அழுதா மனசு தாங்கதே.....

மீனு · மீனு Mon Oct 19, 2009 4:57 pm

[color=red](முதல்வருட திருமணநாளின் போது வெப் கேம் எதிரே காதலுடன் அழுத மனைவியின் கண்ணீரை துடைக்க முடியாமல் தவித்த கணவனின் விசும்பலின் வெளிப்பாடுகள்... ..

கடற்கரை எங்கும்
நம் இருவரின் கால்பதித்த
தடயங்கள்
தேடிக்கொண்டு இருக்கின்றேன்...

சிக்னலில்
சட்டென சீறிப்பாயாமல்
நீ இருப்பதாய் நினைத்து
நிதானமாய் கிளப்புகின்றேன்...

நீ
இல்லாமல் சத்தியமாக,
சத்தியம் தியேட்டர்
செல்லவில்லைநான்...

மாதத்துக்கு இரண்டு
கோட்டா உண்டு என்றாலும்...
எதையும் தொடவில்லை
உன்னிடம் கெஞ்சி
திட்டு வாங்கி குடிப்பதில்
ஒரு கிக் இருக்கத்தான் செய்கின்றது...

உனை மறக்க
மெரினாவில் தனியாய்
காற்றுவாங்குகையில்...
சுக்கு காபி விற்பவன்
அக்கா எங்கே? என்று கேட்கின்றான்....
போங்கடா நீங்களும் உங்க பாசமும்...

அடித்தொண்டையில்
கசக்கும் அளவுக்கு
காபி சாப்பிட்டு வெகுநாள் ஆயிற்று....

வண்டியில் போகும் போது
காற்றில் துணி விலகி
இடுப்பு தெரியும் பெண்ணை,
நீ கடிப்பாய், கிள்ளுவாய் என்ற
பயம் இல்லாமல்
தைரியமாக பார்க்கின்றேன்....

மழையில் இரண்டுநாளாய்
நனையும் உள்ளாடையும்,
போட்டது போட்டபடி
வீடு முழுவதும் கிடக்கும்
ஒழுங்கற்ற பொருட்கள்
உன் பிரிவை தெரிவிக்கின்றன...

விரைந்து வந்து விடு...
என் உடம்பில் பசலை
படர்வதை நானே உணர்கின்றேன்....

ஸ்வீட் ஹார்ட்,
பட்டு,
செல்லம்,
ஐலல்யூ,
நான் உன்னை மிஸ் பண்றேன்,என்று ...
ஆயிரம் முறை சொல்லியாகிவிட்டது
வெப்கேம் எதிரே....
எப்படி சொன்னாலும்
தோள் உரச,
கடற்கரை மணலில்
நடப்பதற்க்கு ஈடாகுமா? அது...

“நுயூயார்க் நகரம் உறங்கும்” பாடலை நான்
தமிழ்நாட்டில் கேட்டால்
நீ அயர்லாந்தில் அழுகின்றாய்..

சட்டென கண்ணில் ஜலம்
வைத்துக்கொள்கின்றாய்...
வெப்கேமில் வெடிக்கை
பார்பதைவிட
என்ன செய்து விட
முடியும் என்னால்.....

எனக்குசென்னை சற்றே
அழகு குறைவாய்
காணப்படுகின்றது...
அயர்லாந்தும்
அப்படியே இருக்கின்றதாய்
நீ தினமும் சொல்வதில்
இருந்து அறிகின்றேன்...

நேரில் வா...
கடந்து போன காலங்களை
தேடிப்பிடித்து
வட்டியும் முதலுமாய் கொண்டாடுவோம்...

(முதல்வருட திருமணநாளின் போது வெப் கேம் எதிரே காதலுடன் அழுத மனைவியின் கண்ணீரை துடைக்க முடியாமல் தவித்த கணவனின் விசும்பலின் வெளிப்பாடுகள்... மேலுள்ளவை...)

ஹரித்தா · ஹரித்தா Mon Oct 19, 2009 5:09 pm

அருமை மீனு அக்கா பாடகன்

ஹரித்தா · ஹரித்தா Mon Oct 19, 2009 5:11 pm

மீனு அக்கா போட்டோ ஏப்படி போடறது என்ன?

Karthikeyan.G · Karthikeyan.G Mon Oct 19, 2009 5:13 pm

மிகவும் அருமை... அருமை... மீனு .... அழுதா மனசு தாங்கதே..... 677196

மீனு · மீனு Mon Oct 19, 2009 5:17 pm

நன்றிகள் ஹரித்தா,,நன்றிகள் கார்த்தி ..
ஹரித்தா..பயனர் தகவல் அரை போயி அவடோர் கிளிக் செய்து உங்கள் படத்தை சேர்ச் பண்ணி இங்கே போடலாம்..

Sponsored content · Sponsored content

அழுதா மனசு தாங்கதே.....

அழுதா மனசு தாங்கதே.....

Re: அழுதா மனசு தாங்கதே.....

Re: அழுதா மனசு தாங்கதே.....

Re: அழுதா மனசு தாங்கதே.....

Re: அழுதா மனசு தாங்கதே.....

Re: அழுதா மனசு தாங்கதே.....

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக