அஃறினை நன்றிகள்.

ச. சந்திரசேகரன் · 16/09/2012

அஃறினை நன்றிகள் - கவிதை

எந்தன் வாயில் நுழைந்து
பற்கள் இடுக்கில் இழைந்து
பல்லின் சொத்தை குறைத்து
போவாய் நீயும் விரிந்து
எனக்கு காப்பாய் இருக்கும்
பல்-தூரிகையே !! சொல்வேன் நன்றியே.

எந்தன் உடலில் உராய்ந்து
எந்தன் அழுக்கை தேய்த்து
நன்றாய் நீயும் நுரைத்து
போவாய் நீயும் கரைந்து
எனக்கு காப்பாய் இருக்கும்
சோப்புக்கட்டியே !!! சொல்வேன் நன்றியே.

எனக்கு அழகை சேர்த்து
எந்தன் மானம் காத்து
என்னால் நீயும் கிழிந்து
போவாய் நீயும் அழிந்து
எனக்கு காப்பாய் இருக்கும்
உடையே !!! உனக்கு என் நன்றியே.

எந்தன் பசியை தீர்த்து
நாவில் ருசியை சேர்த்து
எனக்கு வலிமை தந்தே
எனக்குள் கறைவாய் நிதமே
எனக்கு காப்பாய் இருக்கும்
பல்சுவை உணவே !!! உனக்கென் நன்றியே.

என்னை தினம் சுமந்து
தானும் தினம் தேய்ந்து
கல்லும் முள்ளும் கடந்து
காட்டில் மேட்டில் நடந்து
எனக்கு காப்பாய் இருக்கும்
காலணியே!!! உனக்கு என் நன்றியே.

என்னை நீயும் சுமந்து
போவாய் நீயும் பறந்து
பள்ளம் மேட்டில் உருள்வாய்
போவாய் நீயும் துருவாய்
எனக்கு காப்பாய் இருக்கும்
வாகனமே !!! உனக்கென் நன்றியே.

எண்ணம் மனதில் ஏற்றி
காகிதம் தன்னில் ஊற்றி
கருத்தை பறை சாற்றி
பெற்றுத் தருவாய் வெற்றி
எனக்கு காப்பாய் இருக்கும்
எழுதுகோலே !!! உனக்கென் நன்றிகள்.

வேலை பளுவைக் குறைத்து
வேண்டிய எண்ணம் பதித்து
வேகமாய் வேலை முடிக்கும்
வெற்றியை தந்திடத் துடிக்கும்
எனக்கு காப்பாய் இருக்கும்
கணினியே !!! உனக்கென் நன்றியே.

என்னை உன்மேல் சாய்த்து
எந்தன் சோர்வை மாய்த்து
கண்ணில் தூக்கம் சேர்த்து
மகிழ்வாய் என்னைப் பார்த்து
எனக்குக் காப்பாய் இருக்கும்
தலையணையே !!! உனக்கென் நன்றியே.

அச்சலா · அச்சலா Thu 29 Nov 2012 - 4:17

நல்ல முயற்சி...என் வாழ்த்துக்களும்... அன்பு மலர்

**T.N.Balasubramanian** · **T.N.Balasubramanian** Thu 29 Nov 2012 - 9:04

ரமணியன்

ச. சந்திரசேகரன் · 16/09/2012

T.N.Balasubramanian wrote:
ரமணியன்

அச்சலா wrote:நல்ல முயற்சி...என் வாழ்த்துக்களும்...

இருவரின் வாழ்த்துக்களுக்கும் நன்றிகள்.

MYTHILY JAYABALAN · MYTHILY JAYABALAN Sat 1 Dec 2012 - 0:30

அஃறினைக்கும் நன்றி கூறும் மாண்பை என்னென்பது? அடாடாடா !!!!

பூவன் · பூவன் Sat 1 Dec 2012 - 0:34

நம்மையும் நம்மை சுற்றி உள்ள அழகான பொருள்களின் ,அழகை அழகாக சொன்ன விதம் அழகு ......

ச. சந்திரசேகரன் · 16/09/2012

பூவன் wrote:நம்மையும் நம்மை சுற்றி உள்ள அழகான பொருள்களின் ,அழகை அழகாக சொன்ன விதம் அழகு ......

உங்கள் விமர்சனம் அழகோ அழகு. நன்றிகள்.

பூவன் · பூவன் Sat 1 Dec 2012 - 0:48

அழகுக்கு நன்றி

ச. சந்திரசேகரன் · 16/09/2012

பூவன் wrote:அழகுக்கு நன்றி

உயர்திணை அஃறினை கடந்து, அழகு என்ற தமிழுக்கும் நன்றி கூறும் பாங்கு.
உங்க நேர்மை எனக்கு பிடிச்சிருக்கு.

ச. சந்திரசேகரன் · 16/09/2012

MYTHILY JAYABALAN wrote:அஃறினைக்கும் நன்றி கூறும் மாண்பை என்னென்பது? அடாடாடா !!!!

உயர்திணை உங்களுக்கும் நன்றிகள்.

Sponsored content · Sponsored content

அஃறினை நன்றிகள்.

அஃறினை நன்றிகள்.

Re: அஃறினை நன்றிகள்.

Re: அஃறினை நன்றிகள்.

Re: அஃறினை நன்றிகள்.

Re: அஃறினை நன்றிகள்.

Re: அஃறினை நன்றிகள்.

Re: அஃறினை நன்றிகள்.

Re: அஃறினை நன்றிகள்.

Re: அஃறினை நன்றிகள்.

Re: அஃறினை நன்றிகள்.

Re: அஃறினை நன்றிகள்.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக