ஆசிட் விற்பனையை கட்டுப்படுத்த சட்டம்: ஜெயலலிதா அறிவிப்பு

**Powenraj** · **Powenraj** Tue 26 Feb 2013 - 18:19

தமிழகத்தில் ஆசிட் விற்பனையை கட்டுப்படுத்த சட்டம் கொண்டு வரப்படும் என்று முதல்வர் ஜெயலலிதா அறிவித்துள்ளார்.
இதுதொடர்பாக அவர் வெளியிட்டுள்ள அறிக்கையில் கூறியிருப்பதாவது:-
காஞ்சிபுரம் மாவட்டம், ஆலந்தூர் வட்டம், ஆதம்பாக்கத்தைச் சேர்ந்த ஜெயசீலன் என்பவரின் மகள் வித்யா 30-1-2013 அன்று விஜய் பாஸ்கர் என்பவரால் திராவகத் தாக்குதலுக்கு உள்ளாகி, பலத்த காயமடைந்துமருத்துவமனையில் அனுமதிக்கப்பட்டு சிகிச்சை பலனின்றி 24-2-2013 அன்று உயிரிழந்தார் என்ற செய்தியை அறிந்து நான் மிகவும் துயரம் அடைந்தேன்.
இந்த கொடுஞ்செயலால் அகால மரணமடைந்த வித்யாவின் குடும்பத்திற்கு எனது ஆழ்ந்த இரங்கலையும், அனுதாபத்தையும் தெரிவித்துக் கொள்கிறேன்.
இந்த துயர சம்பவத்தில் உயிரிழந்த வித்யாவின் குடும்பத்திற்கு முதலமைச்சரின் பொது நிவாரண நிதியிலிருந்து இரண்டு லட்சம் ரூபாய் வழங்க உத்தரவிட்டுள்ளேன்.
மேலும் வருகின்ற நிதிநிலை அறிக்கை கூட்டத் தொடரின்போது, திராவக விற்பனையை கட்டுப்படுத்துவதற்கும், முறைப்படுத்துவதற்கும் சட்ட முன்வடிவு கொண்டு வரப்பட்டு நிறைவேற்றப்படும்.
இவ்வாறு ஜெயலலிதா கூறியுள்ளார்.
-
மாலைமலர்

chinnavan · chinnavan Tue 26 Feb 2013 - 18:21

இப்பவாவது தோனுச்சே, வரவேற்கிறோம் . பகிர்வுக்கு நன்றி

உதயசுதா · உதயசுதா Tue 26 Feb 2013 - 18:22

அடடா இரண்டு உயிர்களை பலி வாங்கினதுக்கு அப்புறம் அம்மா கண்ணை திறந்து இருக்காங்க. பரவாயில்லை செய்ய வேண்டியதை விரைவில் செய்தால் மேலும் இது போல சம்பவங்கள் நிகழாமல் இருக்கும்