2 நாய், 7 கோழிகளை கொன்று ரத்தத்தை குடித்தார் இளம்பெண்...........

by DERAR BABU Tue Feb 26, 2013 10:22 am

கோவை : இரண்டு தெரு நாய், 7 கோழிகளை கொன்று ரத்தம் குடித்த மனநிலை பாதிக்கப்பட்ட இளம் பெண் கோவை அரசு மருத்துவமனையில் சேர்க்கப்பட்டுள்ளார். அரசு மருத்துவமனையிலும் குடிக்க ரத்தம் கேட்பதால் பரபரப்பு ஏற்பட்டுள்ளது. கோவை மணியகாரம்பாளையம் பகுதியை சேர்ந்தவர் ராஜூவ் (பெயர் மாற்றப்பட்டுள்ளது). கூலித்தொழிலாளி. இவர் மனைவி கமலம் (28) (பெயர் மாற்றப்பட்டுள்ளது). இவர்களுக்கு நான்கு வயதில் ஒரு பெண் குழந்தையும், நான் மாத ஆண் குழந்தையும் உள்ளது.

கமலத்திற்கு சில நாட்களுக்கு முன்பு திடீரென மனம்நலம் பாதிக்கப்பட்டதாகக் கூறப்படுகிறது. 2 நாட்களுக்கு முன்பு வீட்டில் தூங்கிக் கொண்டிருந்த ஆண் குழந்தையை தண்ணீர் தொட்டியில் அழுத்தி கொலை செய்ய முயன்றுள்ளார். இதைப் பார்த்த கணவன், ஓடிவந்து குழந்தையை பறித்துக் கொண்டார். இந்த சம்பவம் நடந்த சில நிமிடங்களில் மீண்டும் பெண் குழந்தையை கழுத்தை நெரித்து கமலம் கொலை செய்ய முயன்றுள்ளார். இதை தடுத்து கண்டித்த கணவரை பார்த்து ரத்தம் வேண்டும், ரத்தம் வேண்டும் என கமலம் அலறியதைக் கண்டு கணவர் அதிர்ச்சியடைந்தார்.

இதற்கிடையே சனிக்கிழமை அன்று வீட்டுக்கு அருகில் சுற்றித்திரிந்த ஒரு நாயை பிடித்து கொன்று ரத்தத்தை குடித்துள்ளார். இதை பார்த்து பதறிப்போன கணவர், கமலத்தை பொள்ளாச்சி அம்பராம்பாளையத்திற்கு வைத்தியத்திற்காக அழைத்துச் சென்றுள்ளார். அங்கும் ரத்தம் வேண்டும் எனக்கூறிய கமலம் சாலையில் சென்ற ஒரு நாயை பிடித்து கொன்று ரத்தம் முழுவதையும் குடித்துள்ளார்.

மேலும், தனக்கு ரத்தம் வேண்டும் என கணவரிடம் கேட்டு சத்தம்போட்டு அடம்பிடித்துள்ளார். பிறகு அவர் அங்கிருந்த 7 கோழிகளின் தலையை ஒன்றன்பின் ஒன்றாக கடித்து ரத்தம் குடித்துள்ளார். கமலம் தொடர்ந்து இதே போல் நாய், கோழியை கொன்று ரத்தம் குடிப்பதால் கணவர் மற்றும் அவரின் குடும்பத்தினர் பீதியடைந்தனர்.
இதையடுத்து, கமலத்தை சிகிச்சைக்காக கோவை அரசு மருத்துவமனைக்கு நேற்று அழைத்து வந்தனர். கமலத்தை பரிசோதித்த மருத்துவர்கள், அவரை அங்குள்ள மனநலம் பிரிவில் சேர்த்து சிகிச்சை அளித்து வருகின்றனர். நாய், கோழிகளை கொன்று ரத்தம் குடித்த கமலம் தொடர்ந்து ரத்தம் கேட்பதால் அரசு மருத்துவமனையில் பரபரப்பு ஏற்பட்டது.

தினகரன்