட்டணி ஆட்சியின் போது கட்டப்பட்டது.
ஒன்றரை ஆண்டுகளுக்கு முன்,பாலத்தில் விரிசல் ஏற் பட்டதை அறிந்த அதிகாரிகள்,பாலத்தின் உறுதித்தன்மையை,
ஜாதவ்பூர் பல்கலைக்கழக இன்ஜினியரிங் துறை பேராசிரியர்கள் உதவியுடன்ஆய்வு செய்தனர். "எந்த பாதிப்பும் ஏற்படாது' என, உறுதியளிக்கப்பட்டதை அடுத்து, பாலத்தில் போக்குவரத்து அனுமதிக்கப்பட்டிருந்தது.நேற்று அதிகாலை, 4:30 மணியளவில், பாலத்தின் ஒரு பகுதி, திடீரென பெயர்ந்து, கீழே, கால்வாயில் விழுந்தது. அப்போது, பாலத்தில் வேன் சென்றதால்,அந்த வேனும், இடிந்த பாலத்துடன் கீழே விழுந்தது.இதில், வேனில் இருந்த, மூன்று பேர் படுகாயம் அடைந்தனர். அவர்களை மீட்புப்படையினர்மீட்டனர்; மேலும் யாரேனும்காயமடைந்துள்ளனரா என, ஆய்வு மேற்கொண்டனர்.
சம்பவ இடத்தை பார்வையிட்ட,மாநில, நகர்புற அபி விருத்தி துறை அமைச்சர், பிர்ஹத் ஹக்கிம் கூறியதாவது:
இந்த பாலம் கட்டியே, இரண்டு ஆண்டு தான் ஆகிறது; முந்தைய, கம்யூனிஸ்ட் ஆட்சியின் போது கட்டப்பட்டது. அவசர அவசரமாக கட்டி முடித்து, அப்போதைய முதல்வர், புத்ததேவ் பட்டாச்சார்யாவால், 2011, சட்டசபை தேர்தலுக்கு முன் திறக்கப்பட்டது.பாலத்தை நாங்கள் நன்றாகவே பராமரித்து வருகி றோம். எனினும், அடிப்படையிலேயே பிரச்னை இருந்ததால், இடிந்து விழுந்துள்ளது. சம்பந்தப்பட்ட பொறியாளர்கள் மற்றும் அதிகாரிகள் மீது நடவடிக்கை எடுக்கப்படும்; ஒட்டுமொத்த பாலத்தின் ஸ்திரத்தன்மையும் சோதிக்கப்படும்.இவ்வாறு அவர் கூறினார்.இதற்கு பதிலளித்து, முந்தைய அரசின், நகர்புற அபிவிருத்தித்துறை அமைச்சர், அசோக் பட்டாச்சார்யா கூறும்போது, ""நகரின் அனைத்து பாலங்களும் நாங்கள் கட்டியது தான்; அவற்றில் எந்த பிரச்னையும் இதுவரை ஏற்படவில்லை. இந்த பாலத்தில், இணைப்புகளில் பிரச்னை இருந் துள்ளது; அதன் காரணமாகவே இடிந்திருக்கிறது. இது, 2009 - 10ம் ஆண்டில் கட்டப்பட்டது,'' என்றார்.
-
தினமலர்