ஆன்லைன் மூலம் நிமிடத்திற்கு 7200 ரயில் டிக்கெட் முன்பதிவு செய்ய வசதி (ஐ.ஆர் சி டி.சி தலைவலி நீங்கும்)

ஆன்லைன் மூலம் ரயில் டிக்கெட் முன்பதிவு செய்வதில் காலதாமதம், குளறுபடி ஏற்படுவது, புகார்கள் பலவாறு வந்து கொண்டுதான் இருக்கின்றன. இதையடுத்து, இந்தாண்டு இறுதிக்குள், இந்த பிரச்னைகளை தீர்ப்பதற்காக, அதி நவீன தொழில்நுட்ப வசதிகள் ஏற்படுத்தப்படவுள்ளன. இதனால், ஆன்லைன் மூலம், ஒரே நிமிடத்தில், 7,200 டிக்கெட்டுகள் வரை, முன்பதிவு செய்ய முடியும்.
http://4.bp.blogspot.com/-RhDlfV1F5WU/US1LFrhea1I/AAAAAAAACKA/YByNVaHcogk/s320/railway+net+book.jpg
ரயில்வே பட்ஜெட்டில் இந்தியன் ரயில்வே உணவு மற்றும் சுற்றுலா கழக இணைய தளமான, ஐ.ஆர்.சி.டி.சி., மூலம்,ரயில் டிக்கெட் முன்பதிவு செய்வதில், கால தாமதம் ஏற்படுவதாக, புகார்கள் வந்துள்ளன. டிக்கெட் எடுக்காவிட்டாலும், கட்டண தொகை, பிடித்தம் செய்யப்படுவது போன்ற, குளறுபடிகள் உள்ளதாகவும், ஒரு தரப்பினர் கூறுகின்றனர். இதுபோன்ற பிரச்னைகளுக்கு முற்றுப் புள்ளி வைக்க, ரயில்வே துறை,பல்வேறு நடவடிக்கைகளை எடுத்துள்ளது. ஆன்லைன் டிக்கெட் முன்பதிவு செய்வதில், இந்தாண்டு இறுதிக்குள், அதி நவீன தொழில் நுட்ப வசதிகள் புகுத்தப்படவுள்ளன.
ஆன்லைன் மூலம், தற்போது, ஒருநிமிடத்தில், 2,000 டிக்கெட் மட்டுமே, முன் பதிவு செய்ய முடியும். புதிய தொழில்நுட்ப வசதி நடைமுறைப்படுத்தப்பட்டால்,ஒரே நிமிடத்தில், 7,200 டிக்கெட்டுகளை முன் பதிவு செய்யலாம். ஒரே நேரத்தில், நாட்டின் பல்வேறு பகுதிகளிலிருந்து,
1 லட்சத்து, 20 ஆயிரம் பேர், ஆன்லைன் தொழில்நுட்ப வசதியை பயன்படுத்த முடியும். தற்போது, 40 ஆயிரம் பேர் மட்டுமே, ஒரே நேரத்தில், ஆன்லைன் வசதியை பயன்படுத்த முடியும். எதிர்காலத்தில், இந்த வசதி, மேலும் விரிவு படுத்தப்படும். அதேபோல், ஆன்லைன் டிக்கெட் முறையில்,மேலும் பல வசதிகள் புகுத்தப்பட்டுள்ளன.
ஆன்லைனில், அதிகாலை, 12:30க்கு துவங்கி, இரவு, 11:30 வரை , டிக்கெ ட் முன்பதிவு செய்யலாம். காத்திருப்பு நிலவரம், பயணிகளுக்கு, எஸ்.எம்.எஸ்., மூலமாக, உடனுக்குடன் தெரியப்படுத்தப்படும்.
மொபைல் போன் மூலமாகவும், ஆன்லைன் டிக்கெட் பெறலாம். ஐ.ஆர்.சி.டி.சி., இணையதளத்துக்கு, தற்போது, ஒட்டு மொத்தமாக, பலத்த வரவேற்பு உள்ளது. இதை தக்க வைத்துக் கொள்வதற்காக, பல்வேறு நடவடிக்கைககள் எடுக்கப்படும். ஆதார் அடையாள அட்டை திட்டத்தை, ரயில்வே துறையில் பயன்படுத்தவும், திட்டமிடப்பட்டுள்ளது. டிக்கெட் முன்பதிவு, ரயில்வே ஊழியர்களுக்கான சம்பளம், ஓய்வூதியம் போன்ற விஷயங்களில், ஆதார் திட்டத்தை பயன்படுத்துவது, உபயோகமாக இருக்கும். இதுகுறித்து, ஆதார் அடையாள அட்டை திட்டத்தின் தலைவருடன் பேசி வருகிறோம். இவ்வாறு, பவன் குமார் பன்சால் கூறினார்.
-
யுடான்ஸ்

நல்ல விஷயம் அனைவருக்கும், சேவையை பொறுத்திருந்து பார்க்கலாம். பகிர்வுக்கு நன்றி