கோயம்பேடு பஸ் நிலையத்தில் பச்சிளங் குழந்தையை கொன்று குப்பையில் வீச்சு

**Powenraj** · **Powenraj** Tue 26 Feb 2013 - 18:15

http://mmimages.maalaimalar.com/Articles/2013/Feb/2f0e2a7d-5698-401a-9b45-cfdf7f9d4f3e_S_secvpf.gif
கோயம்பேடு பஸ் நிலையத்தில் வெளியூர் செல்லும் பஸ்களை நிறுத்தி பழுது பார்க்கும் இடம் அருகே குப்பைகளை தரம்பிரித்து எடுத்துச் செல்லும் பகுதி உள்ளது.
இன்று காலை மாநகராட்சி ஊழியர்கள் குப்பைகளை அள்ளுவதற்காக அங்கு வந்தனர். அப்போது பச்சை கலர் கட்டை பையில் பிறந்துசில நாட்களே ஆன பச்சிளம் ஆண் குழந்தை பிணம் இருப்பதை கண்டு அதிர்ச்சி அடைந்தனர். குழந்தையின் 2 கைகளும் சிறிய துணியால் கட்டப்பட்டு இருந்தன. வாயில் ரத்தம் உறைந்து காணப்பட்டது. உடல் மெலிந்து முழுவதும் வெண் புள்ளிகளாக பார்ப்பதற்கு விகாரமாக இருந்தது.
எனவே குழந்தையை பெற்றோரே கொன்று குப்பையில் வீசி இருக்கலாம் என்று போலீசார் சந்தேகிக்கிறார்கள். குழந்தையின் உடலில் ஆஸ்பத்திரியில் சிகிச்சை பெற்றதற்கான பிளாஸ்திரி, பஞ்சு, துணிகள் கட்டப்பட்டு உள்ளது. எனவே எந்த ஆஸ்பத்திரியில் குழந்தைக்கு சிகிச்சை அளிக்கப்பட்டது? குழந்தையை கொன்று வீசிய கல்நெஞ்சம் படைத்த பெற்றோர் யார்? என்று விசாரித்து வருகிறார்கள்.
குப்பையில் குழந்தை பிணம் கிடந்த சம்பவத்தால் கோயம்பேடு பஸ்நிலையம் பெரும் பரபரப்பாக காணப்பட்டது.
-
மாலைமலர்