தொழிலதிபருடன் திருமணம் :நடிகை அனுஷ்கா திடீர் முடிவு!

**Powenraj** · **Powenraj** Sat Mar 02, 2013 12:33 pm

http://soundcameraaction.com/media/k2/items/cache/1706b33fef7712ba31cca5e36abb2536_L.jpg
தெ லுங்கு படங்களில் முன்னணி ஹீரோயின்களில் ஒருவராக இருக்கும் அனுஷ்கா தமிழில் மாதவன் நடித்த ‘ரெண்டு’ படத்தின் மூலம் அறிமுகமானார்.
ஆனால் அந்தப்படம்தோல்வியடைந்ததால் மீண்டும் தெலுங்கில் மட்டுமே அதிக கவனம் செலுத்தி நடித்து வந்தார். அதன்பிறகு தமிழில் ரிலீஸான ‘அருந்ததி’ படம் மூலம் தமிழிலும் பிரபலமானார்.
தொடர்ந்து விஜய்யுடன் வேட்டைக்காரன், சூர்யாவுடன் சிங்கம், விக்ரமுடன் தாண்டவம், தெய்வத் திருமகள், கார்த்தியுடன் அலெக்ஸ் பாண்டியன், என அடுத்தடுத்து முன்னணி ஹீரோக்களின் படங்களில் நடித்து தமிழிலும் முன்னணி நடிகைகளில் ஒருவரானார்.
தற்போது செல்வராகவனின் இரண்டாம் உலகம், சிங்கம்-2 படங்களில் ஆகிய படங்களில் நடித்து வரும் அனுஷ்காவுக்கு திருமணம் முடிவாகியுள்ளதாக புதிய தகவல் வெளியாகி உள்ளது.
கிட்டத்தட்ட 30 வயதைத் தொட்டு விட்ட அவருக்கு இனிமேலும் காலம் கடத்தாமல் திருமணம் செய்து வைக்க அவருடைய அப்பாவும்,அம்மாவும் முடிவு செய்திருப்பதால் அனுஷ்காவும் திருமணத்துக்கு சம்மதம் சொல்லி விட்டாராம்.
சமீபத்தில் தான் அவருக்கு மாப்பிள்ளை பார்க்கும் படலம்தடபுடலாக நடந்து முடிந்துள்ளது. ஆனால் இந்த திருமணம் சம்பந்தப்பட்ட விபரங்களை இதுவரைவெளியிடாமல் மிகவும் ரகசியமாகவைத்துள்ளனர் அனுஷ்காவின் குடும்பத்தினர்.
ஹைதராபாத்தை சேர்ந்த பிரபல தொழிலதிபர் ஒருவர் தான் அனுஷ்காவின் மாப்பிள்ளையாம்.
கைவசம் உள்ள எல்லாப் படங்களையும் முடித்து விட்டுத்தான் மணமேடையில் ஏற திட்டமிட்டிருக்கும் அவர் புதிதாக எந்த படங்களையும் கமிட் செய்யவில்லையாம்.
இதனால் அவரைத் தேடி வந்த புதிய வாய்ப்புகள் எல்லாமே சமந்தா,ஹன்ஷிகா மோத்வானி ஆகியோரைத் தேடிச்செல்கிறதாம்.
-
சவுண்டுகேமிராஆக்ஷன்